Vakio ny "Lovan-tsofina" (Toko 42), "Fefy narodana" (Toko 43) ary "Ny tena famantarana" (Toko 44) ao amin'ny IFM.
"Eo anivon'ny mpanaraka ny Tompontsika ankehitriny, tahaka ny fahiny, dia manao ahoana ny fiparitak'io fahotana saro-pantarina sy mamitaka io. Impiry ny fanompoantsika an'i Kristy, ny fifandraisantsika samy isika no voaloton'ny faniriana miafina hanandratra ny 'izaho', sy ny faniriantsika mafy hoderain'ny olombelona. Ny fitiavana ny Izaho, ny faniriana fomba mora kokoa noho izay notendren'Andriamanitra no mitarika ho amin'ny fanoloana ny fitsipik'Andriamanitra, ho amin'ny hevitra noforonin'ny olombelona sy ny Iovan-tsofina. Nataon'i Kristy ho an'ny mpianany ny teny fampitandremana hoe: Mihevera, ka mitandrema hianareo, fandrao azon'ny masirasiran'ny Fariseo.'
Fahadiovam-po ny fivavahan'i Kristy. Ny firehetam-po ho an'ny voninahitr'Andriamanitra no anton-javatra novolen'ny Fanahy Masina; ary ny tena asan'ny Fanahy ihany no afaka hamboly io anton-javatra manosika io. Ny herin'Andriamanitra ihany no afaka mandroaka ny fitadiavana ny tombon-tsoan'ny Izaho' sy ny fihatsarambelatsihy. lo fiovana io no mariky ny asany. Rehefa mamono ny fitiavan-tena sy ny fizahozahoana ny finoana, rehefa mitarika antsika ny voninahitr'Andriamanitra fa tsy ny an'ny tenantsika, dia fantatsika fa ara-dalàna ny zavatra rehetra. 'Ray Ô, mankalazà ny anaranao, izany no feo hirindran'ny fiainan'i Kristy, ary raha manaraka Azy isika, dia izany koa no feo hirindran'ny fiainantsika. Mibaiko antsika Izy `handeha toy izay nandehanany koa'; ary izao no ahafantarantsika fa mahalala Azy isika, dia ny fitandremana ny didiny.' - 1 Jao. 2:6,3." - IFM, tt. 437-438.
FANONTANIANA hifanakalozan-kevitra:
1. Inona ny fomba fanao kristianiria hitanao fa manampy amin'ny fiarovana ny fo hadio?
2. Iza ireo olona "maloto" ao amin'ny fiarahamonina misy anao? Inona no azonao atao mba hanintonana azy ireo hankeo amin'ny filazantsara?
3. Eritrereto ao amin'ny kilasinareo ny zavatra azonareo atao mba hampiroboroboana ny fizarana ny filazantsara amin'ny mpiray vodirindrina aminareo amin'ny fomba tsotra.
4. Vakio ny Mar. 8:1-10, ny namahanana ireo vahoaka tokony ho 4000. Manova zavatra eo amin'ny fandraisana ny hevitr'ireo andalan-teny ireo ve ny maha-jentilisa ireo vahoaka ireo? Nahoana izany no tsy tokony hanova zavatra?
5. Ahoana no hiarovantsika tena amin'ny faniriana hanandra-tena ao anatintsika izay toa mandeha ho azy noho ny maha-voary lavo antsika?