Na eo aza ireo olana ivelany sy anatiny dia miantso antsika amim-pitiavana i Jesôsy handray anjara amin'ny fanatanterahana ny asany any tanan-dehibe.
Vakio ny Mat. 9:35-38. Inona no ampianarin'izany antsika mikasika ny asa misionera amin'ny daholobe, na alza na aiza misy azy ireo?
Nangoraka ny vahoaka i Jesôsy raha nahita azy ireo teny an-tanána sy vohitra teny. Manoritsoritra ny nitomanian'i Jesosy an'i Jerosalema ny Lio. 19:41. Mety tsy ho takatsika ny halalin'ny fitiavan'i Jesôsy ny zanany, eny fa na ireo olona "tsy fantatra" maro monina any an-tanàn-dehibe aza. Izany no antony ilazan'i Jesôsy amintsika ao amin'ny Mat. 9:38 hivavaka mba ho tahaka ny Azy ny antony manosika antsika sy ny fontsika.
Vakio ny Mat. 4:23-25. Rehefa nanomboka ny asany i Jesosy dia faritra aiza ara-jeografia no niavian'ny vahoaka?
Ao amin'ny Mat. 4:25, ny vahoaka izay nanaraka an'i Jesosy dia avy tany Galilia, avy tamin'ireo tanana-fanjakana folon'i Dekapolisy miantsinanana, avy tany Jerosalema ary avy tany Jodia mianatsimo. Ankoatra an'i Samaria, faritra aiza koa no tsy voalaza eto? Ny faritra manamorona an'i Tyro sy Sidona izay ao anatin'i Fenisia, manakaiky ny ranomasina Mediteranea sy ny faritra avaratra-andrefan'i Galilia. Hitantsika izao ny antony nandehanan'i Jesôsy tany amin'io faritra io! Iray amin'ireo dia misionera any amin'ny kolontsaina hafa nataon'i Jesôsy io dia tany amin'ny faritr'i Tyro sy Sidona io.
"Rehefa avy nifanehatra tamin'ny Fariseo i Jesosy, dia niala tao Kapernaomy Izy ka namakivaky an'i Galilia ary nankany amin'ny havoana teo amin'ny sisin-tanin'i Foinika. Raha nitodika niankandrefana Izy dia nahita ireo tanana tranainin'i Tiro sy Sidôna, mivelatra eo amin'ny lohasaha eo ambany, misy ireo tempolin'ny fanompoan- tsampy, ireo lapa fatratra dia fatratra sy ireo tsena fivarotana, ary ireo seranana feno sambo miantsona."- IFM, t. 425.
Ahoana no ahafahantsika manampy ny olona hahita fa tsinontsinona "ireo lapa fatratra dia fatratra sy ireo tsena fivarotana" ananany, fa mila an'i Jesôsy kosa izy Ireo?