Lesona faha 11 : NY VOKATRY NY FANAHY DIA FAHITSIANA

Tsianjery

Wed, 10 Mar 2010 11:50:03 +0100

"Sambatra ny noana sy mangetaheta ny faharinana fa izy no hovokisana" Mat.5:6

Sabotsy 06-03-2010 : Fampidirana

Wed, 10 Mar 2010 11:50:03 +0100

Tamin'iny herin'andro iny isika dia namarana ny fianarana ireo rantsana sivin'ny vokatry ny Fanahy. (Gal. 5:22, 23). Mandritra ny herinandro roa manaraka kosa indray dia hianatra roa hafa isika: Fa ny vokatry ny mazava [ Fa ny vokatry ny fanahy] dia ao amin'ny fahatsarana ehetra sy ny fahamarinana ary ny fahitsiana " Efes, 5:9. Averin'i Paoly eo amin'io andininy io indrav ny hoe "fahatsarana" ary anampiny izany ny hoe fahamarinana sy fahitsiana. Amin'ity herinandro ity isika dia hijery hoe inona moa izany "fahamarinana" izany.
Misy lafiny roa ny fahafantarantsik a ny hoe fahamarinana.:Voalohany, ny fahamarinan'i Kristy isaina, dia izay nataon'i Jesôsy ho antsika izany, fahamarinana izay mandrakotra antsika ka mahatonga antsika hanana zo hiditra iny andanitra. Ny faharoa dia ny fahamarinan'i Kristy zaraina, dia izay ataony ao anatintsika amin'ny alajan'ny Fanahy Masina, hamolavolana antsika hanana ny endriny. Raha azontsika tsara izany dia izao: Misy lafiny roa tsy azo sarahina ny fahamarinana. na dia tsy misy afa-tsy fahamarinana tokana ihany aza, raha ny marina - dia ny fahamarinan'i Kristy izany - izay, raha tsy eo, dia tsy afaka hanantena famonjena isika.

Alahady 07-03-2010 : Ny maha-zava-dehibe ny fahamarinana

Wed, 10 Mar 2010 11:50:03 +0100

" Koa amin'izany dia ataontsika fa finoana no hanamarinana ny olona, fa tsy ny asan'ny lalàna"- Rom.3:28 " Fa marina Jehovah, ka fahamarinana no tiany: ny mahitsy no hahita ny tavanay"- Sal.11:7.Favetavetana eo imason' i Jehovah ny lalan'ny ratsy faanhy; fa izay fatrapanaraka any fahamarinana no tiany"-Ohabolana 15:9. " Ary Izy no nitondra ny fahotantsika tamin'ny tenany teo amin'ny hazo fijaliana mba ho faty ny amin'ny ota isika , fa ho velona ny amin'ny fahamarinana; ary ny dian-kapoka taminy no nahasitranana anareo" 1 Pet. 224. "Mba hahatanteraka ny fahamarinana ilain'ny lalàna amintsika, izay tsv mandeha araka ny nofo,fa araka ny Fanahy " - Rôm. 8:4. "Fa katsaho aloha ny fanjakany sy ny fahamarinany dia hanampy anareo izany rehetra izany" Mat.6:33 " Raha faantrareo fa marina Izy, dia fantaro fa izay rehetra manao ny marina no zanay rehetra" 1Jao2:29.

Araka ireo andalan-teny nofantenina eo ambony ireo dia valio ireto fanontaniana ireto:

Raha tsy hamarininy araka ny lalàna isika, ahoana àry no hanamarinana antsika?
Na dia haintsika tsara aza fa mankahala ny fahotana Andriamanitra, inona no hevi-diso tokony hialantsika amin'izany?
Inona no dikan'ity: "Fa ny fahamarinan'ny lalàna dia tanteraka ao amintsika"? Afaka ny hitandrina tsara ny lalàna ve isika ka ho tanteraka amin'izany? Sa ve zavatra hafa no tian'i Paoly hambara eto? Raha îzany, inona àry?
Ahoana no tokony hampiova ny fiaînantsika rehefa mahita amin'ny voalohany ny fanjakan'Andriamanitra sy ny fahamarinany isika?
Inona no dikan'izany hoe "manao ny marina"? Mety ho marina ve isika nefa tsy manao ny marina? Hamarino ny valin-teninao.

Alatsinainy 08-03-2010 : Ataovinao irery izay marina!

Wed, 10 Mar 2010 11:50:03 +0100

"Fa satria tsy mahalala ny fahamarinana avy amin'Andriamanitra izy ka mitady fahamarinana ny tenany, dia tsy nanaiky ny fahanlarinana avy amin'Andriamanitra "Rôm. 10:3. Inona no eritreretinao fa resahin'i Paoly eto? Iza no resahiny amin'izany, ary ahoana no mety niezahan'ireo olona ireo hametraka ny "fahamarinan'ny tenany"? Amin'ny maha-zava-boary ny olom-belona, nahoana no tsy azo heverina mihitsy izany?

Ny zavatra iray izay atao hoe "ataovinao irery" dia zavatra ataon'ny olona iray (amin'ny fandrafetana hazo na fanamboarana trano) izay tsy misy fiofanana manokana na fanaraha-maso manokana. Raha amin'ny fijery mivelatra dia asa izay ataon'ny olona iray irery izany na ataony amin'ny finiavany manokana. Indraindray isika dia miresaka ny amin'ny olona mahavita tena, na lahy na vavy. Na dia izany aza anefa, raha ny Baiboly no jerena dia ny hoe "ataovianao irery" eo amin'ny fahamarinana tena izy dia tsy azo tanterahina mihitsy. Tsy misy zavatra izay azo ataon'ny tenantsika manokana; na dia miezaka mafy ny ho marina eo anatrehan'Andriamanitra aza isika. Ny fahamarinantsika dia tahaka ny -lamba mihosin-drà - - Isa. 64:5. Raha ny tena izy aza dia ity, ny fitadiavanao fahamarinana amin'ny tenanao manokana dia mitarika ho amin'izay mifanohitra amin'izay.

Vakio ny Mat. 5:20 sy ny 23:25-28. Ahoana no hanondroan'i Jesôsy ny olana avy amin'ireo mitady ho marina amin'ny tenany manokana eto?

Ny tena zava-dehibe tokony ho azon'ny Kristianina dia ny hoe tena miankina tanteraka amin'ny Kristy izy ireo amin'ny fahamarinany. Ny mahamasina azy ireo eo anatrehan'Andriamanitra dia noho izay nataon'i Kristy ho azy ireo fa tsy noho izay nataony. Rehefa hadinon'ny olona iray izany fahamarinana izany dia mora amin'ny fahamarinan'ny tena ny hihakatra miaraka amin'ny ambom-po sy kolikoly anaty. Ny mpanora-dalàna sy ny fariseo no natao ho ohatra voalohany ny amin'izany zava-mitranga izany. Satria variana loatra amin'ny asa fiantrana ety ivelany izy dia hadinony ny tena zava-dehibe.

Amin'ny tomba ahoana no mety hahadiso anao amin'ny ota iraisana amin'ny fariseo sy ny mpanora-dalàna? Fa nahoana no toc sarotra hita izany fitaka izany ka tsy araka ny eritreretintsika?

Talata 09-03-2010 : Kristy, fahamarinantsika - r�m. 5:17.

Wed, 10 Mar 2010 11:50:03 +0100

Vakio ny Rôm. 5:17-19 ka fintino amin'ny teninao izay ambaran'i Paoly eto. Ahoana no maha-voaheloka antsika, ary ahoana no haha-marina antsika?

Raha fanomezana avy amin'Andriamanitra ny fahamarinana, amin'ny fomba ahoana no hahazoana izany? Gai. 3:6. Jak. 2:23.

Ao amin'ny Rôm. 5:19, mariho ny fanindriana manokana ny fankatoavana sy ny tsy fankatoavana. Ny tsy fankatoavan'ny olona iray, ny an'i Adama dia nitarika antsika rehetra ho mpanota avokoa. Fampianarana fototra avy ao amin'ny Baiboly izany. Ny fahadisoan'i Adama dia nitarika ny fahalavoan'ny taranak'olombelona rehetra. Isika rehetra, ny tsirairay amintsika, isan'andro eo amin'ny fiainantsika dia miaina ny vokatr'izany. Tsy misy afa-miala amin'izany.

Na izany aza, io andininy io dia miresaka ny amin'ny fankatoavana ihany koa. Ny fankatoavan'iza? Ny an'i Kristy mazava ho azy. Izy irery no manana ny fahamarinana ilaina amin'ny famonjena, ilay fahamarinana omena izay rehetra "mahazo ny haben'ny fahasoavana". Ao amin'io andininy io tokoa i Paoly dia milaza fa ireo izay mahazo izany fahasoavana izany dia mandray ny "fanomezan'ny fahamarinana". Mariho fa fanomezana izany. Amin'ny maha-fanomezana azy dia tsy tokony ho karama na valin'ny natao izany. Raha toa mantsy ka karama na valin'ny natao izany dia efa tsy azo atao intsony hoe "fahasoavana" (Rôm. 4:4).

Na izany aza anefa dia tsy hoe toy ny lamba firakotra ny fanomezana ka voarakotry daholo ny olona rehetra. Tsy mandeha ho azy tsy akory hoe mahazo ny fahamarinan'i Kristy avokoa ny olona rehetra (Rôm. 5:17). Mazava ny voalazan'i Paoly, tonga amin'izay handray azy izany; izany hoe, ireo izay mangataka izany amim-pinoana no omena izany - tahaka an'i Abrahàma, izay nino an'Andriamanitra ka "nisaina ho fahamarinany izany" - Gal. 3:6.

Azonao marina ve izany hoe voavonjin'ny finoana izany? Amin'ny fomba ahoana no tena hahazoanao izany hoe ny fahamarinan'l Kristy irery ihany, omena anao amin'ny finoana, no hahatonga anao hijoro ho marina sy voamarina eo anoloan'Andriamanitra? Inona no azonao atao hahazoanao izany fanomezana mahafinaritra izany, ny fanorenana ny filazantsara?

Alarobia 10-03-2010 : Ny fahamarinana sy ny fankatoavana. 1 jao 2:29

Wed, 10 Mar 2010 11:50:03 +0100

Na dia voarakotry ny fahamarinana Kristy aza isika dia tsy maintsy miseho eo amin'ny fiainantsika izany fahamarinana izany. Tsy fanambarana ara-dalàna fotsiny akory izany fahamarinana izany. Lasa zava-misy eo amin'ny fiainan'ny olona iray izay miaina izany izany. Ahoana no tokony handraisantsika amim-pahendrena izany tenin'i Jaona izany: -Anaka aza avela hisy hamitaka anareo izay manao ny marina no marina,eny marina tahaka Azy - 1 Jao. 3:7

Inona no mety haha-voafitaka antsika raha ny dikan'ny hoe marina no resahina?

Ny fahamarinana dia ilay vokatry ny Fanahy izay mifandray amin'ny fankatoavana. Ho an'ny olona sasany, ny fankatoavana dia tsy mifanaraka amin'ny famonjena amin'ny alalan'ny finoana. Amin'ny fotoana sasany dia mety hisy handre hoe: "Ankehitriny raha nanaiky an'i Jesôsy ho mpamonjy ianao, tsy hanaiky Azy ho Tompon'ny tenanao koa ve ianao?" Tahaka ny hoe ny fankatoavantsika ny sitrapon'Andriamanitra sy ny famonjena antsika dia zavatra roa misaraka. Izany no atao hoe fandikana diso tanteraka ny tena atao hoe famonjena.I Jaona dia nanoratra fa ny miaina fiainana marina dia fambara azo hamarinina ho an'ireo izay manana ny famonjena.

Vakio ny 1 Jao. 2:3-6. Inona no ambaran'i Jaona eto?

Rehefa resahina ny momba ny fahatokiana dia tsy mahagaga ny maheno olona milaza fa tsy voavonjy noho ny asantsika isika. Eny fa na dia tsy isalasalana aza fa ny fankatoavan'i Losifera ny sitrapon'Andriamanitra no tsy nahatonga azy tany an-danitra, dia tokony hatao ao an-tsaina fa ny tsy fankatoavany no nahatonga azy ho voaroaka tany. Tahaka izany koa no azo lazaina ny amin'ny Adama sy Eva. Tsy nampiala azy tao amin'ny Sahan'i Edena ny fankatoavany ny sitrapon'Andriamanitra fa ny tsy fankatoavany ny sitrapon'Andriamanitra kosa izay vokatry ny nataony no nanala azy tao amin'ny Saha.

"Ny fahamarianana dia ny fanaovana ny marina, ary amin'ny alalan'ny asany no hitsarana ny olona rehetra. Ny toetrantsika dia miseho amin'ny alalan'ny zavatra ataontsika. Ny asa no maneho ny finoana tena izy," - COL, t. 312.

Ahoana no tena anehoanao ny vokatry ny fahamarinana eo amin'ny fiainanao? Inona ireo fomba izay tokony havelanao satria mamingana ny vokatry ny fahamarinana eo amin'ny fiainanao? (Aza miezaka ny hanamarina lzany !)

Alakamisy 11-03-2010 : Fiainana marina

Wed, 10 Mar 2010 11:50:03 +0100

"Izay rehetra mino fa Jesosy no Kristy dia naterak'Andriamanitra; ary izay rehetra tia Izay niteraka dia tia izay naterany koa. Izao no hahafantarantsika fa tia ireo zanak'Andriamanitra isika, dia ny itiavantsika an'Andriamanitra sy ny hankatoavantsika ny didiny. Fa izao no fitiavana an'Andriamanitra, dia ny hitandremantsika ny didiny, sady tsy mavesatra ny didiny" -1 Jao. 5:1-3.

Ahoana no anambaràn'i Jaona ny fitiavana an'Andriamanitra amin'ny fitiavana ny mpino hafa kanefa mametraka ao an-tsaina mandrakariva ny fitandremana ny didy? Fa nahoana no natambany izany rehetra izany?

"Ny olona Iray izay afaka mitandrina ny didin'Andriamanitra satria "adidy" tsotra izao izany ary satria takina aminy izany - dia tsy hiditra amin'ny fifalian'ny fankatoavana na oviana mihitsy. Tsy mankato izy. Rehefa atao ho zioga ny fangatahan'Andriamanitra satria manakana izay tian'ny olombelona izany, dia tokony ho fantantsika fa izany fiainana izany dia tsy fiainana kristianina. Ny tena fankatovana dia izay asa avoaky 'ny foto-kevitra ao anaty ao. Miboiboika avy amin'ny fitiavana ny fahamarinana izany, ny fitiavana ny la làn'And rima nitra. Ny iavian'ny fahamarinana rehetra dia avy amin'ny fahitsiana eo anatrehan'llay Mpanavotra antsika. lzany dia hitarika antsika hanao izay mahitsy satria mahitsy izany, satria ny fanaovana izay mahitsy dia ankasitrahan'Andriamanitra." - COL, tt. 97,98.

Ary inona moa no fomba tsara indrindra hanentanana ny faniriana ho mahitsy eo anatrehan'Andriamanitra afa-tsy amin'ny alalan'ny fibanjinana ilay fandavan-tenany mahagaga ho antsika teo amin'ny hazo fijaliana? Tsy misy hery mihitsy raha milaza amin'ny olona ianao fa tokony hitandrina ny lalàna izy ireo. Ny hery dia avy amin'ny famelana ny olona ho eo amin'l Jesôsy sy ho eo amin'ny fanekeny ho faty hisolo antsika. Ny hery dia avy amin'ny famelana ny mpanota hahalala fa ny fahotany dia azo avela amin'ny lalan'i jesosy, ary afaka ny hijoro ho tanteraka izy eo anoloan'Andriamanitra ao amin'ny ankanjom-pahamarinan'i kristy.

Ny fitiavana an'Andriamanitra, fa tsy ny fahatahorana ny helo sy ny fanamelohana, no tokony ho hery manentana eo amin'ny fiainantsika .Tsy misy afaka ny hahatonga antsika ho tia an'Andriamanitra anef afa tsy ny fifantohana amin'ny hazo fijaliana sy ny harena ary ny teny fikasana izay antsika amin'ny alalan'io.

Tena tia an'Andriamanitra ve ianao? Ahoana ary no hahalalano izany?) (Mety hoe mamitaka ny tenanao ve ianao? Inona no ataonao na ambaranao ka maneho ny maha-zava-misy izany fitiavana izany ?-.Raha atao amin'ny teny hafa , inona no hahazoana antoka fa tena zavamisy izany fitiavana izany?

Zoma 12-03-2010 : Fianarana fanampiny

Wed, 10 Mar 2010 11:50:03 +0100

"Tsy ampy ny mino fa Jesôsy dia tsy mpamitaka, ary koa ny mino fa ny fivavahana ao amin'ny Baiboly dia tsy anganongano voazarazara tamin-kafetsena. Mety hino isika fa ny anaran'i Jesôsy no anarana tokana ambanin'ny lanitra hahazoan'ny olona famonjena, kanefa isika mety tsy hanaiky amin'ny finoana Azy ho Mpamonjin'ny tenantsika manokana. Tsy ampy ny mino fotsiny ny petra-kevitry ny fahamarinana. Tsy ampy ny manao, fanekem-pinoana ao amin'i Kristy ary avy eo dia misoratra anarana ho mambra ao amin'ny fiangonana. "Ary izay mitandrina ny didiny no mitoetra ao Aminy, ary lzy kosa ao aminy. Ary izao no ahafantarantsika fa mitoetra ao arnintsika, Izy, dia ny Fanahy izay nomeny antsika." -Ary izaahafantarantsika fa mahalala Azy isika, dia ny fitandremana ny didiny. 1 Jao 3:24; 2:3. lzany no tena zava-misin'ny fiovampo tena marina. Na inona na inona fanekena ataontsika, tsy misy vidiny mihitsy izany raha tsy miseho eo amin'ny asan'ny fahamarinana i Kristy," - COL, tt. 312,313

FANONTANIANA HIFANAKALOZAN-KEVITRA:

Ahoana no hialantsika amin'ny fitaky ny fitandremana fotsiny ny lalàna (légalisme), izay mihevitra fa ny asantsika no hamonjy antsika, na koa ho latsaka amin'ny fiheverana ilay fahasoavana mora vidy, izay mihevitra fa ny asa dia tsy misy hidirany mihitsy amin'ny famoniena? Ahoana no hampifandanjantsika izany eto? Aiza no hiankinanao kokoa, amin'ilay fahasoavana mora vidy ve sa ilay fitandremana fotsiny ny lalàna (legalisme)? Inona no loza ratsy amin'ny fanaovana ny fiainantsika ho tarihin'ny faniriana hanao asa tsara? Mety hitarika ho aiza izany, ary ahoana no hialantsika amin'izany?
•    Mieritrereta olona fantatrao izay ohatra ny "marina". Manao ahoana izany olona izany. Ahoana no fihetsiny? Ahoana no fiarahany amin'ny olona hafa? Inona no zavatra resahin'izany olona izany? Inona no azonao hianarana avy amin'izany olona izany?
•    Indraindray isika dia mihevitra ny fahamarinana ho teny manokana, izay marina azo ekena tokoa. Kanefa moa ve tsy misy iraisan'ny fiarahamonina koa izany? Mety ho "marina" ve ny fiaraha-monin'ny fiangonantsika? Raha izany no izy, amin'ny fomba ahoana? Ahoana no fisehon'izany hoe fiaraha-monim-piangonana "marina" izany? Ahoana no hampitahanao izany amin'ny idealy izay hitanao?
•    Raha toa ka midika ho mihoatra lavitra noho ny fanekem-pinoana ao amin'i Kristy sy ny fisoratana anarana ao amin'ny rejisitry ny fiangonana fotsiny ny famonjena amin'ny finoana, Inona àry izany no tena dikany? Inona no atao hoe "finoana" amin'ny heviny ara-Baiboly?