FAMPIDIRANA
Hodinihina mandritra ny herinandro: Eks. 19:1-20:17: Apôk . 21:3; Deo. 5:6-21; Jak. 1:23-25; Rôm. 3:20-24; Rôm. 10:4.
Tsianjery:
"Hianareo efa nahita izay nataoko tamin'ny Egyptiana sy izay nitondrako anareo tamin'ny elatry ny voromahery ary ny nampankanesako anareo ho aty amiko. Koa ankehitriny, raha hihaino ny feoko tokoa hianareo ka hitandrina ny fanekeko, dia ho rakitra soa ho Ahy mihoatra noho ny firenena rehetra hianareo; fa Ahy ny tany rehetra. Dia ho fanjaka-mpisorona sy ho firenena masina ho Ahy hianareo." - Eks. 19:4-6
Notarihin'Andriamanitra hankaiza ny zanak'lsiraely taorian'ny nanafahany azy ireo avy tany Egypta? Ho any amin'ny Tany Nampanantenaina - ho aiza moa ankoatra izany? Na dia marina aza izany valinteny izany eo amin'ny lafiny ara-jeografia, dia diso kosa izany raha ny teolojia no jerena. Andriamanitra mihitsy no namaly izany toy izao: "Hianareo efa nahita izay nataoko tamin'ny Egyptiana sy izay nitondrako anareo tamin'ny elatry ny voromahery ary ny nampankanesako anareo ho aty amiko." - Eks. 19:4. Araka izany, ny valinteny ara-Baiboly sy ara-teolojia ho an'izany fanontaniana izany dia maneho ny laharam-pahamehan'Andriamanitra sy ny tanjony: notarihin'Andriamanitra hankeo Aminy izy ireo.
Mitady ny olombelona Andriamanitra ary miantso azy ireo hiverina Aminy rehefa manalavitra Azy izy ireo. Tao amin'ny saha Edena no ohatra tsara indrindra maneho izany fahamarinana lalina izany, rehefa nanota tamin'i Jehovah i Adama sy i Eva ka tsy nankató ny baikony ary niafina tsy ho hitany. voalohany ary niantso hoe: "Aiza moa hianao?" Andriamanitra no nanao dingana vo - Gen. 3:9. Manao dingana voalohany mandrakariva Izy. Izao no fanambarana nataon'i Jesosy: "Mankanesa aty amiko, hianareo rehetra izay miasa fatratra sy mavesatra entana, fa Izaho no hanome anareo fitsaharana. Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an'ny fanahinareo hianareo." - Mat. 11:28,29.
Miantso antsika rehetra Andriamanitra, ary miankina amin'izay avalintsika ny anjarantsika mandrakizay.
*Famerenana ny lesona ny sabata 23 Aogositra.