Lesona Sekoly Sabata H. lasa

Hodinihantsika mandritry ny  herinandro: Fil. 1:1-18; 1 Kôr. 13:1-8; Jer. 17:9; Kol. 1:1-12; 1 Pet. 1:4; Sal. 119:105; Isa. 30:21. 

Tsianjery: Any matoky indrindra aho fa izay nanomboka asa tsara tao anatinareo no hahatanteraka izany mandra-pihavininy andron'i Jesôsy Kristy." - Fil. 1:6 

Ninian'i Paoly natomboka tamin'ny teny fiarahabana sy fisaorana ny epistily nosoratany. "Mamangy ny olona masina any Kolosia, dia ny rahalahy mahatoky ao Kristy: ho aminareo anie ny fahasoavana sy ny fiadanana avy amin'Andriamanitra Raintsika. Misaotra an'Andriamanitra, Rain't Jesosy Kristy Tompontsika, izahay amin'ny fangatahanay mandrakariva ho anareo." - ô61. 1:2,3.

Tahaka an'i Paoly, dia maro koa nyzavatratokonyhahavelom-pisaorana antsika. Efa niaina fanandramana lalina maro mikasika ny fahasoavan'Andriamanitra isika, tamin'ny fomba izay na ny anjely aza dia tsy afaka ny hahatakatra azy. Tahaka izany koa ny amin'ny fiadanana (na fihavanana) avy amin'Andriamanitra, izay sady mampihavana antsika Aminy no manome antsika fanantenana avy amin'ny Fitiavany.

Afaka manome sy maneho fitiavana amin'ny hafa isika, amin'ny maha olona antsika, ary manantena fa hankasitraka ny zavatra ataontsika ho azy izy ireo. Ny ray aman-dreny dia mivavaka mba ho tia an'Andriamanitra ny zanany ary koa hankasitraka any aoriana any, raha toa tsy amin'izao fotoana izao, ny fahafoizan-tena lehibe nataony mba hanome ny fitaizana tsara indrindra azony atolotra azy. Amin'ny maha-olona antsika anefa, dia manao fahadisoana marobe isika ary mandray lesona avy amin'izany (na hoe tokony handray lesona avy amin'izany farafahakeliny).

Hodinihintsika mandritra ity herinandro ity ny teny fanombohana feno fisaorana sy ny vavaka nataon'i Paoly ao amin'ny epistily nosoratany ho an'ny Filipianina sy ny Kolosianina, izay mety hanatsara kokoa sy hampahatanjaka ny fiainam-bavatsika. 

Hodinihina mandritra ny herinandro: Fil. 1:19-30; 1 Kôr. 4:14-16; 2 Kôr. 10:3-6; Jao. 17:17-19; Mika 6:8; Asa. 14:22.

Tsianjery: "Fa Kristy no anton'ny ahavelomako, ary ny fahafatesana no ahazoako tombony."–Fil. 1:21.

Fizaràna Sabata Hariva 

Manoloana ny fahafatesana dia rentsika matetika hoe: «fiainana daholo izany». Diso izany. Mifanohitra amin’ny fiainana, fahavalon’ny fiainana, ny fahafatesana. Tsy nohariana niaraka tamin’ny fahafatesana ny fiainana, tahaka ny fiara tsy misy pepo na fahasimbana raha vao namboarina. Asongadin’i Paoly tsara fa “mba handringanany amin’ny fahafatesana ilay manana ny herin’ny fahafatesana, dia ny devoly, ary mba hanafahany izay rehetra nandany ny fiainany rehetra tamin’ny fahandevozana noho ny tahotra ny fahafatesana” no nahafatesan'i Kristy. – Heb. 2:14,15.

Na vonona ho faty ho an’i Kristy aza i Paoly, dia natoky ny amin’ny hoaviny izy. Ny zava-manan-danja indrindra ho azy dia ny manome voninahitra an’i Kristy, na amin’ny fiainany na amin’ny fahafatesany, ary ny mitory ny filazantsara amin’ny olona betsaka araka izay azo atao. Inoana fa izany no anisan’ny antony ananantsika epistily marobe mitondra ny anarany. Nahakasika olona sy toerana maro izy tamin’ny alalan’ny asa sorany, anisan’izany ireo toerana izay tsy mbola notsidihiny mihitsy.

Fohy ny fiainana, ary tena zava-dehibe ny hilofosantsika mafy indrindra ho fampandrosoana ny fanjakan’Andriamanitra mandritra ireo taona omen’Andriamanitra antsika. Ampahany lehibe amin’izany asa izany ny fandrisihana ho amin’ny “firaisan’ny finoana”. Araka ny ho hitantsika manomboka amin’ity herinandro ity, io lohahevitra io no antony lehibe iray nanoratan’i Paoly ho an’ny Filipianina.