Ambaran'ny Baiboly fa tonga haka fanahy an'i Jesosy ilay mpahay lalàna, fantatr'i Jesosy tsara ny tanjony. Fantatr' Andriamanitra tokoa ny faniriana lalina ao am-pontsika, mihoatra noho ny fahafantarantsika izany aza. Ary azo antoka fa tsy fantatsika izay ao am-pon'ireo manontany antsika sy ny antony manosika azy hanao izany, sa tsy izany?
Manontany antsika mikasika ny finoantsika indraindray ireo olona any amin'ny fiangonana hafa. Ireo namantsika Silamo ohatra dia mametra-panontaniana momba ny maha- Andriamanitra an'i Jesôsy, toy ny hoe: "aiza ao amin'ny Baiboly no milaza fa Andriamanitra i Jesôsy?" na koa hoe "nahoana ianareo no milaza fa iray ihany Andriamanitra kanefa ambaranareo fa misy Persona telo ao amin' Andriamanitra telo izay iray?" Mety hahatezitra ireny fanontaniana ireny kanefa mety ho vokatry ny fo tokoa no ilan'ireny olona ireny an'i Jesosy, ary maneho ny faniriana lalina na koa ny fahabangana ao anatiny izany. Tsy fantatsika izay ao am-ponizy ireny, ary tsy ilaintsika hofantarina izany fa ny tokony hataontsika dia ny hiasa amin'ny hafa araka izay azo atao indrindra, na inona na inona antony manosika azy ireo hametra- panontaniana.
Vakio ny Mat. 26:56; Asa. 17:11; 1 Kor. 15:3 ary ny 2 Tim. 3:16. Ahoana no anampian'ireo toko sy andininy ireo antsika hahatakatra ny valin-tenin'i Jesôsy tamin'llay mpahay lalana ao amin'ny Lio. 10:26?
Mila valinteny isika indraindray kanefa tsy manao ezaka mba hahita izany. Hoy i Jesôsy: "Inona no voasoratra ao amin'ny lalana? Manao ahoana no famakinao azy!"- Lio. 10:26. Nanondro lafiny iray amin'ny fianarana izay manan-danja tokoa i Jesôsy. Tsy ampy ny mihaino fotsiny izay ambaran'ny hafa amintsika fa tokony hamaky ny Soratra Masina (ny Tenin' Andriamanitra) ho an'ny tenantsika isika. Efa ao amin'ny Soratra Masina ny valinteny, ary miasa ao am-pontsika ny Fanahy Masina mba hahatakarantsika izay tokony hatao.
Nomen' Andriamanitra antsika ny Teniny. Ao amin'izany no ahitantsika ny fahamarinana rehetra izay ilaina hofantarina mikasika ny tokony ho fomba flainantsika, ny tokony hataontsika amin'ny hafa, ary ny fomba hahazoantsika "mandova ny fiainana mandrakizay". Manana ny anjara asany tokoa ny mpampianatra sy ny mpitandrina, kanefa tsy maintsy mankeo amin'ny Baiboly isika hahalalantsika ireo fahamarinana tena manan-danja. "Fanilon'ny tongotro sy fanazavana ny lalako ny teninao."- Sal. 119:105. Tsy tononkalo fotsiny ihany io andalan-teny io fa fahamarinana masina koa, izay mampitodika antsika amin'ny Tenin' Andriamanitra sy ny maha-zava- dehibe izany ho an'ny mpino.
Nampiverina ny olona ho amin'ny Teny Voasoratra mandrakariva i Jesôsy, llay Tenin'Andriamanitra tonga nofo. Inona no tokony hambaran'izany momba ny lanjan'ny Baiboly sy ny antony tokony handavantsika ny fomba fisainana ara-pilozofia sy ara-teôlôjia izay mampihena ny fitokiantsika amin'ny Baiboly?