Araka ny antson'Andriamanitra dia nidiha tao amin'ilay tany nasain' Andriamanitra nalehany i Abrahama. Vao tany am-piandohana anefa dia toa ratsy ny fandehan-javatra ho azy, Tonga tany amin'ilay toerana nolazain'Andriamanitra tokoa izy, saingy araka ny Baiboly, "ny Kananita no tompon-tany tany Kanana fahizay" - Gen. 12:6 - dia mpanompo sampy nalaza noho ny halozany sy ny herisetrany. Tsy mahagaga raha niseho tamin'i Abrahama Andriamanitra raha vantany vao tonga tao izy, ka nanao hoe: "Ny taranakao no homeko ity tany ity." - Gen. l2:7. Azo antoka fa nilain'i Abrahama izany fampaherezana izany.
Na izany aza dia mbola tsy tsara ihany ny toe-javatra niainany, farafahakeliny tamin'ny voalohany.
Vokio ny Gen. l2:t0-13:1. Inona ny zova -nitranga taminy manaraka? Inona ny fahadisoana nataon'ity lehilahin'Andriamanitira ity ?
Inoana fa mahakivy tokoa izanv hoe mandao ny tanin'ny tena izany, izay nahitana fiadanana sy fanambinana, mba handeha any amin'ny toerana izay "tsy fantatra" (Heb. 11:8). Ny mosary no nitsena azy voalohany! Mafy tokoa izany mosary izany hany ka voatery niala tamin'ilay toerana nasain'Andriamanitra nipetrahany izy ka nandeha tany an-toeran-kafa.
"Nandritra ny nitoerany tany Egipta, dia hita fa voan'ny fakam-panahy sy tratran' ny fahalemena mpahazo ny lombelona Abrahama. Nampiseho ny tsy fahampian'ny fahatokiany izy tamin'ny natahorany hilaza an'i Saray hoe vadiny; semban-drahona ny finoana sy ny herim-panahy hita teo amin'ny fiainany. (...) Izany tsy fahampiam-pinoana izany dia saika nampidi-doza an'i Saraha, fa rehefa nahare ny amin'ny hatsaran-tarehiny ny mpanjakan'i Egipta, dia nampaka azy, ary nikasa haka azy ho vadiny. Fa Andriamanitra namely ny ankohonan'i Farao ka niaro ny vadin'ilay patriarka." - PM, t. 110,111, (ed 2014).
Tsy misy milaza tsy akory fa mora ny asa misiônera, ary ny lainga sy ny fitaka nataon'i Abrahama dia mainka koa nanimba zavatra. Soa ihany fa feno faharetana Andriamanitra ka tsy nolaviny ilay mpanompony noho ny fahadisoany. Indrisy anefa fa tsy io ihany no fahadisoana vitany. Mampahery tokoa ny mahafantatra fa na eo aza ny hadisoantsika, raha mifikitra amin'ny Tompo amim-pinoana sy fileferana isika, tahaka an'i Abrahama, dia tsy vitan'ny voavela ireo heloka amam-pahadisoantsika, fa mbola azon'ny Tompo ampiasaina koa isika hamita iraka.
Inona avy ny lesona azontsika tsoahina avy amin'io tantaran'i Abrahama tao Egipta io?