«Mba hamantaranareo izay zavatra tsara indrindra, mba ho madio am-po ary tsy hanan-tsiny ho amin'ny andron'i Kristy hianareo, sady feno ny vokatry ny fahamarinana, izay avy amin'ny alalan'i Jesosy Kristy, ho voninahitra sy fiderana an 'Andriamanitra.» - Fil. 1:10,11.
Mofon’aina:
Tsy manasa ny voariny voafetra hanatanteraka zavatra izay tsy ho vitany velively ny Tompo. (...) I laintsika indrindra ny hanana hery avy amin'ny fiainana ambony, madio, sy mendrika kokoa. Tokony ho feno fifaliana masina ny vahoakan' Andriamanitra, mba hisy fahazavana hamirapiratra avy aminy, hanazava ny lalan'ny hafa. (...) Ny voninahitr'Andriamanitra dia miseho amin'izay mifandray Aminy, lzay loharanon'ny hery.
Kely no fantatsika momba ny fiadanana sy ny fahasambarana ary ny fifaliana any an-danitra. Mila mahomby kokoa isika. Aoka handray ny ranon' aina avy amin'i Kristy isika, mba ho loharano miboiboika ao anatintsika izany, hamelombelona izay rehetra mfanerasera amintsika.
Nanome toky isika, teo amin'ny batisantsika, fa hanapaka tanteraka ny fifandraisana amin'i Satana sy ny forongony, ary hanolotra ny fo, ny saina, ary ny fanahintsika ho amin'ny asa fanitarana ny fanjakan'Andriamanitra. Miasa ho fanatrarana izany tanjona izany ny lanitra manontolo. Nanome toky ny Ray, ny Zanaka, ary ny Fanahy Masina fa hiara-miasa amin'ny olombeiona nohamasinina. Raha mahatoky amin'ny voadintsika isika, dia hivoha ho antsika ny varavaram-pifandraisana amin'ny lanitra, izay tsy misy maharindrina azy (...)
ho an' izay rehetra mino ny fahatanterahana ara-pitondran-tena sy ara-panahy, amin'ny alalan'ny fahasoavana sy ny herin'i Kristy. Mila mangataka ny fanampian' i Kristy isika, isaky ny indray mandingana. lzy no ohatra tokony harahintsika eo am-panefena ny toetrantsika. Mangataka antsika hiasa Izy, fa tsy hiteny fotsiny; hoy Izy: "Aoka hazava eo imason'ny olona toy izany koa ny fahazavanareo, mba hahitany ny asa soa ataonareo ka hankalazany ny Rainareo Izay any an-danitra. " —Mat. 5:16.
I Kristy no loharanon'ny fahazavana, loharanon'ny fiainana. (...) Tiany ho tonga tanany ankavanana ny olombelona, rehefa avy nodiovina sy nohamasinina. Mitondra antsika ho eo amin'ny seza fiandrianan' Andriamanitra lzy ary omeny eo am-bavantsika ny vavaka tokony hatao. Rehefa iainantsika io vavaka io, dia mifandray ety amin'i Kristy isika; mifandray amin'ny heriny velona isika isaky ny indray mandingana. RH, 17 Mey 1906.