Lesona sekoly sabata

Tsianjery : " Rehefa nampitenenin'andriamanitra tamin'ny razana fahiny ny mpaminany tamin'ny andro samy hafa sy ny fanao samy hafa; dia amin'izao andro farany izao kosa no nampitenenany tamintsika ny Zanany, Izay voatendry ho mpandova ny zavatra rehetra; Izy no nahariany izao tontolo izao" "

 Ho an'ny olona sasany, Andriamanitra  dia hery lavitra dia lavitra azy tokoa, izay mampihetsika izao tontolo izao hatramin'ny taloha elabe ary tsy  miraharaha intsony izay zava-mitranga ety. Tsy io mazava loatra ilay  Andriamanitra ambaran'ny Baiboly, izay aseho mandrakariva ho Ray be  fitiavana, Mpamorona tsy mitsahatra ny miahy amin'ny fomba akaiky dia akaiky ny zava-boariny,
Izy Ilay Andriamanitry ny Fanekena, ary katsahiny ny hametraka fatorana eo Aminy sy ny olona izay nohariany araka ny endriny.
Mpampita hafatra lehibe io Andriamanitra io. Tsy rnahavita manazava araka ny tokony ho izy ny maha-Andriamanitra an'Andriamanitra ny fitenin'olombelona, saingy zava-dehibe tanteraka tokoa ny filazana Azy ombieny ombieny ho miresaka amin'ny vahoakany,
Vantay' van nohariana i Adama, dia niresaka taminy Andriamanitra. Taorian'ny nanotan'ny olombelona voalohany indrindra nonina teto amin'izao tontolo izao, dia niantso azy avy hatrany Izy nanan hoe: "Aiza moa hianao  ry Adama? (Gen, 3:9). Niresaka tamin'ny-taranak'olombelona tamin'ny fomba maro samy hafa àry Andriamanitra nanomboka tamin'izay (Heb. 1:1). Hamafisina amintsika ihany koa izany na dia ao amin'ny takila farany indrindra amin'ny Baiboly azy, amin'ilay antson'Andriamanitra manao hoe:
"Ny Fanahy sy ny ampakarina manao hoe: Avia" - Apôk. 22:17.
Hojerentsika amin'ity herinandro ity ireo fomba maro samy hafa itenenany amintsika amin'izao fotoana izao.

Indray mitopy maso: Ilay Andriamanitra izay niteny mba hampisy izao tontolo izao dia mbola miteny ihany ho an'izay vonona ny hihaino Azy.