"Ry malala, aoka hifankatla isika; fa a nin'Andriamanitra ny fitiavana, ary izay rehes tia no naterak Andriamanitra sady mahale an 'Andriamanitra."- 1 Jao. 4:7.
Araka ny fomba fijery kristianina dia hery ny fitiavana. Tafiditra ao anatin'izany foto-kevitra izany ny hery ara-tsaina sy ny hery ara-panahy.
Miavaka amin'ny fahombiazany manao ny tsara ny fitiavana madio, ary tsy mahay manao afa-tsy ny tsara izy. Misoroka ny fifandirana sy ny fahantrana izany ary mitondra fahasambarana marina. Matetika ny harena no mandrisika ho amin'ny kolikoly sy ny fanimbana; ary ny tanjaka manosika ho amin'ny herisetra; fa ny fitiavana madio kosa no tompon'ny fahamarinana sy ny fahatsarana.
Tsy azo ampahantraina izay olona mihavana tsara amin'Andriamanitra sy ny mpiara-belona aminy. Tsy hisy fialonana ao am-pony, tsy hanan-toerana ao ny hevi-dratsy, tsy mety hisy ao ny fankahalana. Misandratra ambonin'ny fahasorenana sy ny zava-manahirana eto amin'izao fiainana izao ny fo mifandrindra amin' Andriamanitra.
Tsy maintsy hongotana hatramin'ny fakany izay rehetra nambolen'i Satana ao am-po- ny fitsiriritana, ny fialonana, ny fisainan-dratsy, ny fitenenan-dratsy, ny tsy faharetana, ny fitsaratsaranaivelany, ny fitiavan-tena, ny fieremana ary ny avonavona. Raha avela hitoetra ao amin'ny fanahy ireny zava-dratsy ireny dia hitondra voa izay handoto olona maro. O, firifiry moa ireo mikolokolo zava-maniry misy poizina ka mamono ny voa sarobidin'ny fitiavana ary koa mandoto ny fanahy!
Ilay fitiavana mikoriana avy ao am- pon'i Kristy irery ihany no manasitrana. Ilay Tokana ikorianan'izany fitiavana izany ihany, tahaka ny ranon-kazo ao anatin'ny hazo, sy ny ra ao anatin'ny vatana, no mahay manasitrana ny ratram-panahy.
Manana hery mahagaga ny fiasan'ny fitiavana, satriaavyamin' Andriamanitra izany. Ny valinteny mora izay "mampianina ny fahatezerana mafy", ny fitiavana izay "mahari-po sady mora fanahy" ary "manarona fahotana maro"- Ohab. 15:1; 1 Kor. 13:4; 1 Pet. 4:8 raha hianarantsika ireo lesona ireo, dia ho lehibe manao ahoana re ny hery manasitrana hananantsika e! Ho hafa tokoa ny fiainana ka hanjary fanandramana ny lanitra sahady ny tany!-MLT, t. 179.