"Efa nahazo maimaimpoana hianareo, koa manomeza maimaimpoana. " - Mat. 10:8.
Mofon’aina:
Nanolotra ny ainy ho anao i Jesosy. Toy ny zaza matoky tanteraka ny ray aman-dreniny, ary tsy manahy andrao hararaotina na anaovana tsy rariny izy, dia mahazo mitsahatra ao amin'Andriamanitra amin-toky tanteraka ianao fa ho sakaiza sy mpanampy anao Izy. (...)
Manana ny zavatra rehetra isika amin'ny alalan'i Kristy; raha tsy i Kristy dia tsy ho nanana na inona na inona afa-tsy fahantrana, fahoriana ary famoizam-po isika. Moa ye hamaly izany fitiavana izay natolotr'i Jesosy antsika izany isika? An'ny atao hoe zanak 'Andri amanitra ny zavatra rehetra. Inona indray moa no hirinao mihoatra noho izany? Raha tsy faly amin'izany lova izany ny Kristianina, dia tsy hisy na inona na inona mety hahafa-po azy. (...) Koa aoka isika hamerina amin'Ilay Mpanome izay rehetra takiny ho Azy. Aoka isika tsy handroba an'Andriamanitra. (...)
Ilay tia fatratra ny olona, hany ka nilaozany ny fonenany feno fahasambarana sy ny seza fiandrianany maha mpanjaka Azy, ary nanetry tena Izy ka tonga olombelona nefa Andriamanitra, dia nanome antsika famantarana tsy azo lavina ny amin'ny fitiavany sy ny tombambidy omeny ny olona. Miantso antsika Izy handinika ny lanjan'ny fanahy, hampitaha ny tombony eto an-tany sy ny fatiantoka any an-danitra, ny fahombiazana ara-nofo sy ny fahaverezana mandrakizay. (...)
Mampitodika ny fijerinao hiala amin'ny tany ho any an-danitra Kristy. Manasa anao Izy hamory harena any ambony. (...) Hanao toy izao ye ianao eo am-panolorana ny fanatitrao ho an'Andriamanitra: «Fa avy aminao ny zavatra rehetra, ary tamin'ny Anao ihany no nanomezanay Anao»? (...) Ny fananana rehetra mety homenao dia tsy hahavidy ny famonjena anao. Tsy maintsy manolotra ny tenanao ianao. Raha milefitra amin'ny fitakian'ny Mpamonjy sy ny hery miasa mangina avy Aminy ianao, dia ho toy ny sampana mamoa be eo amin'ny tena voaloboka. Ho hita eo aminao ny vokatry ny Fanahy. (...) Miangavy anao aho: vorio any an-danitra ny harenao amin'ny alalan'ny fampiasana ny fananan'ny Tompo hampandrosoana ny asany et, an-tany. (...) Alamino ny kaontinao any an-danitra. – L, 65, 1884.