"Ary lazaiko aminareo koa: Raha misy roa aminareo mifanaiky eto ambonin'ny tany na amin 'inona na amin 'inona ka hangataka izany, dia ho azony avy amin'ny Raiko Izay any an-danitra izany. Fa na aiza na aiza no iangonan 'ny roa na telo amin 'ny anarako, dia ao afovoany Aho. " Mat. 18:19,20.
Mofon’aina:
Nanome toky ny Tompo fa raha misy roa na telo miangona amin'ny anarany, dia ho eo afovoany Izy. Handray ny hosotry ny Fanahy Masina ireo izay mivory mba hivavaka. Ilaina tokoa ny vavaka mangina, nefa ilaina koa ny fiangonan'ny Kristianina maro mba hiombom-bavaka, haneho ny fangata-hany amin'Andriamanitra amim-pahatsoram-po. – RH, 30 Jona 1896.
Ataovy izay rehetra azonao atao hampisokatra lalandava ny firaisan'ny fanahinao amin' i Jesosy. Hararaoty ny fotoana rehetra azonao hankanesana any amin'ny fitoerana anaovana fotoam-pivavahana. Izay tena mitady firaisana marina tokoa amin'Andriamanitra, dia ho hita ao amin'ny fotoam-pivavahana, ka handray anjara amin'izany, sady maniry indrindra hanovo ny soa rehetra mety ho azo avy amin' izany. (...). – DHK, t. 112.
Mba hifampahatanjahantsika no anton'ny fivoriantsika, hifanakalozan-tsika hevitra, hifampizarantsika ny fihetseham-pontsika, hanovozantsika hery sy fahazavana ary zotom-po, avy amin'ny fifampizarana ny fanantenana sy ny hetahetam-po. Ary hahazo famelombelomana sy faherezana avy amin' Ilay Loharanonlny herintsika isika, amin'ny alalan'ny vavaka mafana sy vokatry ny fo ataontsika amim-pinoana. Tokony ho sarobidy indrindra ireny fotoam-pivoriana ireny. (...)
Tsy mitovy ny fanandramana ara-pivavahana ananan' ny olona rehetra. Kanefa mivory izy ireo, izay samy manana ny andraikiny avy, ka mifampizara ny traikefany amim-pahatsorana sy fanetren-tena. Izay rehetra to hanana fiainana kristianina dia tokony ho efa manana, ary hanana, fanandramana velona, vaovao sy mahaliana, miaraka amin 'Andriaman itra. Ireo fitsapana isan'andro, tolona, fakam-panahy, ezaka mafy sy fandresena, ary fiadanana sy fifaliana lehibe azo amin'ny alalan' i Jesosy, izany no mandrafitra ny fanandramana velona. Ny fizarana izany fanandramana izany fotsiny dia mitondra fahazavana, hery, ary fahalalana ho an'ny hafa, izay hanampy azy eo amin'ny fandrosoany ara-panahy.
Beazo ny sainao ho tia ny Baiboly, ho tia ny fivoriam-bavaka, ho tia manokana ora handinihan-tena, ary ambonin'izany rehetra izany ny manokana ora iraisan' ny fanahy amin'Andriamanitra. – TFC, b. 2, t. 268.