Vakio ny Lio. 10:27, 28. Inona ny valinteny nomen'llay mpahay lalàna momba ny fanontaniana izay izy ihany no nametraka azy?
Nametraka fanontaniana ilay mpahay lalàna, ary izy ihany no namaly izany: "Tiava an'i Jehovah Andriamanitrao amin'ny fonao rehetra (...)" ary "Tiava ny namanao tahaka ny tenanao."- Lio. 10:27.
Inona ny navalin'i Jesôsy azy? Hoy Izy: "Marina my navalinao"- and. 28. Notohizan'i Jesosy tamin'ny fandrisihana azy hanao aqsa mifandraika amin'izany ny teniny, ka hoy Izy hoe: "ataovy izany, dia ho velona hianao."- and. 28.
Tsy sarotra loatra ny fanomezana ny valinteny marina mikasika ny fampianarana sy ny finoana ho an'ny ankamaroan'ny mpino. Ny fampiharana ny zavatra fantany fa marina sy ny fanarahana ny zavatra inoany kosa no fihaikana ho azy. Olona marobe, izay mahalala zavatra maro ampy hahavonjy azy, no ho very noho ny tsy fankatoavany ny zavatra fantany. Izany no maha-zava-dehibe tokoa izao lohahevitra izao. Tsy ampy ny fahafantarana fotsiny ny momba ny fitiavana an'Andriamanitra sy ny namana, fa tsy maintsy ampiharina izany!
Vakio ny Jak. 2:17-22. Ahoana no mampitovy ireo andalan-teny ireo amin'izay nambaran'i Jesosy tamin'llay mpahay lalàna?
Raha tia an'Andriamanitra isika dia hamaky ny Teniny, hivavaka, hitandrina ny didiny, ary hankato ny feony "amin'ny fontsika rehetra". Raha milaza ny olona iray fa tiany ny hafa, kanefa tsy mihevitra ny hafa izy ao am-piangonana, na koa minia tsy mahalala ny fahasahiranan'ny hafa nefa afaka manampy azy, moa mahasoa ve ny finoany? Fomba fiaina ny fivavahana kristianina fa tsy fitambarana finoana fotsiny.
"Raha misy rahalahy na anabavy tsy manan-kitafy sady tsy manan-kohanina isan-andro, ka misy aminareo manao aminy hoe: Mandehana amin'ny fiadanana, mamindroa, mivokisa, kanefa tsy omenareo azy tsinona izay tandrifiny ho an'ny tenany inona moa no soa azo amin'izany?" - Jak. 2:15,16.
Hatraiza ny fiheveranao izay hahasoa ny hafa? Hatraiza ny fanarahanao ny tenin'i Paoly hoe: "Aza samy mihevitra ny azy ihany, fa samy ny an'ny namany koa."- Fil. 2:4. Ahoana no ahazoanao mianatra hihevitra ny hafa bebe kokoa, noho ny fahasoavan'Andriamanitra?