Lesona sekoly sabata

FIANARANA FANAMPINY:

Ny zava-kendren'ny Fahatongavana ho nofo:
"Niara-namolavola ny drafitry ny fiainany teto an-tany i Kristy sy ny Rainy...) Notafiany nofon'olombelona ny maha-Andriamanitra Azy, mba hijoroany ho lohan'ny fianakavian'ny olombelona, nifangaro tamin'ny taranak'olombelona lavo noho ny tsy fankatoavan'i Adama ny maha-olombelona Azy." — SW, t. 85.

"Natao hampihavana ny olona amin'Andriamanitra ny asan'i Kristy tamin'ny alalan'ny maha-oiombelona Azy, ary hampihavana an'Andriamanitra amin'ny olona tamin'ny alalan'ny maha-Andriamanitra Azy." — C, t. 38,

Vavaka taorian'ny Batisa: "Nataon'i Jaona batisa Izy ary niankohoka teo amoron'ny onin'ny Jôrdana rehefa avy tao anaty rano, nanandratra vavaka ho any an-danitra izy avy eo (...)

Neken'ny Lanitra ho solotenan'ny taranak'olombelona i Jesôsy. Tsy voaiiikilika tahaka ny tsy misy ilàna antsika intsony isika noho ireo fahotana sy fahalementsika; nekena ao amin'llay Malala isika satria nosokafana handray ny fangatahantsika amin'ny alalan'ny Zanak'Andriamanitra ny lanitra. Mivoha ny vavahady ka indro hamirapiratra eo amin'ireo izay nahatongavan'i Jesôsy hovonjena ny fahazavan'ny lanitra, raha toa ka ho avy hiditra ao amin'ny faribolan'ireo tara-masoandron'ny Fahamarinana izy; tahiry lehibe no efa nomanina ho famonjena ny fanahy rehetra." — ST, 28 Jol., 1890.

FANONTANIANA HIFANAKALOZAN-KEVITRA

•  Manomeza valiny betsaka araka izay vitanao àmin'ity fanontaniana ity: Nahoana no tena nilaina tokoa ny Fahatongavana ho nofo eo amin'ny asam-panavotana ataon'i Kristy?
•  Nahoana no zava-dehibe ho antsika tokoa ny maha-olombelona an'i Kristy? Nahoana no zava-dehibe ho antsika ihany koa ny maha-Andriamanitra Azy?
•  Araka ny hitantsika tao amin'ny lesona Alahady, dia misy zava-miafina maro mikasika ny fahatongavan'i Jesôsy ho nofo. Inona ihany koa ireo zava-miafina hafa tahaka izay hita eo amin'ny zava-boary, ary nahoana no tokony hanampy antsika hahatakatra ny hevitry ny hoe miaina amin'ny finoana ireo zava-miafina hafa ireo?
•  Inona avy ireo fomba azontsika fiangonana atao, amin'ny maha-tenan'i Kristy antsika, eo amin'ny fanarahana ny asa fanasitranana sy fampihavanana nataony? Inona no ataon'ny fiangonanao eo an-toerana?
                                 
Inona ihany koa no azony atao sy mbola tokony hataony? Mbola zava-dehibe noho izany aza, ahoana no hirotsahanao an-tsehatra bebe kokoa?

FAMINTINANA

Hitantsika ao amin'ny fahatongavan'i Jesôsy ho nofo ny hany olombelona tokana teraka teto àmin'ity planeta ity ka niray tanteraka sy tamin'ny fomba tsy misy tomika tamin'Andriamanitra. Nitoetra ho mahatoky tamin'ny Ray i Jesôsy.na dia nalain'ny fahavalo fanahy tamin'ny fomba tsy mbola nanjo na hanjo ny olombelona aza. Nandresy tamin'izay mety ho nahalavo an'i Adama. anefa Izy, ka tamin'izany no nanomanany ny lalana hitondrana ny famonjena ho an'izay rehetra manolo-tena ho Azy amin'ny finoana syny fankatoavana.

FOTOAN-TSAROTRA FISEDRANA NY FAHATOKIANA

Tari-dalana 3/2001

Voalaza ombieny pmbieny
Fa ny mpanara-dia ny Tompo dia tsy maintsy SEDRAINA
Ka raha tonga ny fotoana izay hiharany aminao
Aza dia MITARAINA
Fotoan-tsarotra farany io hisedrana ny finoana
Sy ny faliatokiana
Koa mahereza, matanjaha, aza mba mamoy fo
Fa manàna FAHATONIANA.

Fotoan-tsarotra farany io
Hipoahan'ny adin'antokon'olon-droa
Ka aoka re hitandrina fa sao dia vâriana ka hanjary voa
Ifikiro hatrany ny FINOANA an'Jesôsy sy ny Didin'Andriamanitra
Dia ho azonao antoka fa na mafy aza ny sedra
Dia handova ny LANITRA.

Tsarovy ihany koa fa ny andro fivavahana
Dia ny ALAHADY sy SABOTSY
Dia zavatra iray izay tsy maintsy hisedrana
Ho an'ireo izay mahatoky
Tsarovy i Daniela raha tany Babilôna
Dia nosedraina tamin'izany
Nijoro tsy nihemotra satria ny fisainany
Dia tany an-danitra any. MARANATA. AMENA !

Herinandriasy Pierrot Fiangonana Advantista Tsararivotra - Mananjary

FILETEHAN'NY MASOANDRO

Zoma        21.11.2008 : 6ora 11mn

Sabotsy     22.11.2008 : 6ora 11mn