Mifarana amin'ny flakaran'i Jesôsy tany an- danitra ny Lio. 24 (Lio. 24:50-53), kanefa tsy eo no mifarana ny tantara. Nanohy nanoratra ny bokin'ny Asan'ny Apôstôly ny mpanoratra (Lioka). Nialoha indrindra ny niakaran'i Jesosy nankany an-danitra dia nanome iraka ho an'ny mpianatra Izy, ary koa nanome azy ireo teny fikasana sy toromarika mba hiandry ny "hery avy any amin'ny avo" any Jerosalema (Lio. 24:49; jereo ihany koa Asa. 1:4-8).
Nanome toromarika ny mpianatra i Jesosy ny hitoeran'izy ireo any Jerosalema mandra- pahatanterany ny teny fikasany ny amin'ny hanirahany ilay Teny fikasan'ny Ray (ny) Fanahy Masina) izay hampahery azy ho tonga vavolombelona any Jerosalema, Jodia sy Samaria. ary hatramin'ny faran'ny tany.
Vakio ny Asa. 1:12-26. Inona no nataon'ireo mpianatra, lehilahy sy vehivavy niisa 120 teo ho eo, nandritra ny fotoana niandrasan'izy ireo?
Mazava ny iraka nampanaovin'i Jesosy an'ireo mpianatra: ny hahatonga azy ireo ho vavolombelony any amin'izao tontolo izao. Koa raha teo am-piandrasana izy ireo dia niomana ho amin'ny iraka nampanaovina azy tamin'ny fomba anankiroa. Voalohany, ambaran'i Lioka fa nanohy ny firaisan-tsaina tamin'ny fivavahana sy ny fitalahoana izy ireo. Tsy nisalasala ny amin'izay iraka nampanaovin'i Jesosy azy izy, ary samy nanaiky izany asa nanirahana azy izany. Izany no nandrisika azy ireo hiray saina amin'ny fivavahana. Tsy nambaran'i Lioka ny antom-bavak'izy ireo, kanefa azo antoka tokoa fa nangataka fahendrena sy tanjaka ary herim-po izy ireo mba hiarahany manatontosa ny iraka. Ohatra ho antsika tokoa izany!
Ny zavatra faharoa nataon'izy ireo teo am-piandrasana dia niomana ho amin'ny fandaminana ny fanatanterahana ny iraka. Namono tena i Jodasy rehefa avy nanolotra an'i Jesôsy hohomboana, nanjary nisy toerana banga araka izany teo amin'ireo mpianatra roa ambin'ny folo. Raha teo am-plandrasana ireo mpianatra dia nitady ny fitarihan'Andriamanitra ka nifidy izay ho solon'i Jodasy. Nifandamina ireo mpianatra ireo ary nanao ny drafitra momba ny fanombohana ny iraka nankinina taminy. I Petera no nitana ny toeran'ny mpitarika teo amin'ny fanapahana izany hevitra izany. Tsy nisy nanohitra ny zavatra nataony fa samy nahita izy rehetra fa nisy fahendren' Andriamanitra tao anatin'izany. Nahatakatra izy ireo ary natoky fa Andriamanitra no niditra an-tsehatra sy niasa teo anivony. Tsy nitomoe-poana izy ireo nandritra ny flandrasana fa nametraka tanjona sy nanao asa nifandraika tamin'ny iraka nampanaovina azy.
Raha ao am-piandrasana ny firotsahan'ny Fanahy Masina mba hanampy antsika hahatontosa ny iraka lehibe nankinin Andriamanitra tamintsika isika, dia tokony hiray saina ka hifampahery (Heb. 10:24, 25) ary hangataka ny Fanahy Masin'Andriamanitra. Tokony hampifanaraka ny laharam-pahamehantsika sy ny an'ny fiangonana amin'ny laharam- pahamehan'Andriamanitra isika, dia ny hamonjy ny very.
Ahoana no hianaranao miandry an'i Jehovah ary hihazona ny finoanao mandritra izany? Raha eo am-piandrasana, ahoana no ahafahanao mampiasa tsara ny fotoana tahaka izay nataon'ireo mpianatra?