Vakio ny Gen. 19:1-29. Inona ny vokatry ny toe-tsaina mandray vahiny sy be fitiavana nasehon'i Abrahama ary ny vavaka nataony?
octobre 2023
Vakio ny Gen. 18:23-32 sy Jak. 5:16. Inona no tokony hambaran'izany amintsika momba ny herin'ny vavaka fanelanelanana?
Vakio ny Gen. 18:16-33. Ahoana no nanehoan'i Abrahama ny fitiavany ny olona rehetra ka tsy nanavahany foko na firazanana na nizahany tavan'olona?
Ny toetra tsara faharoa nananan'i Abrahama, hita ao amin'ny Gen. 18, dia ny fitiavany ny olona, na dia ireo izay tsy fantany manokana aza. Lesona lehibe ho antsika tsirairay izany. Mpanota ireo mponin'i Sôdôma sy Gômôra, lavitra tanteraka amin'ny fahalalany ny atao hoe tsara, kanefa feno fitiavana ny olona rehetra ny fony. Tsy nanavakavaka izy na firazanana, na lahy, na vavy, na fiteny, na fivavahana.
Vakio ny Gen. 18:1-15. Inona avy ireo toetra maneho havana mampiantrano vahiny hita teo amin'ny fihetsik'i Abrahama tamin'ireo vahininy?
Nafana ny andro, ary nipetraka teo am-baravaran'ny lainy i Abrahama. Tsy mahazatra io fihetsika io. Tamin'izany andro izany, rehefa fotoam-pahavaratra, amin'ny mitataovovonana, dia mitady fialokalofana sy tso-drivotra mangatsiatsiaka ny olona rehetra. Saingy angamba niaritra ny hafanana teo i Abrahama mba hanampy raha sendra misy olona mandalo eo?
Hatrany am-boalohany dia naniry ny hampiasain'Andriamanitra hanatanteraka iraka i Abrahama. Hita tokoa ny fahamarinan'izany ao amin'ny Gen. 18 ohatra, rehefa nampahafantatra azy izay hanjo an'i Sôdôma sy Gômôra Andriamanitra. "Tsy manao na inona na inona tokoa Jehôvah Tompo, raha tsy milaza ny heviny amin'ny mpaminany mpanompony. " — Amô. 3:7. Ary i Abrahama no "mpaminany mpanompony" ao amin'ny tantaran'i Sôdôma sy Gômôra.
Vakio ao amin'ny boky Vavolombelon'ny Mahery: "llay iraka lehibe" tt. 25-32, sy "Mpikatsaka ny fahamarinana" tt . 117 -125 .
Vakio ny Asa. l:8. Inona ny foto-kevitra nasehon'i Jesôsy mikasika ny fanaovana asa fitoriana na fijoroana ho fafolombelona amin'izao tontolo izao?
Maneho amintsika ny tokony ho fomba fiasantsika amin'ny maha-mpianatr'i Kristy antsika, izay natao hizara ny vaovao mahafaly amin'ny hafa, io foto-kevitra napetrak'i Jesôsy io.
Tsy fandresena lahatra ny hafa ny amin'ny fahadisoany no atao hoe mitory ny fahamarinana fa ny mitory an'i Jesôsy araka ny anoritsoritana Azy ao amin'ny hafatry ny anjely telo ao amin'ny Apôk. 14:6-12.
Vakio ny Asa. 8:1-4. Tao amin'ny fiantonana voalohany, inona no nahatonga ny fielezan'ireo mpino ka nialany tamin'ny toerana nahazatra sy nampiadana azy?
Tamin'io fotoana io dia mbola teo Jerosalema (teo amin'ny tanin'ny Jiosy sy teo anivon'ny vahoaka Jiosy) no nisy ny fiangonana voalohany ankapobeny. Rehefa tonga ny fanenjehana, niaraka tamin'ny fandraisan'i Paoly anjara mavitrika tao anatin'izany, dia niely hatrany Jodia sy Samaria ny fiangonana tao Jerosalema.
Araka ny antson'Andriamanitra dia nidiha tao amin'ilay tany nasain' Andriamanitra nalehany i Abrahama. Vao tany am-piandohana anefa dia toa ratsy ny fandehan-javatra ho azy, Tonga tany amin'ilay toerana nolazain'Andriamanitra tokoa izy, saingy araka ny Baiboly, "ny Kananita no tompon-tany tany Kanana fahizay" - Gen. 12:6 - dia mpanompo sampy nalaza noho ny halozany sy ny herisetrany. Tsy mahagaga raha niseho tamin'i Abrahama Andriamanitra raha vantany vao tonga tao izy, ka nanao hoe: "Ny taranakao no homeko ity tany ity." - Gen. l2:7.