Vakio ny Mat. 22:37-40. Manao ahoana ny tenin'i Jesôsy eto raha ampitahaina amin'izay navaliny an'ilay mpahay lalàna ao amin'ny Lio. 10:27, 28?
Araka ny Mat. 22:37-40, dia nambaran'i Jesosy mazava fa miankina amin'ireo didy roa ireo ny fanehoana ny tena finoana marina isan'andro. Ary ny Lio. 10:27, 28 dia maneho mazava fa raha manao ireo zavatra roa ireo ny olona iray dia handova ny fiainana mandrakizay izy.
"Tokony ho foto-kevitra enti-miasa my fitiavana. Ny fitiavana no foto-kevitra iorenan'ny fanjakan 'Andriamanitra eto an- tany sy any an-danitra ary tsy maintsy ho fototry ny toetra amam-panahy kristianina. lo ihany no hahatonga azy ho afaka hifahatra sy hitana azy hahafahatra. lo ihany no hahatonga azy ho afaka hisetra ny fitsapana sy ny fakam-panahy."- HF, tt. 36, 37.
Vakio ny Gal. 5:14; Mika 6:6-8 ary ny 1 Jao. 4:20, 21. Ahoana no anamafisan'ireo toko sy andininy ireo ny zavatra nambaran'i Jesosy tamintsika?
Izao no nambaran'i Paoly: "Fa tanteraka amin'ny teny iray ihany ny lalàna rehetra, dia izao: Tiava ny namanao tahaka ny tenanao."- Gal. 5:14. Ho an'i Paoly, ny fomba itondrantsika ny hafa ihany no maneho taratra ny fitiavantsika an' Andriamanitra. Na dia nilaza aza izy fa "ny marina amin'ny finoana no ho velona"- Rom. 1:17, dia tsy zavatra miafina na koa tsy fantatry ny hafa sy tsy hitany ny flainana amin'ny finoana. Samy milaza mazava i Paoly sy i Mika ary i Jaona fa ny asa no maneho raha ao anatintsika marina ny finoana izay ambarantsika.
Ambaran'i Paoly amin-kery ao amin'ny 1 Kôr. 13 fa raha misy milaza ho manana fahalalana lehibe, na manao asa goavana na koa manana finoana lehibe, eny fa na dia mahafoy ny ainy aza kanefa tsy manana fitiavana, dia tonga tahaka ny "varahina maneno sy kipantsona mikarantsana" izy (1 Kor. 13:1).
Jereo ny tenin'l Ellen G. White eo ambony. Mariho izay lazainy mikasika ny tsy hahafahan'ny olona mifahatra sy misetra fakam-panahy raha tsy amin'ny fitiavana irery ihany. Ahoana no anehoan'izany amintsika fa ny didy momba ny fitiavana dia tsy famonjena amin'ny alalan'ny asa tsy akory fa fanehoana ny finoantsika an'i Jesôsy?