Vokio ny Noh. l:l; Nah. 3:1-4; sy 2 Mpanj."'17:5,6; 2 Mpanj. 19:32-37. Inona no ambaran'ireo toko sy andininy ireo momba an'i Ninive sy ny fifandraisana nisy teo amin'i Asiria sy ny Israely? Ahoana no ho nifandraisan'izany tamin'ny fanapahan-kevitr'i Jônà ho any Tarsisy?
Anisan'ireo antony mety ho tsy nampahazoto an'i Jônà ho any Ninive ny tahotra. Fahavalo natanjaka tokoa ny Asirianina, ary i Ninive no renivohitry ny fanjakany.
"Anisan'ireo tanàna lehibe indrindra hatramin'ny fahagola i Ninive, renivohitry ny fanjakan'i Asyria hatramin'ny andro fizarazaran'ny Isiraely. (...) Foiben-keloka sy faharatsiam-pitondrantena i Ninive tamin'ny fotoana nananany fandrosoana. Nilaza azy ho 'tanàna mpandatsa-dra, feno lainga sy fandroboana" ny tantara masina (Nah. 3:1). Tamin'ny teny an'ohatra no nampitahan'ny mpaminany Nahoma azy tamin'ny liona masiaka mamiravira. 'Fa iza no tsy efa tratry ny fandozanao?' hoy izy (Nah. 3 : 19 )." - MM, t. 223.
Fatratra ny hakanton'ny tanànan'i Ninive. Milaza ny mpahay tantara fa nitarin'i Sankeriba ho lehibe tokoa izany tanàna izany, ary tao no nanorenany ilay lapa goavana tany atsimo andrefana izay nirefy 503 metatra ny lavany ary 242 metatra ny sakany, 80 ny isan'ny efitrano tao amin'izany. Nanamboatra fantsona 18 ihany koa izy mba hiampitan'ny rano hatrao amin'ny tanàna, avy any amin'ny 65 kilaometatra miala eo. Na izany habeny izany fotsiny aza dia efa mety ho nampatahotra.
Saingy lozabe koa ny Asirianina. Ao amin'ny tantaran'ny namaboany an'i Babilôna, dia nirehareha fatratra i Sankeriba fa nahavita nameno ny lalan'izany tanàna izany tarnin'ny fatin'ireo mponina tao, na antitra na tanora. Ary tamin'ny fihadiana lavaka natao ho fikarohana ny zavanitranga marina dia nahitana sary sokitra mampiseho ireo miaramila mamantsika ny babony. Tsy haniry hifanehatra amin'ny olona toy izany ianao. Tsy nisalasala izy ireo nampiasa herisetra tsotra izao, sy naneho halozàna tamin'ireo izay tsy tiany. Inoana fa nihorohoron'ny tahotra i Jônà noho ny fieritreretana monja ny handeha eo anivon'ny vahoakan' i Ninive.
Eo anatrehan'izany rehetra izany anefa dia matetika isika no tsy faly eo am-pamakiana ny tantaran'i Jônà, rehefa mahita fa navelan'i Jônà hanakana azy tsy hanatanteraka ny baikon'Andriamanitra ny tahotra. Izao anefa no tsy fantatsika: mety hanao toy izany koa isika, izany hoe, ny tahotra no avelantsika hifehy antsika fa tsy Andriamanitra.
Saino ny fotoana iza nahatsapanao tsara fa misy zavatra asain'Andriamanitra ataonao. Kanefa nohon'ny tahotra dia tsy tianao loatra ny hanao izany. Inona ireo lesona noraisinao avy amin'izany fanandramana izany?