Vakio ny "A Few Days at Long Point" nosoratan'i Arthur White; sy "The Australian Years: 1891-1900, b. 4, tt. 100-104, nosoratan'i Ellen G. White.
Ireo mpanoratra ny filazantsara dia nandrakitra ohatra maro mikasika ny fomba fanaon'i Jesosy tamin'ny fanorenana fifandraisana tamin'ny olona avy amin'ny kolontsaina hafa mba hamonjena azy ireo (Mat. 8:28-34; Mar. 5:1-20). Isika koa dia antsoina mba hanorina fisakaizana sy hiasa amin'ny olona avy amin'ny kolontsaina hafa. Ho an'ny olon-drehetra no nahafatesan'i Kristy, na inona na inona volon-koditr'izy ireo, na koa flaviany sy harenany ary tantarany. Teboka iray tokony hotsaroantsika mandrakariva izany. "Ary Izy no avotra noho ny fahotantsika, ary tsy noho ny antsika ihany, fa noho my an'izao tontolo izao koa."-1 Jao. 2:2.
"Tsy manatanterakany fikasan' Andriamanitra ny lehilahy sy ny vehivavy raha toa ireo izay Bo anatin'ny fianakaviany ihany no anehoany fitiavana, (...) ary ailiny tsy hahazo ny fitiavany kosa ireo olona azony ampaherezina sy itondrana fitahiana amin'ny fanamaivanana ny zavatra ilainy (...)"
"Rehefa mibaiko antsika mba hanao soa amin'ireo olona ivelan'ny tokantranontsika Andriamanitra, dia tsy midika izany fa tokony hihena ny fitiavantsika ny ankohonana na koa ny fitiavantsika ireo havana na ny firenentsika, noho ny faniriany ny hanehoantsika firaisam-po amin'ny hafa. Aoka tsy hanidy ny fitiavantsika sy ny firaisam-pontsika ao anatin'ny rindrina efatra isika, ka hamihina ny fitahiana izay nomen' Andriamanitra mba tsy handraisan'ny hafa sy hifaliany amin'izany tombontsoa izany." - ARSH, 15 Okt 1895.
Ny andraikitra nomena antsika ny ho tonga fitahiana ho an'ireo ivelan'ny sehatra mahazatra antsika, na ireo avy amin'ny kolontsaina hafa izany na ireo olona izay mila fanampiana fotsiny, dia baiko tsy azo iadian-kevitra izay Jesôsy Kristy mihitsy no nanome azy (Asa. 1:8; Mar. 11:17a).
FANONTANIANA HIFANAKALOZAN-KEVITRA:
- Inona ny faritra mahazatra sy mampahazo aina anao, ary nahoana ianao no tsy maintsy manaiky ny hiala amin'izany raha ilaina?
- Inona ny vokatry ny niantsoana an'i Jesôsy hoe: "olona fatra-pitia hanina sy mpisotro divay, sakaizan'ny mpamory hetra sy ny mpanota"- Mat. 11:19? Inona no nataon'! Jesôsy ka nahatonga izany fiampangana izany taminy, ary inona no ampianarin'izany antsika mikasika ny Iraka?
- Hatraiza no tokony hiarahan'ny Kristianina mankalaza lanonana miaraka amin'ireo mpino? Ahoana no hanaovan'ny Kristianina izany kanefa tsy hanitsakitsahany ireo fitsipiky ny Baiboly?