Mino ireo mpandinika Baiboly dia fa ny Filazantsaran'i Matio dia nosoratana manokana ho an'ny vahoaka jiosy ary ny Marka dia nosoratana manokana ho an'ny vahoaka jentilisa. Ilaina ny hihazonana izany fanavahana izany an-tsaina rehefa mianatra ny Filazantsara isika.
Vakio ny Mat. 15:22-28 sy ny Mar. 7:24-30. Inona ny fahasamihafana hitanao eo amin'ny fomba fanehoana ilay vehivavy?
Mariho ny fomba nanoritsoritan'i Matio ilay renim-pianakaviana amin'ny fampiasana ny fireneny na ny flaviany: Kananita. I Marka dia notarihin'ny Fanahy Masina hampiasa fiteny hafa hanoritsoritana io vehivavy io ho "grika" na "jentilisa", avy eo dia nampiany hoe: "avy amin'ny firenena Syro-foinika" na "Syrianina avy any Fenisia" - io ihany no fotoana nampiasana izany teny izany ao amin'ny Baiboly.
Saino ny akon'izany tantara ao amin'ny Mat. 15 izany amin'ireo vahoaka jiosy sy ny fiainana nahazatra azy ary ny fomba fijeriny. Ny mpihaino an'i Matio dia hahita io reny io ho toy ny jentilisa natao tsinontsinona. Izany dia avy amin'ny fanandramana ara-tantara niainan'ny vahoaka jiosy niaraka tamin'ny Kananita, vahoaka mpanompo sampy, izay vato nahasolafaka ny firenen'izy ireo nandritra ny fotoana maharitra ny fomba fiaina sy ny fanao ratsiny. Na ireo mpianatr'i Kristy aza dia tsy nieritreritra velively fa mety hanana finoana io vehivavy io na mety ho tafiditra ao amin'ny fanjakan' Andriamanitra!
Ao amin'ny Mar. 7, ny vahoaka jentilisa iresahan'i Marka dia mety haneho fihetsika hafa amin'ny an'ny Jiosy iresahan'i Matio. Tsy nanana fanandramana ratsy tahaka ny Jiosy tamin'ny Kananita ny Jentilisa. Iray sokajy amin'ny Jentilisa mihitsy aza io vehivavy teraka "grika, syro-fenisianina" io. Nanasitrana ny anankiray tamin'izy ireo i Jesôsy! Ho an'ny Jentilisa dia reny be fitiavana no nandraisana io vehivavy io, izay nitebiteby ny amin'ny zanany vavy, ary naniry ny hanasitranan'ny Tompo azy, na inona na inona foko sy firenena niaviany.
"Tsy namaly avy hatrany ny fangatahan'ilay vehivavy i Kristy Noraisiny tahaka ny ho nataon'ny Jiosy taminy ity solon-tenan'ny firazanan'olona nozimbazimbainy ity. Nataony izany mba ho tafalatsaka tao am-pon'ny mpianatra ny fomba mangatsiaka sady tsy antra izay nandraisan'ny Jiosy ny toy izany, araka izay nasehon'ny taratra tamin'ny fomba nandraisany an- dravehivavy, sy ny fomba feno fangorahana tiany hifandraisan 'izy niainan'ny ireo amin'ny fahoriana toy izao, araka izay nasehony mazava tamin'ny famaliany ny fangatahany nanaraka izany." IFM, t. 426
Vakio ny 1 Jao. 2:2. Inona no ambaran'io andininy lo amintsika momba ny maha-iray antsika eo anatrehan' Andriamanitra?