Na aiza na aiza toerana misy azy dia handeha hitory ny Filazantsara i Paoly izay nahazo iraka avy amin'Andriamanitra. Izany indrindra no notadiaviny hatao tao Atena.
Vakio ny Asa. 17:18-21. Inona avy ireo fihetsika samihafa nasehon'ireo Jentilisa tao an-tsena nanoloana ny lahateny sy ny fanontaniana napetrak'i Paoly?
Mazava fa nanaitra ireo olona teo an- tsena i Paoly sy ny "andriamani-baovaony" (Asa. 17:18) ary dia nentin izy ireo tany Areopago izy, toerana teo amin'ilay tanana, izay nitsarana ireo raharaha momba ny lalàna sy ny fivavahana, na dia tsy hoe nisy tokony hiatrehan'i Paoly fitsarana aza. Toa ny mba hihainoana azy sy ny "fampianarany vaovao" (Asa. 17:19) fotsiny ihany no antony. Sarotra ny tsy hihaino olona mahay mandaha-teny, mafana fo sy marani-tsaina tahaka an'i Paoly, na dia foto-kevitra hafahafa sy tsy mahazatra loatra ireto olona ireto aza no narosony.
Milaza ny Asa. 17:21 fa "tsy nandany my androny tamin'ny zavatra hafa, afa- tsy ny hilaza na hihaino zava-baovao" ny Atenianina. Melohin'i Lioka ho kamo ve izy ireo eto? Mety tsy ho izany. Toa soritany ho mpandinika sy mpiady hevitra matihanina aza izy ireto. Avy amin'ny Grika rahateo no nivoahan'ny olona toa an'i Socrate, Platon, ary Aristote, izay filozofa manana ny lazany na mandraka ankehitriny aza. Nandritra ny taonjato maro dia foiben'ny hevitra ara-tsaina sy ara-pilozófia no nandraisana an'i Atena. Mino ny fisian' Andriamanitra ihany ny sasany amin'ireo mpandinika ireo. tsy "athée" araka ny fahafantarantsika ny hevitr'izany ankehitriny (tsy mpivavaka); kanefa na izany aza dia maro amin'ireo foto-kevitra ara-pilozófia no hafa tanteraka amin'ny fampianarana kristianina. Ao amin'ny filozofian'ny Epicure na i Zénon, ohatra, dia tsy misy idiran'izany Mesia nitsangana tamin'ny maty izany.
Nanantena i Paoly fa hamplasan'ny Fanahy Masina ny fahalalany sy ny talentan'ny fiteny ananany, izay azony nandritra ny fiofanany niaraka tamin'i Gamaliela. Kanefa raha ny marina, ny fanabeazana voarain'i Paoly teny an- dalamben'i Atena no azon'ny Fanahy Masina nampiasaina kokoa. "Gaga ny hendry indrindra tamin'ny mpihaino azy teo anatrehan'ny fahaizany manamarina ny foto-keviny. Nasehony fa nahazatra azy ny zava-kantony, ny haisorany sy ny fivavahany"-VM, t. 208
Taorian'ny fanandramana niainan'l Paoly tao Atena niaraka tamin'ireo Jentilisa sy ireo filozofa dia nanoratra toy izao ho an'ny Korintianina izy: "Fa ninia tsy hahafantatra zavatra hafa teo aminareo aho, afa-tsy Jesosy Kristy, indrindra fa Izy voahombo tamin'ny hazo fijaliana." 1 Kor. 2:2.
Inona ny lesona azontsika tsoahina amin'izany? Inona ankoatra an'i Kristy no tokony ho Ivon'ny hafatra torintsika, na amin'iza na iza isika no mitory?