Izao no nosoratan'i Lioka raha nanoritsoritra izay nataon'i Paoly tany Atena: "Ary izy niady hevitra tamin'ny Jiosy sy ny proselyta tao amin'ny synagoga sy tamin'izay tafavory tany an- tsena isan-andro." - Asa. 17:17.
Mazava loatra fa ho nahazo aina kokoa i Paoly raha niasa teo amin'ny Jiosy, izay nofony sy rany. Nanda ny hianina amin'ny fiasana eo amin'ny azy ihany anefa i Paoly. Nantsoina hanatratra olona hafa koa izy.
Na koa azon'i Paoly natao ny niasa tamin'ireo Jentilisa "matahotra an'Andriamanitra» fotsiny ihany, izay manana fomba fijery voaova amin'ny ampahany lehibe. Efa nanana fototra ara- Baiboly izy ireo, izay azon'i Paoly nanorenana na dia mbola nilain'izy ireo aza ny hahafantatra an'llay Andriamanitra izay «natahorany" -dia Jesôsy, ilay Mesia.
Tsy izany anefa fa nitady hanatratra ny olona tao Atena koa i Paoly, izay tanána malaza ny amin'ny filozófiany. Maro tamin'izy ireo no nandray fanabeazana sy nanana fomba fijery hafa tanteraka amin'ny an'ny Hebreo sy ny tantarany masina, izay misy ny fototry ny finoana tian'i Paoly ampianarina ny Atenianina.
Ahoana no nanatraran'i Paoly ireo olona ireo ary inona no azontsika ianarana avy amin'ny fiezahany?