"Izany voaloboka izany (...) voavoly tao amin'ny saha tsara teo amoron 'ny rano be izy mba handrantsana sy hamoa ka ho voaloboka tsara indrindra." — Ezek. 17:7,8.
Mofon’aina
Ny rafi-pandaminana mikasika ny ampahafolony dia napetrak' Andriamanitra ho toy ny fandaminana tsara indrindra hanam-piana ny olona amin'ny fanatanterahana ny foto-kevitry ny lalàna. Raha ankatoavina ny lalàna, dia hampitokiana ny olona ny tanimboaloboka iray manontolo (...).
Natao hiara-miasa amin' Andriamanitra ny olombelona amin'ny famerenana (...) ny tany marary ho amin'ny fahasalamana indray, mba ho fiderana sy ho voninahitry ny Anarany izany. Koa satria hamokatra ny harenany ny taniny, raha tantanina amin'ny fahaiza-manao sy fahitsiana, dia haneho ny toetran'Andriamanitra ny fon'izy ireo raha Andriamanitra no mifehy izany. (...)
Ao amin'ireo lalàna nomen' Andriamanitra mikasika ny fikara-karana ny tany, dia nanome fahafahana ny olona Izy handresy ny fitiavan-tenan'izy ireo ka hanana ny toe-tsain'ny lanitra. Ho tahaka ny Edena ho azy ny tany Kanana raha mankatà ny tenin' Andriamanitra izy (...). Tanimboaloboky ny Tompo ny tany, ary tokony hotandremana araka ny planiny.
Ireo izay miasa ny tany dia tokony hahatakatra fa manao asa fanompoana an'Andriamanitra. Tahaka ireo lehilahy izay notendrena hanao asa fisoronana sy ny asa mifandraika amin'ny tabernakely izy ireo eo amin'izany toerany izany. (...) — SDABC, b. 1, t. 1112.
Noho ny tsy fankatoavany an' Andriamanitra dia verin'i Adama sy i Eva i Edena, ary noho ny fahotana dia voaozona ny tany manontolo. Nefa raha manaraka ny fitsipika nomen'Andriamanitra ny vahoakany, dia ho tafaverina ho lonaka sy kanto ny taniny. Andriamanitra mihitsy no manome azy torolalana momba ny fikarakarana ny taniny, ary tokony hiara-miasa Aminy izy eo amin'ny fanorenana azy io. Amin'izay dia ny taniny manontolo eo ambanin'ny fanaraha-mason'Andriamanitra no ho tonga lesona azo tsapain-tanana ara-panahy ho an'ny firenena rehetra. Ny fankatoavana ny lalàna nataony teo amin'ny zavaboary dia nahatonga ny tany hanome ny hareny, dia toy izany koa fa ny fankatoavana ny lalàna ara-pitondrantena dia hahatonga ny fon' ny vahoaka hampiseho ireo lafin'ny toetra amam-panahin ' Andriamanitra. (...). - HF, tt. 293, 294.