Lesona Sekoly Sabata H. ho avy

Hodinihina mandritra ny herinandro: 2 Kor. 10:1-17; Jer. 9:24; 2 Kor. 11:1-15, 22-28; 2 Kor. 12:20, 21; 2 Kor. 13:5.

Tsianjery

"Fa tsy avy amin'ny nofo ny fiadian'ny tafikay, fa mahery amin'Andriamanitra handrava fiarovana mafy."- 2 Kor. 10:4

Efa maro ny olana natrehin'i Paoly, nefa indro mbola nisy olana iray hafa indray tsy maintsy novahana: ireo mpampianatra sandoka tao amin'ny fiangonana. Nanohitra azy sy ny asany ary ny fanompoana nataony ireny olona ireny. Ary ratsy kokoa noho izany aza ny namilian'ireo mpampianatra sandoka ireo ny sain'ireo mambra tany Korinto. Nantsoin'i Pa oly hoe ady aга-panahy ny famahana izany olana izany.

Filaza masaka ve izany? Tsia. Fantatr'i Paoly fa tsy ny tenany no notoherin'ireo olona ireo fa i Kristy mihitsy. Tsy karazan'irony mpitarika tia tena irony i Paoly, izay tsy manana fanahiana afa-tsy izay mahakasika ny lazany, izany mantsy no mampanan-kery ny fahefan'izy ireo amin'ireo olom-peheziny. Fantatr'i Paoly fa miankina aman'aina ny hafatra nampitondraina azy, ary mandrakizay no vokatr'izany. Ary fantany koa fa Andriamanitra mihitsy no naniraka azy hítondra izany: "Paoly, voantso ho Apostolin'i Jesôsy Kristy noho ny sitrapon'Andriamanitra."- 1 Kor. 1:1.

Rehefa miresaka momba ny mpampianatra sandoka, dia tokony hanao asam-pitiavana nefa hentitra ny fiangonana, dia araka izay fahefan'ny Soratra Masina. Tsy maintsy tandrovana tsy ho voaloto ny hafatry ny Filazantsara, mba hanomezana fanantenana momba ny mandrakizay amin'ny fanahy maro.

*Famerenana ny lesona ny sabata 19 Septambra .

Vakio ny 2 Kor. 10:1-11. Heverin'ny olona ho fahalemena Indraindray ny fahamoram-panahin'i Paoly rehefa miresaka amin'ny Korintianina izy. Inona ny teny na fehezanteny ao amin'Ireo andalan-tSoratra Masina Ireo Izay maneho ny herim-pon'l Paoly amin'ny fiatrehana ireo olana mikasika ny mpampianatra sandoka tany Korinto?

Manomboka ny 2 Kor. 10 amin'ny firesahana momba ny tenany i Paoly: "Ary ny tenako izaho Paoly, dia mananatra anareo."- 2 Kor. 10:1. Izany no maneho fa nahavelona ahiahy azy ny fisian'ireo mpampianatra sandoka tafiditra tao amin'ny fiangonana. Mamerina ny teny fiampangan'ireo mpanohitra azy izy ao amin'ny 2 Kor. 10:1; nambaran'ireo fahavalony ireo mantsy fa lehilahy mahatahotra izy rehefa manoratra taratasy avy any lavitra saingy kanosa kosa rehefa miatrika mivantana ny olona (2 Kor. 10:10, 11). Novaliany fa izay toa heverina ho fahalemena dia tokony ho hita fa hamoram-panahy manan-danja sy fahalemem-panahy araka an'i Kristy.

Tsy maintsy atrehina amim-pahasahiana sy amim-patokisan-tena ny mpampianatra sandoka (2 Kor. 10:2) nefa tokony hiharo amin'izany koa ny hamoram-panahin'i Kristy (2 Kor. 10:1). Hoy i Jesosy indray andro: "malemy fanahy sady tsy miavona am-po Aho."-Mat. 11:29. Teo anatrehan'izany anefa, dia niteny mafy tamim-pahasahiana tamin'ireo mpanakalo vola tao amin'ny tempoly Izy ary nanjera ny latabatr'izy ireo sady niantso azy ireo hoe jiolahy (Mat. 21:12, 13). Nantsoiny koa hoe mpihatsaravelatsihy ireo Fariseo, ary teo imason'izy ireo no niantsoany azy ho fasana voalalotra fotsy (Mat. 23:23-27). Toa an'i Jesosy, dia fantatr'i Paoly koa fa ao anatin'ny ady ara-panahy isika, ady izay mitaky ny hampiasantsika ny fiadian'Andriamanitra (Efes. 6:12-17).

Manondro ny fiadian'ny miaramila ny teny ampiasain'i Paoly ao amin'ny 2 Kor. 10 satria iankinana aina izany ady izany (2 Kor. 10:3-6). Tsy ady eo amin'ny olombelona fotsiny izany fa adin'Andriamanitra mihitsy, mba hamaboana olona ho an'i Kristy. Araka izany, ny hevi-diso sy feno fandrantan-tena rehetra dia tsy maintsy atrehina ary torotoroina, araka ny Tenin'Andriamanitra, mba hahatonga ny fisainana rehetra ho babo ka "hanaiky an'i Kristy."- 2 Kor. 10:5.

Ao anatin'izany ady ara-panahy izany, dia miasa araka ny fahefana nomen'i Kristy azy i Paoly, fahefana izay mikendry ny fampiorenana fa tsy ny fandravana izany (2 Kor. 10:8). Mora ho an'ny mpitondra fivavahana ny milaza fa miasa araka ny fahefan'Andriamanitra izy, nefa tokony hotadidian'izy ireo fa i Kristy no manome azy ny fahefana ka tokony ho hita eo aminy araka izany ny hamoram-panahin'i Kristy sy ny fanetren-tenany. Ny fanambaran'i Paoly fa nomen'i Kristy fahefana izy dia vokatry ny fanahiany fandrao ireo Korintianina hihaino ny mpampianatra sandoka ka tsy hahatoky amin'i Kristy intsony.

Ahoana no hanehoantsika fahalemem-panahy sy fahasahlana manoloana Ireo mpamplanatra sandoka? Nahoana no tsy maintsy maneho Ireo toetra roa ireo Isika?

Hitantsika omaly fa noraisin'i Paoly sy ireo mpiara-miasa aminy ho toy ny ady ara-panahy ny fanompoany, ka nampiasa ireo fiadian'Andriamanitra izy ireo. Ho hitantsika anio fa miasa araka ny fepetran'olombelona ireo mpampianatra sandoka. Tsy araka ny tokony ho izy ny fireharehan'izy ireo, fa i Paoly kosa nirehareha noho ny amin'ny Tompo irery ihany. Hoy izy: "Fa izay mirehareha, dia aoka Jehovah no ho reharehany."- 2 Kor. 10:17.

Vakio ny 2 Kor. 10:13-17. Ahoana no mahatonga ny fifaninana hampidi-doza ho an'ny fitoriana ny filazantsara?

Nahaliana ireo mpanazava ny azava ny Soratra Masina nandritra ny taonjato maro ny fampiasan'i Paoly ny fiteny mitory fireharehana. Nefa ny fireharehana dia fanao mahazatra fahiny ary nisy fitsipika ara-piarahamonina nifehy izany mba tsy hanafintohinana ny mpihaino. Fantatr'i Paoly tsara izany fitsipika izany, ary narahiny. Ankoatra izany, dia nasehony mazava fa ny fireharehany dia miavaka amin'izay nataon'ireo mpampianatra sandoka. Nirehareha ny amin'i Jehovah izy (2 Kor. 10:17). Teny avy ao amin'ny TT izany: "Fa izay te-hirehareha dia aoka hirehareha amin'izao: Dia ny fahendreny sy ny fahalalany Ahy ho Jehovah, Izay manao famindrampo sy fitsarana marina ary fahamarinana ety ambonin'ny tany."- Jer. 9:23. Namerina izany andalan-teny ao amin'ny bokin'i Jeremia izany i Paoly mba hanehoany fa i Kristy no anton'ny fireharehany - ny fitiavan'i Kristy sy ny fahamarinany.

Raha lazaina amin'ny teny hafa, dia mifantoka amin'izay notanterahin' Andriamanitra ao amin'i Kristy ny fireharehan'i Paoly. Araka izany, fireharehana ara-Baiboly izany ka tsy mahatafintohina. Etsy ankilany kosa, ireo mpanohitra azy dia mifaninana aminy ka mifampitaha amin'ireo namany. Fahadalana tokoa izany! (2 Kor. 10:12).

Atsidik'i Paoly ao amin'ny 2 Kor. 10:14-16 fa ny fitoriana ny filazantsara no tena ifantohan'ny fanompoany, na tany Korinto izany na tany amin'ny toeran-kafa. Ny fitiavany an'i Jesosy no nanosika azy hiresaka mandrakariva momba ny vaovao mahafalin'ny famonjena, izay ao amin'ny fahafatesan'i Kristy sy ny Fitsanganany tamin'ny maty.

Tsy tahaka ireo mpampianatra sandoka tany Korinto izay nidera tena i Paoly, fa Andriamanitra no midera sy mankasitraka azy (2 Kor. 10:12, 18). Izy dia "voantso ho Apostolin'i Jesosy Kristy noho ny sitrapon Andriamanitra"- 1 Kor. 1:1. Nahatoky tamin'ny fiantsoana azy izy, mandrapaha-tapitry ny fofon'ainy (2 Tim. 4:7).

Avereno vaklana ny 2 Kor. 10:12-18. Ahoana no hisorohan'ny mpitondra fiangonana na koa ny mambra ny toe-tsaina tla mifaninana? Nahoana ny olona no mora variana amin-java-tsy misy heviny akory?

Ahitana fampitandremana marobe mikasika ny mpampianatra sandoka teo anivon'ny fiarahamonina kristianina ao amin'ny TV. I Jesôsy mihitsy aza no efa nampitandrina ireo mpianany ny amin'izany (Mat. 7:15-20). Nisintona ny saina ny amin'izany koa ireo apostoly (Gal. 1:6-9; 1 Tim. 6:3-5; 2 Pet. 2:1-3).

Vakio ny 2 Kor. 11:1-15. Ahoana no anehoan'i Paoly ny fihalkana atrehiny momba Ireo mpampianatra sandoka?

Mampiharihary ny asan'ireo mpampianatra sandoka i Paoly. Miaraka amin'izay no anehoany fa miorina amin'i Kristy ny fanompoany. Mampitaha ny fiangonana tao Korinto amin'ny ampakarina izy ka mandray ny tenany ho toy ny rain'izy ireo, ray izay manana andraikitra ny hanolotra azy ho an'i Kristy (2 Kor. 11:2). Izany no ataony dia noho ny fitiavany ny fiangonana (2 Kor. 11:11). Noho izany, dia nezahiny mihitsy aza izay tsy hahatonga azy ho vesatra ho an'ny fiangonana, na dia nanan-jo ny hahazo fanohanana ara-bola tamin'izy ireo aza izy (2 Kor. 11:7-12).

Etsy andanin'izany, ireo "Apostoly ambony indrindra ireo" (azo heverina fa manondro ireo mpampianatra sandoka izany) dia ampitahainy amin'ilay menarana izay namitaka an'i Eva (2 Kor. 11:3). Toa an'i Satana tao amin'ny sahan'i Edena, ireo mpampianatra sandoka tany Korinto dia sady mpamitaka no feno faharatsiana (2 Kor. 11:3, 4). Nampanahy an'i Paoly indrindra ny hitarihan'izy ireo ny Korintinina hania ka hiala amin'ny fanoloran-tena marina sy ny fanarahana an'i Kristy.

Nitory hafatra tsy tahaka izay notorian'i Paoly ireo mpampianatra sandoka - Jesosy hafa ary filazantsara hafa no notoriny (2 Kor. 11:4). Izany no mampiseho fa tsy fitaovana sy iraka ampiasain'Andriamanitra avokoa tsy akory izay rehetra mitory an'i Jesosy. Izao no nolazain'i Jesosy mikasika izany indrindra: "Tsy izay rehetra manao amiko hoe: Tompoko, Tompoko, no hiditra amin'ny fanjakan'ny lanitra, fa izay manao ny sitrapon'ny Raiko Izay any an-danitra."- Mat. 7:21. Ambaran'i Paoly ao amin'ny Gal. 1:6-9 fa izay rehetra mitory filazantsara hafa dia mitondra ozona ho an'ny tenany, kanefa ny sasany tamin'ireo mpino tany Korinto dia nandefitra manoloana ny fahadisoana tahaka izany.

Nampiharihary ireo mpampianatra sandoka i Paoly raha nilaza fa izy ireny dia "mpiasa mamitaka, ka dia mampiova ny endriny ho tahaka ny Apostolin'i Kristy."- 2 Kōr. 11:13. Niseho ho toy ny apostolin'i Kristy ireny, tahaka an'i Satana "mampiova ny endriny ho tahaka ny anjelin'ny mazava. Koa (...) ny mpanompony koa (...) mba mampiova ny endriny ho tahaka ny mpanompon'ny fahamarinana."- 2 Kor. 11:14, 15. Toe-javatra mahonena tokoa izany: mitonona ho mpanompon'i Kristy kanefa miasa toy ny mpanompon'i Satana. Mamarana io lohahevitra io i Paoly amin'ny filazana fa "ny farany ho araka ny asany ihany."- 2 Kor. 11:15.

Jereo ny fomba hentitra namaliany ny fahadisoana tao amin'ny fiangonana! Inona no tokony hambaran'izany amintsika?

Rehefa avy nanondro ireo mpampianatra sandoka ho mpanompon'i Satana (2 Kor. 11:1-15) i Paoly, dia "nanao araka" ny fanaon'izy ireo ka nanao fireharehana kely toy ny adala (2 Kor. 11:16-21) mba hahitan'ireo Korintianina fa fahadalana ny fihainoana ny lahatenin'ireo mpampianatra sandoka. Raha toa ireo Korintianina nanaja ireny, dia mendrika ny hohajain'izy ireo lavitra i Paoly. Ny fahoriana niaretany noho ny filazantsara no maneho fa mpanompon'i Kristy mahatoky izy (2 Kor. 11:22, 23).

Vakio ny 2 Kor. 11:22-28. Inona ny hevitra tiany havohitra eto?

Jiosy tahaka an'ireo mpampianatra sandoka ihany i Paoly (2 Kor. 11:22), saingy ny fanompoany an'i Kristy dia mihoatra noho ny azy ireo (2 Kor. 11:23). "Mpanompon'i Kristy va izy?" hoy izy, ary ny valiny dia hoe: "mihoatra noho izy aho." Be lavitra noho ny azy ireo ny asa mafy nataony, nampidirana am-ponja imbetsaka lavitra izy, ary nokapohina mafimafy kokoa noho izy ireo.

Tsy izany ihany anefa, fa anisan'ireo fijaliana niaretany ny fikapohana in-tsivy amby telopolo (2 Kor. 11:24), ny fikapohana tamin'ny hazo, ny fitoraham-bato, ny vaky sambo, ny fiatrehana loza tany amin'ny rano lalina (2 Kor. 11:25) sy tany am-pandehanana ary tany amin'ny ony, saika nahita loza tamin'ny jiolahy izy, saika nahita loza tamin'ny Jentilisa sy tany amin'ireo tanana be mponina, saika nahita loza tany an'efitra sy tany an-dranomasina ary teo amin'ireo mpino sandoka izy (2 Kor. 11:26). Teo koa ny fisasarany sy ny fikelezany aina, ny tsi-fahitany tory matetika, ny hanoanana sy ny hetaheta, ny fifadian-kanina matetika, ary ny hatsiaka sy ny fitanjahana (2 Kor. 11:27). Ary toy ny hoe tsy mbola ampy ireo ka tsy maintsy nianjadian'ny tebitebin-tsaina izy noho ny fanahiany lalina ny amin'ny fiangonana (2 Kor. 11:28).

Izay tena mpanompon'i Kristy marina ihany no vonona hiari-pahoriana toy izany noho ny amin'ny filazantsara. Raha tena nirehareha ny amin'ireo fijaliana niaretany i Paoly dia ho maro tokoa no azony nolazaina. Kanefa ny ampahany manaraka amin'ny epistily dia maneho ny anton'ny fireharehany, izay tsy miorina amin'ny asa nataony ho an'i Kristy fa amin'izay efa nataon'i Kristy ho azy. Fantatr'i Paoly fa miseho mazava kokoa ny herin'Andriamanitra ao amin'ny fahalemen'olombelona (2 Kor. 12:9, 10). Ny nanasian'Andriamanitra tsilo tamin'ny nofony (2 Kor. 12:7) dia fiarovana azy tsy hirehareha noho ny amin'ireo zava-bitany. Izany no nihazona azy hanetry tena, hahatsapa ny fahalemeny, hiantehitra amin'ny herin'Andriamanitra, ary nahatonga azy ho afaka handray bebe kokoa ny fahasoavan'Andriamanitra sy ny indrafony.

Efa niari-pahoriana noho ny amin'ny filazantsara koa ve ianao? Inona ny lesona no -tsoahinao avy amin'izany fanandramana izany? Ahoana no anampian'ny fomba niatrehan'l Paoly ny fahoriany anao manoloana ny fijallanao?

Nampahafantatra ny fiangonana momba ny famangiany azy ireo fanintelony i Paoly ao amin'ny 2 Kor. 12:14-13:10 (2 Kor. 12:14; 2 Kor. 13:1). Nasehony tamin'izany fa tsy latsaka noho ireo mpampianatra sandoka izy ary vonona ny ho any Korinto indray mba hamerina ireo mambra tsy mbola nibebaka. Raha ny marina dia izany mihitsy no anisan'ny antony namangiany azy ireo. Izay rehetra nataon'i Paoly sy nolazainy dia nokendreny mba hampiorenana ny fiangonana (2 Kor. 12:19).

Vakio ny 2 Kor. 12:20, 21. Inona ireo fahotana nampidi-doza ny flainana ara. panahin'ny flangonana tany Korinto?

Ireo fahotana voatanisa ao amin'ny 2 Kor. 12:20, 21 dia mitovy amin'ireo voatanisa any amin'ny epistily hafa nosoratan'i Paoly (Rôm. 1:29-31; Gal. 5:19-21). Ireo roa voalohany dia hita ao amin'ny 1 Kor. 3:3 izay iresahan'i Paoly momba ny fialonana sy ny fifandirana teo amin'ireo mambran'ny fiangonana tany Korinto. Natahotra izy fandrao hisy fiovana be ho amin'ny ratsy ho hitany amin'ny fotoana fahatelo hamangiany azy ireo. Hoy izy: "Fa matahotra aho, fandrao, rehefa tonga aho, dia hahita anareo ho toy izay tsy tiako"- 2 Kor. 12:20. Midika izany fa tsy mananatra azy ireo amin'ny "famoram-panahy sy ny fandeferan'i Kristy izy (2 Kor. 10:1) fa "vonona hamaly ny tsi-fanarahana rehetra"- 2 Kor. 10:6.

Nanahy mafy izy andrao tsy hibebaka ireo mambra izay latsaka tamin'ny "fahalotoana sy ny fijangajangana ary ny fijejojejoana" (2 Kor. 12:21). Ny fahotana toy izany anefa no nitarika fisarahana teo amin'ny fiangonana.

Manaraka izany, dia nifantoka tamin'ny anjara asan'ny famaizan'ny fiangonana i Paoly mba hanarina ireo tafalatsaka ao amin'ny fahotana (2 Kor. 13:1-4). Tsy fialan-tsiny ho an'ny fomba fiaina feno fahotana ny fahalemena, satria misy hery azo omena ireo izay maniry hanana fiainam-pandresena (2 Kor. 13:4). Ny fahotana momba ny fijangajangana nataon'ny sasany tamin'ireo tany Korinto dia porofo maneho fa tsy zava-misy teo amin'ny fiainan'izy ireo ny herin'Andriamanitra. Naniry ny hibebahan'izy ireo i Paoly ary koa ny hananany fanandramana mikasika ny hery izay mitaona hibebaka. Ny hanafay azy ireo no zavatra farany indrindra niriny hatao. Hoy izy: "mangataka amin'Andriamanitra izahay mba tsy hanao izay ratsy hianareo (...) fa ny mba hanaovanareo izay tsara (...) ary izao no angatahinay, dia ny fanatanterahana anareo."- 2 Kor. 13:7-9. Endrey izany vavaka! Mangataka azy ireo izy mba handini-tena hahitany raha toa mitoetra ao amin'ny finoana ny tenany na tsia.

Vakio ny 2 Kor. 13:5. Inona ny hevitry ny hoe mitoetra ao amin'ny finoana? Ahoana no hahalalanao raha toa lanao mitoetra ao amin'ny finoana?

Ellen G. White, "The Laodicean Church", t. 125, ao amin'ny The Advent Review and Sabbath Herald, 30 Septambra 1873.

"Miaro ny vahoakany tsy hamerina indray ireo fahadisoana tamin'ny lasa ny Tompo. Efa nisy mandrakariva ireo mpampianatra sandoka izay nijoro tamin'ny foto-pampianarana diso sy ny fanao tsy masina. Niasa tamin'ny foto-kevitra diso izy ireo, izay nataony tamin'ny fomba tsara sy manintona kanjo mamitaka; niasa mafy izy ireo mba hamitahana na dia izay voafidy aza, raha azo atao."-ARSH, 7 Janoary 1904.

"Irin'ny Tompo raha hozahan-toetra ny hevitsika, mba hahitantsika fa ilaina indrindra ny mandinika lalina ny Tenin'Andriamanitra velona, mba hahafantarantsika raha tena mitoetra ao amin'ny finoana isika na tsia. Maro amin'ireo mitonona ho mino ny fahamarinana no mipetraka amim-piadanana sy mihevitra hoe: 'Manan-karena sy efa nihary fananana be aho ka tsy manan-java-mahory."- CWE, t. 36.

"Mitoetra ao anatin'ny fahadisoan-kevitra ny olona na dia efa aseho azy mazava aza ny fahamarinana. Nefa tsy handeha ao amin'ny haizina sy ny fahajambana izy ireo, na hankamamy ny hevi-diso, raha toa ka manaiky hitondra ny fampianarany eo amin'ny tenin'Andriamanitra fa tsy hamaky izany araka ny fampianarany mba hanamarinany ny heviny. Maro no manazava ny Soratra Masina araka ny heviny manokana ka mamery ny tenany sady mamitaka ny hafa amin'ny fandikana diso ny hevitry ny Tenin'Andriamanitra. Amin'ny fo mietry no tokony handinihantsika ny Tenin'Andriamanitra. Aoka hailika izay mety ho fitiavan-tena rehetra sy ny faniriana te hiavaka. Aoka tsy hoheverina ho tsy mety diso ireo hevitra nofikirina sy nankamamiana hatry ny ela."- CWE, tt. 36, 37.

FANONTANIANA hifanakalozan-kevitra

1. Vakio indray ny 2 Kor. 10:1-6. Inona ny paik’ady ampiasain'i Paoly hiatrehana ireo "ady" ara-panahy ho an'ny fahamarinan'Andriamanitra? Ahoana no hampiharantsika izany eo amin'ny ady ara-panahy atrehintsika?

2. Ambaran'ny Baiboly fa mialoha ny hiavian'ny farany dia ho maro ireo mpampianatra sandoka hanao izay hialan'ny olona amin'ny fahamarinana. Inona no azon'ny fiangonanao atao mba tsy hahatonga ny mambra ho resy lahatr'ireo mpampianatra sandoka, izay mety ho ao anatin'ny fiangonana ihany aza? Nahoana izany no manan-danja indrindra ho an'ny fanatanterahana ny iraka nampanaovina ny fiangonana?

3. Nahoana i Paoly no nihevitra fa ilainy ny nirehareha ny amin'ireo fahoriana maro (2 Kor. 11:16-33). Ary inona ny hevitry ny hoe "mirehareha ny amin'i Jehôvah "?

4. Nahoana no zava-dehibe ny handinihan'ny mambran'ny fiangonana tena mba hahitany raha toa izy mitoetra ao amin'ny finoana na tsia (2 Kor. 13:5)? Inona ny fiovana haterak'izany?

Hodinihina mandritra ny herinandro: 2 Kor. 8:9; Rôm. 16:20; 1 Jao. 4:8-11; 2 Kor. 13:11; Fil. 2:1,2; Gal. 4:4-6.

Tsianjery

"Ho aminareo rehetra anie ny fahasoavan'i Jesôsy Kristy Tompo sy ny fitiavan'Andriamanitra ary ny firaisana amin'ny Fanahy Masina." -2 Kor. 13:14.

Ny 2 Kor. tamin'ny ofaranan'i Paoly ny fanasongadinana indray ireo hevitra fototra novelabelariny tao amin'ireo epistiliny. Tamin'ny alalan'ny baiko dimy no nanaovany izany (2 Kor. 13:11).

Ny baiko voalohany, «Mifalia», dia mampahatsiahy ireo andalan-teny teo aloha ao amin'ireo epistily.

Ny baiko faharoa, «aoka ho tanteraka hianareo», dia nadika avy amin'ny teny grika tokana (katartiző), izay hita eto sy ao amin'ny 1 Kor. 1:10.

Ny fahatelo, «mandraisa fampiononana», dia mamerina ny voalazan'ny 2 Kor. 1:3-7. Nanomboka sy namarana ny epistiliny faharoa tamin'ny fampiononana i Paoly. Mandray ny fampiononan'Andriamanitra isika mba hahafahan-tsika mampionona ny hafa (2 Kor. 1:4,6).

Ny baiko fahefatra sy fahadimy, «Miraisa saina, mihavana» (2 Kor. 13:11), dia antso ho amin'ny firaisan-kina. Ireo dimy ireo no fepetra hisian'ny fanatrehan'Andriamanitra, dia Ilay «Andriamanitry ny fitiavana sy ny fiadanana» (2 Kor. 13:11, ESV). Izany dia vokatry ny asan'Andriamanitra Telo Izay Iray ao am-pon'ny olombelona (2 Kor. 13:14).

Ny fahasoavana, ny fitiavana, ary ny firaisana dia vokatry ny asan'Andriamanitra Telo Izay Iray ho antsika. Ireo toetra kristianina telo ireo no miteraka rivo-piainana izay misy ny fanatrehan'Andriamanitra.