Hatramin'ny voalohany dia nitady ireo zanany very llay Andriamanitra fitiavana (Gen. 3:9); ary hatramin'izao androntsika izao dia mbola mitady ny very hatrany io Andriamanitra fitiavana io (jereo ny Apok. 14:6-12); anisan'izany ireo very any amin'ny tanan-dehibe. Ny isa farany navoakan'ny Firenena Mikambana tamin'ny taona 2018 dia milaza fa ny 55 isan-jaton'ny olona eto ambonin'ny tany dia monina amin'ny tanan-dehibe, ary hitombo hatramin'ny 68 isan-jato izany (raha mbola maharitra ny andron'ny tany) amin'ny taona 2050. Tsy manan- tsafidy isika fa tsy maintsy mitory any amin'ny tanȧn-dehibe.
Maro amin'ny vahoakan'Andriamanitra anefa no manao tahaka an'i Jônà rehefa antsoina hitory any amin'ny tanan-dehibe iray: mandositra tsy hanao izany asa izany izy ireo noho ny antony samihafa. "Fa izay rehetra voasoratra fahiny dia nosoratana ho fianarantsika hananantsika ny fanantenana ny amin'ny faharetana sy ny fiononana avy amin'ny Soratra Masina."- Róm. 15:4. Anisan'izany koa izay voasoratra momba an'i Jónȧ.
Fony i Jesosy teto an-tany dia tsy ny mponina teo amin'ny tananan'ny Isiraely ihany no nanaovany asa fanompoana fa ny mponina tany amin'ny faritra hafa koa; izany hoe, ireo izay ivelan'ny firenena jiosy sy ny vahoaka voafidy.
Amin'ity herinandro ity isika dia handinika momba ny asa notanterahin'i Kristy tao Tyrosy Sidona ary hanatsoaka lesona avy amin'izany tantara izany, mba hampiharintsika eo amin'ny fiainantsika ankehitriny.