Lesona sekoly sabata

Tsianjery : " Ary ny vahoaka betsaka dia niray hevitra nihaino izay nolazain'i Filipo, raha nandre azy sy nahita ny fahagagana nataony Asa.8:6 "

Hodinihina mandritra ny herinandro: Asa. 6:3; Asa. 8, Rôm. 12.6-8; 1 Kôr. 12:1-11,27-31; 1 Tim. 3:8-12.

Tsianjery: "Ary ny vahoaka betsaka dia niray hevirra nihamo izay nolazain 7 Filipo. ralw nandrc azy sy nahita ny fahagagcma nataony " -Asa. 8:6

HEVI-DEHIBE: Tamin'ny alalan'ny asa fitoriana nataon'i Filipo dia nohozongozonin'ny vaovao mahafaly, natsimbadiny ambony ambany, i Samaria, ary nanatona an'i Jesôsy ny jentilisa etiôpianina manam-pahefana iray. Rehefa atolotsika tanteraka an'Andrimanitra ny fiainantsika, dia tsy misy fetra ny zavatra mety hofidiny hatao -amin'ny alalantsika ho fampandrosoana ny fanjakany.
Nandositra ny fanenjehana, nifanehatra tamin'ny mpanao ody, namoaka demonia, nanasitrana ireo mandringa sy mararin'ny paralisisa, nampiova fo ny Etiôpianina manan-karena iray, avy tany amin'ny lapan'ny mpanjaka, nentin'ny Fanahy Masina nandeha lavitra be - tsy fiainana nipetrapetraka, tsy nisy zavatra hatao, nanorisory, mihitsy ny fiainan'i Filipo.
Rehefa mieritreritra momba ny fivavahana kristianina ny olona maro, dia toriteny lava be any am-piangonana, lisitry ny zavatra azo atao sy tsy azo atao, endrika milondolondo, lavalava toa tavan-tsoavaly, no sary tonga ao an-tsainy. Eny, tsy lavitry ny marina ny tarehin-javatra toy ireny. Ny fanarahana an'i Jesôsy anefa no fiainana faran'izay mampientanentana indrindra.
Ohatra amin'izany dia hojerentsika amin'ity herinandro ity ny fiainan'i Filipo sy ny iraka notontosainy, izay mampientanentana tokoa. I Filipo, iehilahy izay niaina tamin'ny tontolo niova endrika nanana velarana vaovao, rehefa voahosotra ho amin'ny asa fanompoana izy.
Voafidy ho anisan'ireo diakona 7 teo amin'ny fiangonana voalohany i Filipo, ary nizotra tamin'ny lalana izay tsy nety ho voalazany mialoha velively izy. Izy tenany no nizara ny vaovao mahafaly momba an'i Jesôsy tany Samaria, ary izy ihany koa, fa tsy nivantana, : no nizara izany tamin'ny kôntinantan'i Afrika.

Inona no azontsika ianarana avy amin'ny tantarany?