Vakio ny Asa. 17:1-16. Ahoana no nahatongavan'l Paoly tao Atena ary nanao ahoana ny fihetsiny nanoloana ny zavatra hitany tao?
Ny tananan'i Atena dia "feno sampy" (Asa. 17:16). Fantatr'i Paoly tsara ny tantaran'ireo mpiray firenena taminy sy ny fironan'ireo ho amin'ny fanompoan-tsampy (na omena fampitandremana mandrakariva aza), koa nampalahelo an'i Paoly ny nahita ireo sampy rehetra tao Atena koa. Tsy isalasalana fa ny fangorahany ireo Atenianina no nanesika an'i Paoly; ho faty noho ny helony mantsy ireo raha tsy mahafantatra ny amin'llay Andriamanitra marina.
Ankehitriny dia mbola feno sampy ihany ny tananantsika, na dia tsy miharihary toy izay hitan'i Paoly aza izany. Ary indrisy fa mpino maro no mahavita mandalo fotsiny ny tanána anankiray kanefa tsy miraika na kely akory aza amin'ny sampiny. I Paoly anefa dia nihaino tsara ny antson'ny Fanahy Masina ka namaly izany. Tsy niombon-kevitra tamin'ireo mpino sasany, izay tsy mbola nahatakatra fa natao ho an'izao tontolo izao ny Filazantsara, i Paoly. Fantany kosa fa tian'Andriamanitra hovonjena tahaka ny olona hafa rehetra koa ny Atenianina. Takany fa ny foto-kevitry ny iraka maneran-tany dia ny hitory ny Filazantsara amin'ireo izay tsy mbola nandre mihitsy ny fahamarinana, anisan'izany ireo Jentilisa mpanompo sampy mbamin'ireo filozofa izay nameno ny lalamben'i Atena.
Noho izany dia nankeny an-tsena izay nahitana ireo olona ireo i Paoly. Azontsika lazaina fa izy no nanorina ny Ivontoeram- pianarana momba ny iraka manerantany voalohany, ka ny tsena no toerana nianarany sy nanandramany ireo fomba fiasa hanatrarana ny fo sy ny sain'ireo Jentilisa ireo.
Fantatr'i Paoly fa tsy azony atao ny miasa amin'ireo Atenianina tahaka ny niasany tamin'ny Jiosy na tamin'ireo Jentilisa matahotra an' Andriamanitra aza. Tsy mbola nanomboka nahalala ny Andriamanitry ny Isiraely na ny asany teo anivon'ny firenen'i Isiraely akory aza ireo olona ireo. Na zava- dehibe toy inona aza izany foto-kevitra sy foto-pinoana izany ho an'ny Jiosy sy ireo Jentilisa matahotra an'Andriamanitra, dia tsy misy heviny kosa izany ho an'ireo olona hitan'i Paoly tao an-tsenan'i Atena. Koa fomba fiasa hafa tanteraka no nilaina.
Matetika isika ankehitriny no mikatsaka ny hanatratra ireo olona izay tsy mahafantatra velively ilay antsointsika hoe "lova avy amin'ny fivavahana jiosy sy kristianina". Noho izany, tahaka an'i Paoly, dia ilaintsika ny mampifanaraka ny fomba fiasantsika amin'izany. Ny fomba fiasa mety tsara ao Buenos Aires, ohatra, dia mety tsy hisy ilana azy any Bangkok.
Karazan-tsampy manao ahoana no tompoin'ny olona eo amin'ny fiarahamonina misy anao ary ahoana no ahafahanao manokatra ny mason'izy ireo hahita fa zava-poana avokoa ireny?