Izao no nosoratan'i Paoly ho an'ireo Filipianina: "Fialonana sy fifandirana aza no itorian'ny sasany an'i Kristy, ary fifaliana kosa ny an'ny sasany; fitiavana ny an'ny sasany, satria fantany fa voatendry ho mpanafa-tsiny ny filazantsara aho; fifampiandaniana kosa no itorian'ny sasany an'i Kristy, fa tsy mba fo madio, ka mihevitra hanampy fahoriana ny fifatorako. Ahoana ary no izy, afa-tsy izao? Amin'ny atao rehetra, na amin'ny fihatsaram-belatsihy, na amin'ny marina, dia Kristy no torina, ary mifaly amin'izany aho; eny, mbola hifaly ihany aho."- Fil. 1:15-18.
Miezinezina tokoa izany teny izany! "na amin'ny fihatsaram-belatsihy, na amin'ny marina," dia torina i Kristy, izay ihany no zava-dehibe ho an'i Paoly. Izao anefa no tsara indrindra: ny fitiavana sy ny fahamarinana no tokony hanosika antsika hitory an'i Kristy sy hanatanteraka ny iraka ho fanatrarana ny hafa amin'ny vaovao mahafaly, fa tsy noho ny hambom-po feno fitiavan-tena na koa ny fialonana na ny fifandirana.
Inona àry ireo antony manosika antsika mba hitory an'i Kristy, ary inona avy ireo fomba azontsika omanina mba hanaovana izany?
Hojerentsika amin'ity herinandro ity ireo toe-javatra sasany niseho teo amin'ny fiangonana voalohany izay manome taridalana antsika mikasika ireo teboka manan- danja ao amin'ny iraka.