Araka ny hitantsika ao amin'ny Baiboly dia nitondra ireo mpianany avy any Genesareta (Mat. 14:34) i Jesôsy "ka nankany amin'ny fari-tanin'i Tyro sy Sidona" Mat. 15:21. Nahoana no nentiny avy any Galilia ho any amin'ny toerana jentilisa izy ireo? Nentiny ho ao amin'io saha io izy ireo, dia teo amin'ny toerana manamorona ireo faritra vahiny ireo, mba hahafahan'izy ireo mianatra eny an- toerana, izay tsy azon'izy ireo nianarana mora foana tany Galilia. Te hampita lesona amin'ire mpianany Izy, izay hanampy azy ireo ho vonona ho amin'ny fiantsoana azy hanatratra my vondron'olona rehetra, anisan'izany ireo mponina an-tanàn-dehibe.
Vakio ny Mpits. 3:1-6, 1 Mpanj. 5:1-12, sy ny 1 Mpanj. 11:1-6. Ahoana no anampian'ireo andininy ireo antsika hahazo an-tsaina ny tantaran'ireo tanana ireo?
Hitantsika ao amin'ny Mpits. 3:1-6 fa nampiasain' Andriamanitra ireo vahoaka taloha ireo hizahan-toetra ny finoan'ny Isiraelita. Mampalahelo fa tsy nahomby tamin'izany fizahan-toetra izany koa ny vahoakan' Andriamanitra, farafahakeliny tamin'ity tranga manokana ity: "Ary naka ny zanakavavin 'ireny ho vadiny izy sady nanome ny zanani-vavy ho vadin'ny zanakalahin'ireny ka nanompo ny andriamaniny." - Mpits. 3:6. Araka izany, hatrany am-piandohana dia vato mahasolafaka ho an'ny Isiraely io vahoaka io.
Ao amin'ny 1 Mpanj. 5:1-11 no ahitantsika ny fifandraisana ety teo amin'ny Sidonianina sy ny Hebreo. Na dia nahazoan'ny andaniny sy ny ankilany tombontsoa aza ny fifamatorana ara- toe-karena tamin'ny lafiny iray, dia tsy isalasalana fa nisy voka-dratsy teo amin'ny Hebreo ny fanompoan-tsampy isan-karazan'ireto mpiara-miombona antoka taminy ara-barotra ireto.
Hita ao amin'ny 1 Mpanj. 11:1-6 ny maha- ratsy ilay hery miasa mangina avy tamin'ireo: nanambady ny zanaky ny mpanjaka sidonianina i Sôlômôna mpanjaka, izay nitarika azy ho amin'ny lalan-diso. "Fa Solomona nanaraka an 'i Astarta, andriamani-bavin'ny Sidoniana." - 1 Mpanj. 11:5.
Na teo aza izany tantaran'ny fanompoan-tsampy izany sy ny voka-dratsiny teo amin'ny firenena voafidy dia nentin'i Jesôsy ho eo amin'izany toerana izany ihany ny mpianany. Tamin'izany no nanofanany azy ireo ho amin'ny iraka an-tanan-dehibe misy kolontsaina maro, ka nananarany azy ny amin'ny fitsaratsarany sy ny fizahany tavan'olona ary nanomezany ny mpanara-dia azy modely ny amin'ny asa misionera an-tanàn-dehibe, amin'ny kolontsaina rehetra sy ny firenena rehetra.
Miatrika zava-tsarotra maro ireo misionera advantista an-tanan-dehibe, anisan'izany ny olana ara-pahasalamana sy ara-tontolo iainana. Azo tanisaina koa ny halafon'ny vidim- piainana, ny fanavakavahana amin'ny endriny isan-karazany, ny fanindrahindram-pirenena, ary ireo faneriterena eo amin'ny fahafahana ara-pivavahana sy ny fahafahana maneho hevitra. Na eo aza ireo sakantsakana ireo dia mila miasa ho an'ny tanan-dehibe isika.
Inona no azonao atao hanampiana ireo olona manao asa fanompoana any an-tanàn-dehibe?