Vakio ny toko 54, "Ny Samaritana tsara fanahy" ao amin'ny IFM.
Olona maro no noana, mahantra, ary iharan'ny fitondrana ratsy ataon'ny hafa eto amin'ny tontolo misy antsika ankehitriny Azonao atao ny manao ny anjaranao, na dia "kely" aza izany. Tsy ho voavahantsika ny olana rehetra eto amin'izao tontolo izao mialoha ny hiverenan'i Jesosy, tsy nantsoina ho amin'izany isika. Mandra-pahatonga izany fotoana izany anefa dia azontsika atao ny manao asa tsotra toy ny manampy ny olona izay fantatsika fa tsy manan-kohanina, na koa manampy ny mambra ao amin'ny flangonana izay miaina ny tsy rariny na koa ny fanavakavahana, izay mbola olana misy eto amin'ny tontolo misy antsika na amin'izao andro izao aza.
"Izao no fivavahana madio sady tsy misy loto eo anatrehan 'Andriamanitra Ray: ny mamangy ny kamboty sy ny mpitondratena amin'ny fahoriany, sy ny miaro ny tena tsy hisy pentimpentina avy amin'izao tontolo izao. Ny asa soa no voa takin'i Kristy hoentitsika: ny teny feno fahalemem-panahy, ny asa feno fahafoizan- tena, ny fiahiana feno fitiavana ny mahantra sy ireo sahirana ary ireo ory. Rehefa miray fo amin'ireo manana fo vesaran'ny fahakiviana sy ny alahelo isika, rehefa manome ho an'ireo sahirana ny tanantsika, rehefa ampitafiantsika ny mitanjaka, rehefa raisintsika ho ao amin'ny efitrano fandraisam-bahiny ny mpivahiny ary omentsika toerana ao am-po, dia hanatona akaiky ny anjely ary hovalina any an-danitra ny vavaka ataontsika. Toy ny hira any an-danitra ny asa feno fahamarinana sy famindrampo ary fahafoizan-tena ataontsika. Mijery ireo manao asam-pamindrampo ny Ray eo amin'ny seza fiandrianany, ary mandray ireny ho isan'ny harena sarobidy indrindra. "Ary ho rakitra soa ho Ahy ireny amin'ny andro izay hotendreko, hoy Jehovah, Tompon'ny maro." Heverina ho toy ny atao amin'i Jesôsy ny asam-piantrana rehetra atao amin'ireo mahantra sy ireo mijaly. Rehefa mamonjy ny mahantra ianao, miray fo amin'ireo ory sy mijaly, ary misakaiza amin'ny kamboty, dia manorina fifandraisana ety kokoa amin'i Jesôsy."'- TFC, b. 2, t. 25.
Fanontaniana hifanakalozan-kevitra:
- Ahoana no ahazoantsika antoka fa takatsika ny tsy maha-famonjena amin'ny alalan'ny asa ny baiko ny hitiavana an'Andriamanitra sy ny hafa? Rehefa mandinika ny momba an'i Jesôsy sy izay nataony ho antsika teo amin'ny hazo fijaliana isika (jereo ny Fil. 2:5-8), nahoana no fahadisoana lehibe ny fiheverana fa misy zavatra azontsika atao mba hahatonga antsika ho mendrika ny famonjena? Ahoana no hianarantsika manavaka ny fanaovana asa mba hahazoam-pamonjena (izay fahadisoana goavana) sy ny fanehoana eo amin'ny flainantsika ny famonjena Izay efa ananantsika ao amin'i Jesôsy?
- Ahoana no hianarantsika mamantatra Ireo fitsaratsarana Ivelany mely ananantsika mahakasika ireo olona samy hafa amintsika?
- Ankoatra ireo toko sy andininy nodinihina tao amin'ny lesona nandritra ity herinandro ity, inona koa ny fanohanana ara-tSoratra Masina hitanao mikasika ny ilana ny hanehoana hatsaram-panahy amin'ny hafa, na iza na iza izany?