"Miambena, ka aoreno tsara ny zavatra sisa izay saiky maty; fa tsy nisy hitako tanteraka ny asanao eo anatrehan'Andriamanitro." - Apôk. 3:2.
Mofon’aina:
Maro no eo ambavahoan'ny fahafatesana ara-panahy, ary miantso antsika ny Tompo mba hampahery azy ireo. Tokony hiray tanteraka ao anatin'ny fatoran'ny fifandraisana kristianina ny vahoakan'Andriamanitra, ary tokony hampahantanjahina ao amin'ny finoana amin'ny alalan'ny fifampiresahana matetika momba ireo fahamarinana sarobidy natolotra azy ireo. (...)
Misy hery ara-panahy ho an'izay rehetra hikatsaka izany amin-kafanam-po sy fahatapahan-kevitra. Ho tonga mpiray amin'ny fomban'Andriamanitra izy ireo, satria niara-niasa tamin'Andriamanitra. Hisy hery miasa mangina homena azy ireo, izay hampitomboina arakaraka ny ampiasany tsara izany. Arakaraka ny haben'ny faniriany hariao ny sitrapon'Andriamanitra ny halehiben'ny hery omena azy. (...)
Araka ny voalazan'i Jesosy, ny Ray dia vonona kokoa hanome ny Fanahy Masina ho an'izay mangataka Aminy, mihoatra noho ny fahavononan'ny ray aman-dreny hanome zava-tsoa ho an'ny zanany. (...) Tsy misy fetra ny fitahiana azon'Andriamanitra atolotra. Tsy haintsika takarina ny haavony sy ny halaliny, ary ny sakany. Vonona hanampy ireo izay mahatsapa ny tsy fananany fahendrena sy manatona mivantana eo amin'Ilay Loharanon'ny fahendrena ny lanitra manontolo. (...) Nefa aoka hangataka amin'ny finoana izy ka tsy hiahanahana akory. (...) Izay mifikitra amin'ny teny fikasana, izay mahatsapa ny fahantrany ka feno fikirizana, no mandray fahendrena avy any ambony. (...)
"Kanefa misy olona vitsy atp aminao al)) Sardisy izay tsy nandoto ny fitafiany; ary hiara-mandeha amiko mitafy lamba fotsy ireo, satria miendrika izy." — and. 4. Noho ny finoan'izy ireo no nahazoany izany voninahitra izany. Tsy nirehareha izy ireo teto amin'ity fiainana ity, na nanolotra ny fanahiny ho amin'ny zava-poana. (...) Ny faniriany tokana dia ny ho tahaka an'i Kristy. Nasandrany avo hatrany ny fanevan'ny fahamarinana. Homena voninahitra mavesatra maharitra mandrakizay izy ireo, satria niara-nandeha tamin'Andriamanitra tetSi ambonin'ny tany, niaro ny tenany tsy hisy pentimpentina avy amin'izao tontolo izao, ary nanambara ny faharnarinan'i Kristy tamin'ny mpiara-belona taminy. — RH, 10 Aogôsitra 1905.