Lesona Sekoly Sabata Herinandro

Hodinihina mandritra ny herinandro : 2 Kor. 1:3-14, 2 Kor. 2:17, 2 Kor. 4:2, 1 Kor. 16:5-7, 2 Kor. 7:5-13, 2 Kor. 2:5-17.

Tsianjery

"Fa tamin'ny haben'ny fahoriana sy ny alahelon'ny foko no nanoratako taminareo tamin'ny ranomaso be, tsy ny hampalahelovana anareo, fa ny mba hahafantaranareo ny fitiavana izay itiavako anareo indrindra." - 2 Kor. 2:4.

Tsy mora mandrakariva ny fiainan'ny apostoly Paoly. Ankoatra ny fonja sy ireo toe-javatra natrehiny izay nampidi-doza ny ainy, dia nanoratra toy izao koa izy: "Indimy aho по nokapohin'ny Jiosy inefa-polo latsaka iray avy. Intelo nokapohina tamin'ny hazo aho, indray maka notoraham-bato, intelo no vaky sambo, indray andro sy indray alina no nitoetra teo amin'ny lalina, nandeha matetika aho, saiky nahita loza tamin'ny ony, saiky nahita loza tamin'ny jiolahy, saiky nahita loza tamin'ny tompon-tany namako, saiky nahita loza tamin'ny jentilisa, saiky nahita loza tao amin'ny tanana aho, saiky nahita loza tany an-efitra aho, saiky nahita loza tany amin'ny ranomasina aho, saiky nahita loza tamin'ny rahalahy sandoka aho, tamin'ny fisasarana sy ny fikelezan-aina, tamin'ny tsi-fahitan-tory matetika, tamin'ny hanoanana sy ny hetaheta, tamin'ny fifadian-kanina matetika, tamin'ny hatsiaka sy ny fitanjahana. Afa-tsy ireo zavatra ivelany dia mbola misy koa izay mahazo ahy isan-andro, dia ny fiahiana ny fiangonana rehetra." - 2 Kor. 11:24-28.

Ampahany amin'io «fiahiana ny fiangonana rehetra» io no hitantsika ao amin'ireo epistilin'i Paoly ho an'ny Korintianina. Na teo aza anefa izany rehetra izany, dia tsy nihalefy velively ny fitiavany azy ireo, tahaka ny fitiavan'i Kristy antsika izay tsy misy mahasaraka antsika aminy. Raha ny marina, i Jesôsy no nianaran'i Paoly nitia ny fiangonana, koa maneho taratra ny fitiavan'i Jesôsy antsika ny fitiavany (2 Kor. 5:14; jereo ny 1 Kor. 11:1).

*Famerenana ny lesona ny sabata 29 Aogositra .

Vakio ny 2 Kor. 1:3-7. Inona no maha-velom-pisaorana an'i Paoly eto?

Mifantoka amin'ny fampiononan'Andriamanitra ireo izay mitondra fahoriana ny fisaoran'i Paoly. Ao amin'io andalan-teny io dia miverina impolo ny teny hoe "ampiononana" na "mampionona" (parakaleő) na "fampiononana" (paraklēsis). Raha isaina ny fiverimberenan'ireo teny ireo ao amin'ny 2 Kor. (in-29), dia maneho ny ampahatelony ny ao amin'io andalan-teny io. «Rain'ny famindram-po sy Andriamanitry ny fampiononana rehetra, Izay mampionona anay amin'ny fahorianay rehetra» - 2 Kor. 1:3,4, no anortitsoritana an'Andriamanitra.

Tsy natao hokobonina ho an'ny tena samirery ny fampiononana raisina avy amin'Andriamanitra (2 Kor. 1:4,5). Ny fo malahelo izay nandray fampiononana avy amin'Andriamanitra ihany no afaka mampionona amin'ny fomba mahomby ireo izay mitondra fahoriana koa.

Afaka nampionona ny hafa i Paoly satria ny tenany mihitsy, tao anatin'ny fahoriany, no naharay fampiononana avy amin'Andriamanitra. "Ary raha ampahorina izahay, dia ho fampiononana sy famonjena anareo izany; ary raha ampiononina izahay, dia ho fampiononana anareo izany" - 2 Kor. 1:6. Izany no fitiavana!

Inona no isaoran'l Paoly ao amin'ny 2 Kor. 1:8-117

Hoy i Paoly momba ny fahoriana nanjo azy ireo: "novesarana indrindra mihoatra noho ny zakanay izahay"- 2 Kor. 1:8; ary nahiana aza ny ain'izy ireo. Nanopy ny sainy tany amin'ny fitsanganana amin'ny maty izy ireo, izay hany fanantenany. Nanafaka azy ireo anefa Andriamanitra, ary niova ny toe-javatra (2 Kor. 1:10). Avy amin'ny tahotra ny fahafatesana (2 Kor. 1:8), no nisandratan'izy ireo ho amin'ny fanantenana velona fa mbola hanafaka azy ireo indray Andriamanitra (2 Kor. 1:10). Ireo fandresen'Andriamanitra tamin'ny lasa dia manome toky antsika fa hanao toy izany koa Izy amin'ny hoavy. Mampiasa ny fahoriana Andriamanitra mba hampianarana antsika hitoky Aminy. Afaka mitondra antsika ho amin'ny fahamatorana ara-panahy ny zava-tsarotra lalovantsika, farafahakeliny amin'ny ambaratonga izay amelantsika izany hampanakaiky antsika an'Andriamanitra. Maneho ny herin'ny vavaka fanelanelanana sy ny fankasitrahana ao anatintsika noho ny famonjen'Andriamanitra koa ny fisaoran'i Paoly (2 Kor. 1:11).

Inona no hitanao fa fomba mahomby hiatrehana ny fahoriana, izay tsy azontsika rehetra ihodivirana raha mbola eto an-tany?

Nianarantsika omaly fa ny fitiavan'i Paoly ny Korintianina dia nasehony tamin'ny alalan'ny fampiononana azy ireo tao anatin'ny zava-tsarotra natrehiny, tahaka ny nandraisany fampiononana avy amin'Andriamanitra koa tamin'ny azy (1 Kor. 1:1-11). Anio kosa, ho hitantsika fa nasehon'i Paoly tamin'ny alalan'ny fahitsiana nananan'ny tenany sy ireo mpiara-miasa aminy teo anatrehan'ireo mambra tao Korinto koa ny fitiavany.

Vakio ny 2 Kor. 1:12-14, mifandray amin'ny 2 Kor. 2:17 sy 2 Kor. 4:2. Amin'ny fomba ahoana no anehoan'ny fahitsian'i Paoly ny fitiavany ny Korintianina?

Ny 2 Kor. 1:12-14 no fampidirana ho amin'ny foto-kevitra hovelabelarin'i Paoly ao amin'ny epistiliny manontolo. Nampisalasala ny olona sasany tao Korinto ny fahitsian'i Paoly sy ny maha-apostoly azy marina. Nihevitra izy ireo fa nanana toetra miovaova sy tsy mahatapaka hevitra i Paoly, ka tsy mendrika ny fanompoana maha-apostoly. Nantitranterin'i Paoly ho setrin'izany, fa nitondra tena tamim-pahitsiana tanteraka izy sy ireo mpiara-miasa aminy teo anatrehan'izy ireo.

Teny roa no manoritsoritra ny fitondrantenan'i Paoly sy ireo mpiara-miasa aminy: ny fahamasinana sy ny fahadiovam-po (2 Kor. 1:12). Ny teny nadika hoe «fahamasinana» dia avy amin'ny teny grika hoe haplotës. Ampiasaina eto izany mba hanehoana ny fahitsiana manokana eo amin'ny fiteny na ny fihetsika; raha fintinina, dia manambara ny fahatsoram-po izany (Efes. 6:5, Kol. 3:22). Etsy ankilany, пу teny hoe "fahadiovam-po" (avy amin'ny teny grika hoe eilikrineia) dia manondro fahitsiana sy fahatsoram-po koa.

Tsy tokony ho nampisalasala ny Korintianina ny fahazavan-tsain'i Paoly. Nasehony mazava fa avy amin'Andriamanitra ny fahatsorany sy ny fahitsiany. Voambara tsara izany hevitra izany ao amin'ny dikan-teny DIEM: "Tamin'ny fahamasinana sy ny fahatsoram-po avy amin'Andriamanitra no nitondranay tena. " 2 Kor. 1:12. Ao amin'io andininy io ihany, nambaran'i Paoly fa nomena antsika «tamin'ny fahasoavan'Andriamanitra» ireo toetra ilaina amin'ny fanompoana ireo.

Hita fa mety ho diso fandray ny tenin'i Paoly tao amin'ny hafatra nosoratany tany aloha ireo mpanohitra an'i Paoly (2 Kor. 1:13, 14). Nanome toky azy ireo i Paoly fa mazava sy mora takarina ny fikasany. Azony antoka fa ho hita porofo ny fahitsian'ny teniny, ny fikasany, ary ny asany "amin'ny andron'i Jesôsy Tompontsika"- 2 Kor. 1:14.

Oviana no efa nisalasalan'ny olona ny amin'ny fikasanao sy ny tanjonao, na dia tsy nieritreri-dratsy sy nadio fo aza ianao tamin'izany? Nanao ahoana ny fahatsapanao? Inona no ambaran'izany aminao momba ny tokony hitandremanao rehefa mampisalasala anao ny fikasan'ny olon-kafa?

Hitantsika fa nisalasala ny amin'ny fikasan'i Paoly sy ny fitiavany ny olona sasany tao Korinto. Hojerentsika anio kosa ny antony manokana nahatonga izany: ny niovany drafitra teo amin'ny diany (2 Kor. 1:15-2:4).

Vakio ny 1 Kor. 16:5-7. Inona no drafitr'i Paoly tany am-boalohany?

Efa tany Korinto i Paoly teo aloha. Araka ny 1 Kor. 16:5,6, dia nikasa handalo ao Makedonia izy rehefa amin'ny lalany miverina any Korinto, ary angamba, hijanona ao Korinto mandritra ny ririnina. Ho any Jodia izy rehefa avy ao Korinto, hitondra ny fanatitra nangonina tany Makedonia ho an'ireo mahantra any Jerosalema. Kanefa, nanova ny drafiny izy noho ny tatitra ratsy nentin'i Timoty avy any Korinto (1 Kor. 4:17, 1 Kor. 16:10, 2 Kor. 1:1,23).

Nikasa handeha mivantana avy any Efesosy ho any Korinto i Paoly mba hamaha ireo olana notaterin'i Timoty. Toy izao ny filaharan'ny dia tokony ho nataony: Efesosy-Korinto-Makedonia-Korinto-Jodia (2 Kor. 1:15, 16). Niala tany Efesosy ho any Korinto izy, nefa avy eo dia niverina tany Efesosy indray. Niova ny drafiny. Tsy niverina tany Korinto araka ny nokasainy izy, tsy avy hatrany, satria tsy nizotra tsara ny fitsidihana nataony farany. Noho izany, niverina tany Efesosy izy ary nanoratra taratasy ho an'ny Korintianina kosa. Naleony nanoratra toy izay hanao fitsidihana hafa mety hanaratsy kokoa ny toe-javatra (2 Kor. 2:1,3).

Diso fihevitra momba ny fikasan'i Paoly tamin'ny fitsidihana farany nataony ny olona sasany. Nisy tamin'ireo olona tao Korinto nilaza fa tsy azo itokiana izy ary tsy dia tia azy ireo loatra (2 Kor. 1:17). Tao anatin'ny valinteniny manoloana izany fiampangana izany, dia nampitodika ny sain'ny Korintianina ho amin'ny filazantsaran'i Kristy izy. Tsy nivadika tamin'ny fikasany hamangy ny Korintianina amin'ny fotoana tsara indrindra izy, tahaka an'Andriamanitra izay tsy nivadika amin'ny fanatanterahany ny teny fikasany ho azy ireo tamin'ny alalan'i Kristy (2 Kor. 1:18-22).

"Fa na firy na firy ny teny fikasan'Andriamanitra, dia ao aminy ny "Eny", ary amin'ny alalany koa ny "Amena", ho voninahitr'Andriamanitra amin'ny ataonay." - 2 Kor. 1:20.

Noho izany, ny valin-teniny dia tsy "Eny" na "Tsia" manjavozavo miankina amin'ny toe-javatra, araka ny nolazain'izy ireo, fa "Eny ihany", tahaka ny asan'Andriamanitra ao amin'i Kristy izay     "Eny" ihany (2 Kor. 1:19).

Noho izany, ny antony nanoratan'i Paoly ho an'ny Korintianina fa tsy nitsidihany azy ireo dia ny fitiavany azy marina, ary tsy ny mifanohitra amin'izany (2 Kor. 2:4). Raha namangy azy ireo avy hatrany taorian'ilay fitsidihana nampalahelo izy, dia vao mainka ho nitondra fahoriana ho azy ireo, fa tsy ilay fifaliana nokasainy hoentina amin'ny fanatrehany (2 Kor. 2:1-3). Mora tamin'ny olona tokoa ny nandika vilana ny fikasana tsara tao anatiny!

Rehefa niverina tany Efesosy i Paoly, dia nanoratra taratasy ho an'ny Korintianina fa tsy namangy azy ireo fanindroany. Nanjary fantatra amin'ny hoe "epistily hentitra" io hafatra nosoratany io (jereo ny 2 Kor. 2:3,4; 2 Kor. 7:8,12).

Vakio ny 2 Kor. 7:5-13. Inona no vokatry ny hafatra nosoratany ho azy ireo, ary nanao ahoana ny fihetsik'l Paoly teo anatrehan'izany vokatra Izany?

Nihaona tany Makedonia i Paoly sy i Titosy taty aoriana, ka tao no nandrenesan'i Paoly avy amin'i Titosy ilay vaovao tsara, fa nitondra voka-tsoa ireo teny mahery nosoratany, ary nitondra fifaliana lehibe ho an'ny fon'ilay apostoly izany. Raha nanohitra an'i Paoly ny olona sasany tao Korinto teo aloha, izao kosa dia nanaiky azy ny fiangonana. Zava-dehibe tokoa ny fanohanantsika ireo mpitarika antsika. Amin'ny maha-mambran'ny fiangonana antsika, dia afaka manamora ny asan'izy ireny tokoa isika.

Vakio ny 2 Kor. 2:5-11. Inona no hevi-dehibe eto?

Miresaka momba ny fitsipi-pifehezana eo anivon'ny fiangonana io andalan-teny io. Miady hevitra ny mpandinika raha ilay lehilahy voalaza fa nanambady ny vadin-drainy ao amin'ny 1. Kor. 5:1-5 io mpandika lalana io, na olon-kafa, dia olona iray izay nitaona ny hafa tao am-piangonana hiampanga an'i Paoly fa tsy namangy azy ireo izy ary tsy niraharaha azy ireo noho ny niovany drafitra. Toa manohana io hevitra faharoa io ny tontolon-kevitry ny tantara. Na izany na tsy izany, ny fampianarana manan-danja indrindra eto dia mikasika ny fomba tokony handraisan'ny fiangonana ny olona iray nanao fahotana.

Mampianatra izany fa ny tanjon'ny fampiharana fitsipika ao am-piangonana dia ny famerenana amin'ny laoniny amin'ny alalan'ny famelan-keloka sy ny fanamafisana indray ny fitiavana ilay mpanota (2 Kor. 2:6-8,10). Milaza koa io andalan-teny io fa mety hampahory ny famaizana eo anivon'ny fiangonana, nefa ilaina izany. Izany hoe, misy fiangonana, na manana fikasana tsara te hifantoka amin'ny "fahasoavana" aza, dia mety hiatrika na handray fepetra mihitsy manoloana ny ota mibaribary na ota atao ampahibemaso aza. Etsy ankilany, misy fiangonana sasany koa mety ho henjan-doatra, tsy mamela heloka, ary masiaka. Mila andraisana fepetra ny ota, saingy amin'ny fitiavana. Noho izany, afaka nananatra ny fiangonana i Paoly mba hanamafy indray ny fitiavany ilay mpandika lalana (2 Kor. 2:8) satria izy mihitsy no tia ny fiangonana (2 Kor. 2:4)!

Afaka naneho fitiavana ilay mpandika lalana ny fiangonana tany Korinto (2 Kor. 2:8) satria efa nanehoan'Andriamanitra fitiavana koa Izy tamin'ny alalan'ny fitiavan'i Paoly. Inona no ampianarin'izany antsika momba ny fitiavana?

Vakio ny 2 Kor. 2:12,13. Talza no nandehan'i Paoly taorian'ny nanoratany ilay "pistily hentitra" ho azy ireo? Inona no nataony tany?

Nitebiteby i Paoly teo am-piandrasana an'i Titosy (2 Kor. 7:5,6). Na teo aza izany, dia tsy nitsahatra niresaka momba an'i Jesôsy izy (2 Kor. 2:12). Tiany tokoa i Jesosy. Tamin'io fotoana io, dia tsy mbola fantany ny vokatr'ilay taratasy nalefany. Nitebiteby izy, te hahita an'i Titosy sy handre vaovao momba ny fihetsiky ny Korintianina.

Na nahomby aza ny asan'i Paoly tany Troasy, " dia tsy nitoetra naharitra tao [izy]. 'Ny fiahiana ny fiangonana rehetra', ary indrindra ny tany Korinto, dia nitambesatra tao amin'ny fony. Nanantena ny hihaona tamin'i Titosy tany Troasy izy mba hahafantarany ny fomba nandraisana ny teny fananarana sy faniniana nataony tamin'ny Korintiana, kanjo diso fanantenana. 'Tsy nahita fiadanan-tsaina mihitsy aho, hoy izy, satria tsy nahita an'i Titosy rahalahiko'. Koa noho izany dia niala tao Troasy izy, ka nandalo tany Makedonia, ary izy sy Timoty nizotra nankany Filipy, izay nihaonany tamin'i Titosy." - VM, t. 283 (np).

Vakio ny 2 Kor. 2:14-17. Nanao ahoana ny fihetseham-pon'i Paoly rehefa nihaona tamin'l Titosy tany Makedonia Izy ary nandre ny vaovao tsara momba ny fihetsiky ny Korintianina?

Tamim-pifaliana no nanambaran'i Paoly hoe: "Andriamanitra, (...) mitondra anay mandrakariva ao amin'i Kristy toy ny fanaon'izay avy nandresy" - 2 Kor. 2:14. Akory ny hakanton'izany fanambarana izany! Ny fo feno ny fanatrehan'i Kristy dia mampiely "ny hanitry ny fahalalana Azy eny tontolo eny" - 2 Kor. 2:14.

Mifaly ao amin'i Kristy i Paoly satria nitondra ny vokatra izay niriny indrindra ilay "epistily hentitra" (2 Kor. 7:5-9). Fandresena lehibe izany. Ankoatra izany, hamafisin'i Paoly indray ao amin'ny 2 Kor. 2:17, ny fahadiovam-pony amin'ny maha-apôstôly i Kristy azy (2 Kor. 2:17, 2 Kor. 1:12). Araka io andalan-teny io, ny mampiavaka ny mpanompo mahatokin'i Kristy amin'ny mpaminany sandoka dia izao: mitory ny filazantsara mba hahazoana tombontsoa ilay farany, fa ny voalohany kosa dia mitory ny Tenin'Andriamanitra amin'ny fo feno fitiavana marina an'i Kristy.

Inona no manesika anao amin'izay rehetra ataonao, indrindra rehefa manao izany amin'ny anaran'i Jesôsy ianao?

VM, toko 31, "Noraisina tamim-pankasitrahana ny hafatra".

"Ireo izay nizaka fahoriana lehibe indrindra no matetika mitondra fampiononana tsara indrindra ho an'ny hafa, ka mitondra tara-pahazavana na aiza na aiza alehany. Voadio sy manjary malemy fanahy ny olona toy izany noho ireo fitsapana nolalovany; tsy nanary toky izy ireo raha nisesy ny zava-tsarotra, fa vao mainka nifikitra tamin'Andriamanitra mpiaro sy tia azy. Ny olona toy izany dia porofo velona ny amin'ny fiahian'Andriamanitra antsika amim-pitiavana.

"Feno fahazavana sy fiononana ary fiadanana mandrakariva ny fiainana manokan'ny Kristianina manolo-tena. Fahadiovana, fahaiza-mifandray, fahatsorana, ary fahavononana hanampy, no mampiavaka azy. Ilay fitiavana tsy mitady ny azy no mitarika azy ireo sy manamasina ny hery miasa mangina avy aminy. Feno an'i Kristy ny fiainany, ary mamela hazavana eny amin'izay alehany rehetra." GAG, t. 122.

"Hitan'ny apostoly Paoly fa ilaina ny mananatra ireo izay manao fahadisoana eo anivon'ny fiangonana, saingy tsy nataony tamin'ny fihetseham-po tsy voafehy izany. Nohazavainy tamim-pitebitebena ny antony nanaovany izany. Tamim-pitandremana fatratra no niezahany hampiseho fa tsy fahavalon'ireo izay nanao fahadisoana izy tsy akory! Nataony tsapan'izy ireo fa nampahory azy fanomezany alahelo azy ireo, ary koa ny tombontsoany dia mitovy amin'ny an'izy ireo ihany." - SDABC, b. 6, .t. 1094.

FANONTANIANA hifanakalozan-kevitra

1. Ao amin'ny 2 Kor. 2:1-14 dia nohamafisin'i Paoly ny amin'ny fahadiovam-pony teo am-panaovany ny fanompoana. Nahoana no tena zava-dehibe tokoa izany toetra izany?

2. Inona no ambaran'ny fiovan'ny drafitry ny dian'i Paoly amintsika momba ny tokony hahaizana mandamina eo am-piatrehana ny zava-misy eo amin'ny fanompoana kristianina? Nahoana no zava-dehibe ny hoe vonona hiatrika fanovana rehefa ilaina izany?

3. Nanana tebiteby sy ahiahy i Paoly tao anatin'ny asa fanompoany. Maneho mazava izany fa olombelona ihany ireny mpitondra fivavahana ireny, ary zoim-pahoriana tahaka ny olon-drehetra. Inona no azon'ny mambran'ny fiangonana atao mba hanamora ny asan'izy ireo?

4. Niresaka momba ny nahatafandry ny fanahiny i Paoly (2 Kor. 2:13) taloha kelin'ny niresahany momba ny fandreseny ao amin'i Kristy (2 Kor. 2:14). Ahoana no nahafahany sady niresaka momba ny fahosany no niresaka momba ny heriny koa? Ary ahoana no ahafahantsika manao izany?

Hodinihina mandritra ny herinandro: 2 Kor. 3:1-9; 2 Kor. 4:7-18; 2 Kor. 5:11-15; Kol. 1:19-23; Efes. 2:13-16; 2 Kor. 6:11-7:1; 2 Kor. 7.

Tsianjery

"Voageja manodidina izahay, nefa tsy tery, very hevitra, nefa tsy mamoy fo, enjehina, nefa tsy nafoy, potraka, nefa tsy maty, mitondra ny fahafatesan'i Jesôsy mandrakariva ao amin'ny tena izahay, mba haseho ao amin'ny tenanay koa ny fiainan'i Jesôsy ." - 2 Kor. 4:8-10

Hitantsika tamin'ny herinandro fa niaro tena i Paoly, tao anatin'ny fahamasinana sy ny fahadiovam-po, manoloana ireo fiampangana azy ho miovaova hevitra sy tsy tia ireo Korintianina. Niasa mafy mandrakariva mantsy izy mba hahasoa indrindra ireo zanany ara-panahy. Misy famakafakan-kevitra iray natombony tao amin'ny 2 Kor. 2:12-17 izay zay mitohy ao amin'ny 2 Kor. 7. Raha nanao izany izy dia namakafaka momba ny endrika isehoan'ny tena fanompoana kristianina marina. Afaka misintona lesona maro avy amin'ireo hevitra aposak'i Paoly mahakasika izany isika.

Amin'ity herinandro ity, dia hojerentsika ny 2 Kor. 3-7, izay iresahan'i Paoly mikasika ny asa fanompoana ataony, dia ny famaboana fanahy ho an'i Kristy izany. Hoy i Ellen G. White: "Ny fiovam-pon'ny mpanota sy ny fanamasinana azy amin'ny alalan'ny fahamarinana no porofo miharihary fa voantso ho amin'ny asa fitoriana ny mpanompon'Andriamanitra iray. Voasoratra ao am-pon'ny olona niova fo ny antso natao taminy ho anisan'ny mpitory; hita taratra eo amin'ny toe-piainany izany, dia ny toe-piainana nanjary vaovao. Kristy no velona ao anatiny ho 'fanantenana ny voninahitra.' Rehefa miorina tsara eo amin'ny adidiny toy izany ny mpitory ny Filazantsara dia mahazo hery lehibe hanohana azy."- VM, t. 287.

*Famerenana ny lesona ny sabata 05 Septambra .