February 2024

Vakio ny Sal. 136. Inona ny hevitra mibahana ao amin'io Salamo io? Aiza no ahitan'ny mpanao Salamo ny porofon'ny fanambarany miverimberina?

Hodinihina mandritra ny herinandro: Sal. 136; Sal. 51; Sal. 130; Sal. 113; Sal. 123.

Tsianjery: "Hidera Anao eny amin'ny vahoaka aho, Tompo ô, hankalaza Anao eny amin'ny firenena aho. Fa lehibe mihatra amin'ny lanitra ny famindram- ponao, ary mihatra amin'ny rahona ny fahamarinanao."- Sal. 57:9,10.

Nomen'Andriamanitra fahefana hitsara amim-pahamarinana ireo mpitarika tao Isiraely (Sal. 72:1-7, 12-14). Natao hampiasa ny fahefany araka ny sitrapon’Andriamanitra ireo mpanjakan’ny lsiraely. Ny hitandro ny fiadanana sy ny fahamarinana ao amin’ny fireneny, ary ny hitsinjo ireo mahantra eo amin’ny fiaraha-monina, no tena tokony himasoan'ireo mpitarika. Amin’izay ihany vao hambinina ny tany sy ny vahoaka manontolo. Ny fahatokiana amin’Andriamanitra no manamafy orina ny seza fiandrianan’ny mpanjaka fa tsy ny herin’olombelona.

Vakio ny Sal. 58:6-8; Sal. 69:22-28; Sal. 83:9-17; Sal. 94:1,2; sy ny Sal. 137:7-9. Inona ny fihetseham-po ampitaina ao amin'ireo Salamo ireo? Iza no voalaza fa mpitsara ao?

Misy Salamo sasany miantso an’Andriamanitra hanao valifaty amin’ny olona sy ny firenena izay mikasa hanisy ratsy na efa nanao ratsy tamin’ny mpanao Salamo na ny iray firenena aminy. Toa somary mahasakodiavatra ihany ireo Salamo ireo noho ny fiteny henjana ampiasainy sy ny toa fifanoherany amin’ny foto-kevitra ara-Baiboly momba ny fitiavana ny fahavalo (Mat. 5:44).

Vakio ny boky Sambatra, "Ny tena fahasambarana", t. 10-16; 29-35.

Vakio ny Sal. 96:6-10; Sal. 99:1-4; sy ny Sal. 132:7-9, 13-18. Aiza no miseho ny fitsaran' Andriamanitra? Inona no akon'ny valin'izany fanontaniana izany amintsika? Ahoana no anampian'ny fitoerant masina antsika hahatakatra ny fomba fiatrehan'Andriamanitra ny fahotana?

Vakio ny Sal. 9:18; Sal. 12:5; Sal. 40:17; Sal. 113:7; Sal. 146:6-10, sy ny Sal. 41:1-3. Inona ny hafatra ho antsika eto ankehitriny?

Asehon'Andriamanitra miharihary ny fikarakarany sy ny fitsinjovany manokana ny rariny ho an'ireo olona marefo isan-karazany, anisan'izany ny ory, ny malahelo, ny mijaly, ny kamboty, ny mpitondratena, ary ny vahiny. Manohana izany mazava ny Salamo, tahaka ny lalàna sy ny mpaminany (Eks. 22:21-27; Isa. 3:13-15).

Vakio ny Sal. 18:3-18; Sal. 76:3-9,12; sy ny Sal. 144:5-7. Ahoana no anoritsoritana an'i Jehovah ao amin'ireo andininy ireo? Inona ny hevitra ampitain'ireo sary an'ohatra ireo momba ny fahavononan'Andriamanitra hanafaka ny olony?

Hodinihina mandritra ny herinandro: Sal. 18:3-18; Sal. 41:1-3; Deo. 15:7- 11; Sal. 82; Sal. 96:6-10; Sal. 99:1-4; Rôm. 8:34.

Tsianjery: "Noho ny fampahoriana ny ory sy ny fisentoan'ny malahelo, dia hitsangana Aho ankehitriny, hoy Jehovah; hovonjeko izay vingavingain'ny sasany."- Sal. 12:5.

Vakio ny Sal. 56; ny "Fifaliana ao amin'ny Tompo, toko faha-13 ao amin'ny DHK.

Tahaka ireo mpanao Salamo, dia manontany tena matetika ireo vahoakan'Andriamanitra hatrizay ny amin'ny fomba hihirana ny hiran'i Jehovah any "an-tany nivahianiana". Miatrika fihaikana ny finoantsika ny fanapahan'Andriamanitra; misy fotoana mampivaivay izany, ary mety hanontany tena isika raha toa Andriamanitra mifehy ny toe-javatra tokoa na koa mahery sy tsara araka izay lazain'ny Soratra Masina tokoa Izy.