August 2026

Kristy Ilay Mpamonjy mahery.

"Fa isika tsy manna mpisoronabe izay tsy mahay miara-mitondra ny fahalementsika, fa Izay efa nalaim-panahy tamin 'ny zavatra rehetra tahaka antsika, kanefa tsy nanana ota." Heb. 4:15. 

Mofon’aina:

Lesona 11 : FITANDREMAM-PANANA SY IRAKA - Fampidirana.

Hodinihina mandritra ny herinandro: 2 Kor. 8-9; Jao. 3:16; Jao. 17:5; Lio. 9:58; Apok. 13:8; Rôm. 12:8; Rom. 15:26,27.

Tsianjery

"Fa fantatrareo ny fahasoavan'i Jesôsy Kristy Tompontsika, fa na dia nanan-karena aza Izy, dia tonga malahelo noho ny aminareo, mba hampanan-karena anareo ny alahelony." - 2 Kor. 8:9.

Lesona 10 : NY TENA FANOMPOANA KRISTIANINA - Fiononana sy alahelo.

Vakio ny 2 Kor. 7. Nanao ahoana ny fihetsehampon'i Paoly raha reny fa nibebaka Ireo Korintianina?

Fitiavan-dehibe tokoa no fonosir'ny teny hoe: "ao am-ponay hianareo"- 2 Kor. 7:3; jereo koa ny 2 Kor. 6:11. Izao koa no nolazain'i Paoly noho ny faniriany lalina ny hamaliana fitia izany fitiavany izany: "Ataovy omby anay ny fonareo"- 2 Kor. 7:2. Tsy ahitana ny teny hoe "ao am-ponareo" ao amin'ny lahatsoratra grika, nefa maro ireo dikanteny manampy izany, ary tsy diso izany satria manohana azy ny tontolon-kevitry ny lahatsoratra.

Lesona 10 : NY TENA FANOMPOANA KRISTIANINA - Antso ho amin’ny fahamasinana.

Manohy mandrisika ireo Korintianina mba hihavana amin'Andriamanitra i Paoly ao amin'ny 2 Kor. 6:3-10. Mitanisa fahoriana sy fandresena maro izy mba hanehoana ny hevitry ny hoe mpanara-dia an'i Kristy sy mpanompon'Andriamanitra. Raha fintinina, dia mitanisa ireo toe-java-tsarotra izy (2 Kor. 6:4, 5), ireo toetra tsara sy mendrika (2 Kor. 6:6), ny fitaovana ilaina ho amin'ny fanompoana (2 Kor. 6:7) ary ny zava-tsarotra sy ny toe-javatra samihafa atrehina eo amin'ny fanompoana (2 Kor. 6:8-10).

Lesona 10 : NY TENA FANOMPOANA KRISTIANINA - Fahoriana sy voninahitra.

Vakio ny 2 Kor. 4:7-18. Ataovy lisitra ireo fahoriana niaretan'l Paoly. Ahoana no nahafahany niaritra Izany rehetra Izany?

Hoy i John Huss, ilay mpanavao fivavahana lehibe tany Bohême fahiny, momba an'i Jesosy: "Manjaka amin'izao tontolo izao Izy, ary isika kosa olona mety maty sy fadiranovana nefa Izy niari-pijaliana! Nahoana kosa ary isika no tsy hijaly koa, indrindra raha ho fanadiovana antsika ny fijaliana?"- HM, tt. 105, 106, пр.

Lesona 10 : NY TENA FANOMPOANA KRISTIANINA - Ny vokatry ny fanompoana tena izy.

Vakio ny 2 Kor. 3:1-9. Ahoana no hahatonga antsika ho epistilin'i Kristy?

Fahita matetika teo amin'ny tontolo grika-romanina ny taratasy fanamarinana. Na izany aza, dia tsy nitondra taratasy toy izany i Paoly. Ny herin'ny Fanahy Masina izay nanova ny fiainan'ireo Korintianina no porofo fa tena marina ny fanompoany. Kanefa fantatr'i Paoly tsara fa tsy noho ny fahendreny na ny ezaka nataony no nampiorina ny fiangonana tao Korinto (2 Kor. 3:4-6). Tsy nitady hanandratra ny tenany izy (2 Kör. 3:5; 1 Kor. 2:2).

Lesona 10 : NY TENA FANOMPOANA KRISTIANINA - Fampidirana.

Hodinihina mandritra ny herinandro: 2 Kor. 3:1-9; 2 Kor. 4:7-18; 2 Kor. 5:11-15; Kol. 1:19-23; Efes. 2:13-16; 2 Kor. 6:11-7:1; 2 Kor. 7.

Tsianjery

"Voageja manodidina izahay, nefa tsy tery, very hevitra, nefa tsy mamoy fo, enjehina, nefa tsy nafoy, potraka, nefa tsy maty, mitondra ny fahafatesan'i Jesôsy mandrakariva ao amin'ny tena izahay, mba haseho ao amin'ny tenanay koa ny fiainan'i Jesôsy ." - 2 Kor. 4:8-10

Lesona 9 : FANOMPOANA ASESIKY NY FITIAVANA - Fianarana fanampiny.

VM, toko 31, "Noraisina tamim-pankasitrahana ny hafatra".

"Ireo izay nizaka fahoriana lehibe indrindra no matetika mitondra fampiononana tsara indrindra ho an'ny hafa, ka mitondra tara-pahazavana na aiza na aiza alehany. Voadio sy manjary malemy fanahy ny olona toy izany noho ireo fitsapana nolalovany; tsy nanary toky izy ireo raha nisesy ny zava-tsarotra, fa vao mainka nifikitra tamin'Andriamanitra mpiaro sy tia azy. Ny olona toy izany dia porofo velona ny amin'ny fiahian'Andriamanitra antsika amim-pitiavana.