Lesona sekoly sabata

Hita porofo mazava ta ny apôstôly Paoly no oiona mahataona indrindra ao amin'ny Testamenta Vaovao, ankoatra an'i Jesôsy, Nitory ny vaovao mahafaly momba an'i Jesôsy teo amin'ny ankamaroan'ny fatitr'izao tontolo izao tamin'izany izy.
Teraka tany Tarsisy i Paoly, renivohitr'i Kilikia tamin'izany, izay faritany rômanina ary ao amin'ilay antsoina hoe Turquie, amin'izao fotoana izao. Io faritra io dia nalaza tamin'ny fanamboarany lamba volon'osy izay nampiasaina betsaka tokoa teo amin'ny fanamboarany tranolay, ary izany no raharaha fanaon'i Paoly (Asa. 18:3).

Vakio ny Asa. 22:3-5, 25-29, Rôm. 11: 1, ary Fil. 3:5. Inona no ambaran'ireo andalan-teny ireo amintsika mikasika an'i Paoly, ka afaka hanampy antsika hahatakatra ny antony nahatonga azy ho vavolombelona mahomby tokoa tamin'izany fotoana izany teo amin'ny tentera?

Nireharehana tokoa ny fizakana ny zom-pirenena rômaninahatramin'ny fahaterahana. Tamin'ny andron'i Paoly dia vitan'ny olona iray ny nividy izany zom-pirenena rômanina izany tamin'ny vidiny 500 drachmes (vola nampiasain'ny Grisia môderina), manakaikikaiky ny karaman'ny mpiasa mandritra ny roa taona. Nisy ny tombontsoa azo avy tamin'ny fizakana ny zompirenena rômanina, toy ny fiarovana tsy ho voakaravasy sy ho voaheloka ho faty tsy mandalo fitsarana ohatra Gereo ny Asa, 22:23-29); ny zo hifidy, hanao fifanarahana, ary hanambady ara-dalàna: ao ihany koa ny fahazoan-dalana tsy handoa hetra.
Jiosy ihany koa anefa izy, ary manana lova ara-panahy feno dia feno. Taona maro taty aoriana dia nanambara matetika izany lovany izany i Paoly ka nilaza hoe: "nampianarina tsara ny lalàna avy tamin'ny razana aho, ary nazoto indrindra ho an'Andriamanitratahaka anareo rehetra ankehitriny Asa. 22:3.
Avy tamin'ny fokon'ny Benjamina i Paoly, ary nobeazina ho Fariseo izy ka nampianarin'i Gamaliela lehibe (and. 3), izay anisan'ireo mpampianatra jiosy sangany tamin'izany fotoana izany, Fantatsika avy amin'ny taratasy nosoratan'i Paoly ho an'ny Galatianina fa " fatra-pitana ny fampianara voatolotry ny  razana indrrindra - izy (Gal, 1:14), Nivadika ho fanenjehana an-kitsirano ireo izay tonga ho mpanara-dia an'i Jesôsy anefa izany hafanam-po izany.

Jiosy mafana fo i Paoly ary olom-pirenena rômanina, tsy ho ela anefa dia izy no apôstôly lehibe indrindra tsy mbola hitan'izao tontolo izao hatrizay.

Inona amin'ireo lafim-piainanao manokana (ny maha-olom-pirenena, ny fianarana norantovina, ny fanabeazana, sy ny sisa.) no mety ho fitaovana mahomby eo amin'ny fijoroana ho vavolombelona? Ahoana no fomba hanararaotanao ny tombontsoa anananao mba hijoroanao ho vavolombelona tsaratsara kokoa ho an'ny Tompo?