"Dia hamaly ny Mpanjaka ka hanao aminy hoe: Lazaiko aminareo marina tokoa: Araka izay efa nataonareo tamin'ny anankiray amin'ireto rahalahiko kely indrindra ireto no nataonareo tamiko." - Mat. 25:40.
Mofon'aina:
Mihevitra manokana izay ilain'ny zanany i Kristy; manan-danja Aminy izany. Raisiny ho toy ny atao amin'ny Tenany mihitsy ny tsirambina na izay rehetra mety ho fanaovana tsinontsinona ny rahalahiny, sy ny soa atao amin'izay ambany indrindra amin'izy ireo. Hoy Izy: «fa noana Aho, dia nomenareo hanina; nangetaheta Aho dia nampisotroinareo; nivahiny Aho, dia nampiantranoinareo (...). Araka izay efa nataonareo tamin>ny anankiray amin>ireto rahalahiko kely indrindra ireto no nataonareo tamiko.» - and. 35-40.
zay nandrotsahan'Andriamanitra fitahiana manana amby ampy, nefa manidy mafy ny fony ka tsy maneho fahalalahan-tanana amin'ny alalan'ny asa fiantrana sy ny hatsaram-panahy, dia handre ny Tompo hiloa-bava hoe: «Araka izay tsy nataonareo tamin>ny anankiray amin>ireto kely indrindra ireto no tsy mba nataonareo tamiko.» -and. 45. Tsy afaka hitoetra ao am-po ny fitiavana an'i Kristy raha tsy ao koa ny fitiavana ny mpiara-belona amintsika. (...)
Misy voka-dratsy eo amin'ny fahasalamana ara-batana sy ara-panahy ny fidonanaham-poana. Ny olona kamo miasa ao amin'ny tanim-boaloboka, izay tsy velona afa-tsy ho an'ny tenany, dia tsy mety afa-po na amin'ny tenany na amin'ny hafa; misoritra eo amin'ny endriny ny alahelo sy ny tsy fahafaliana. Fa izay tsy mihevitra ny tenany kosa, ka miray fo amin'ny olombelona mijaly tahaka ny Tompony, dia mihamalefaka sy mihatsara toetra eo am-pangorahana ny hafa. Ny fahalalam-pomba, ny faharetana, ary ny fahamoram-panahy no hampiavaka ny olona toy izany, ary ny fanatrehany dia mitondra fifaliana sy fitahiana mandrakariva. Hamirapiratry ny hatsaram-panahy marina ny endriny.
Ireo izay miezaka mafy mba hiantohana ny fahasambaran'ny tenany dia ory. Izay manadino ny tenany ka mahafoy tena ho an'ny hafa kosa dia mahita fa mitaratra miverina ao am-pony ny fahazavana sy ny fitahiana nozarainy tamin'ny hafa. (...) Tsy ny fahalehibiazan'ny asa vitantsika, fa ny fitiavana sy ny fahatokiana entintsika manao izany, no ankasitrahan'ny Mpamonjy. - The Sanitarium Patients at Goguac Lake, tt. 12-14.