Isika rehetra dia samy mahalala ilay andalan- teny hoe: "Tiava an'i Jehovah Andriamanitrao amin'ny fonao rehetra sy ny fanahinao rehetra sy ny herinao rehetra ary ny sainao rehetra"- Lio. 10:27. Manjary ivelambelany ihany anefa ny fitiavantsika an' Andriamanitra raha milaza isika fa tia Azy kanefa tsy mankato Azy. Mihevitra isika fa tia an'Andriamanitra, amin'ny fomba ahoana anefa no anehoantsika izany fitiavana izany eo amin'ny flainana andavanandro? Mitaky fanolorana feno ny fo sy ny fanahy ary ny vatana sy ny saintsika isan'andro ny fitiavana an'Andriamanitra. Afaka milaza ny olon-drehetra fa tia an'Andriamanitra, fa ny fanaovana izany kosa dia mitaky ezaka ombam- pisainana.
Na dia tsara sy manan-danja aza ny mitia an' Andriamanitra dia iriny koa ny itiavantsika ny hafa, satria maneho taratra ny fitiavantsika an'Andriamanitra amin'ny fitiavana tena izy sy lehibe izany. Hoy ny 1 Jao. 4:20: "Raha misy manao hoe: Tia an 'Andriamanitra aho nefa mankahala ny rahalahiny, dia mpandainga izy; fa izay tsy tia ny rahalahiny izay hitany, hataony ahoana no fitia an 'Andriamanitra Izay tsy hitany?" Hoy koa i Paoly ao amin'ny Gal. 5:14: "Fa tanteraka amin'ny teny iray ihany ny lalana rehetra, dia izao: Tiava ny namanao tahaka ny tenanao."
Mandritra ity herinandro ity isika dia hianatra ny fomba hampiharana izany lesona izany eo amin'ny flainantsika.