novembre 2023

Isika rehetra dia samy mahalala ilay andalan- teny hoe: "Tiava an'i Jehovah Andriamanitrao amin'ny fonao rehetra sy ny fanahinao rehetra sy ny herinao rehetra ary ny sainao rehetra"- Lio. 10:27. Manjary ivelambelany ihany anefa ny fitiavantsika an' Andriamanitra raha milaza isika fa tia Azy kanefa tsy mankato Azy. Mihevitra isika fa tia an'Andriamanitra, amin'ny fomba ahoana anefa no anehoantsika izany fitiavana izany eo amin'ny flainana andavanandro? Mitaky fanolorana feno ny fo sy ny fanahy ary ny vatana sy ny saintsika isan'andro ny fitiavana an'Andriamanitra.

Ny asa fanatanterahantsika ny iraka dia tokony ho vokatry ny fitiavana lalina sy ny fankasitrahana ny zavatra nataon'i Jesosy sy mbola ataony eo amin'ny flaintsika. Tsy araka ny tokony ho izy ny antony manosika antsika ankoatra ireo. Ny fandinihana lalina ny Tenin' Andriamanitra sy ny fifandraisana ety amin'izany no tsiambaratelon'ny fanatrarana ny hafa sy ny fitoriana ny filazantsara mahomby.

Vakio ny Asa. 2:41-47. Inona ny sary maneho ny flangonana voalohany hita eto?

Sary mahafinaritra no namaranan'ny Asa. 2 ny endriky ny fiangonana voalohany. Ambaran'ny Asa. 2:41 fa ireo izay natao batisa dia "nanampy ho isany". Rehefa mamaky izany isika dia mahita fa nisy olona nanao asamarika ka nanampy ny isan'ny mpino vaovao tamin'ny isan'ireo mpino efa tao ary namoaka ny tôntalin'ny mambra rehetra. Fahatakarana ivelambelany ihany anefa izany, fa miafina ao ambadik'ireo teny ireo izao hevitra izao: tonga isan'ilay vondrona ireo mpino vaovao.

Mirakitra ny tantaran'ny firotsahan'ny Fanahy Masina tamin'ny Pentekosta ny Asa. 2. Rehefa nivavaka ireo mpanara dia an'i Jesôsy, dia nisy lela mitarchin'afo teo ambonin'ny lohan'izy ireo. Fantany tamin'izay fa efa nomena azy ilay herin'ny Fanahy Masina izay nampanantenaina.

Vakio ny Asa. 2:1-41. Inona no nitranga tamin'ireo mpianatra vokatry ny fandraisana ny Fanahy Masina tamin'ny Pentekôsta?

Mifarana amin'ny flakaran'i Jesôsy tany an- danitra ny Lio. 24 (Lio. 24:50-53), kanefa tsy eo no mifarana ny tantara. Nanohy nanoratra ny bokin'ny Asan'ny Apôstôly ny mpanoratra (Lioka). Nialoha indrindra ny niakaran'i Jesosy nankany an-danitra dia nanome iraka ho an'ny mpianatra Izy, ary koa nanome azy ireo teny fikasana sy toromarika mba hiandry ny "hery avy any amin'ny avo" any Jerosalema (Lio. 24:49; jereo ihany koa Asa. 1:4-8).

Vakio ny Lio. 24:36-49. Inona no nitranga teto, ary nahoana izany no fanandramana manan-danja ho an'ireo apôstôly?

Mahaliana tokoa ny tsy ninoan'ireo mpianatra noho ny tahotra. Rehefa nahita an'i Jesosy anefa izy ireo ary nahazo antoka fa velona tokoa Izy, dia tsy nino indray "noho my hafaliana" (Lio. 24:41). Efa nisy fotoana ve nahatsapanao fa tsara loatra ny zavatra iray ka tsy mampino hoe misy marina? Izany no fanandraman'ireo mpianatra sy ireo hafa tao amin'ny efitrano ambony.

Vakio ny Lio. 24:1-12. Inona no nataon'ireo izay nandre ny amin'i Kristy nitsangana tamin'ny maty?

Izao no nosoratan'i Paoly ho an'ireo Filipianina: "Fialonana sy fifandirana aza no itorian'ny sasany an'i Kristy, ary fifaliana kosa ny an'ny sasany; fitiavana ny an'ny sasany, satria fantany fa voatendry ho mpanafa-tsiny ny filazantsara aho; fifampiandaniana kosa no itorian'ny sasany an'i Kristy, fa tsy mba fo madio, ka mihevitra hanampy fahoriana ny fifatorako. Ahoana ary no izy, afa-tsy izao? Amin'ny atao rehetra, na amin'ny fihatsaram-belatsihy, na amin'ny marina, dia Kristy no torina, ary mifaly amin'izany aho; eny, mbola hifaly ihany aho."- Fil. 1:15-18.