"Aza tia izao tontolo izao, na izay zavatra eo amin'izao tontolo izao. Raha misy olona tia izao tontolo izao dia tsy ao anatiny ny fitiavana ny Ray." - 1 Jao. 2:15
Mofon’aina:
Ireo milaza fa mahalala ny fahamarinana sy mahatakatra ny -I asa lehibe tokony hatao amin'izao fotoana izao dia tsy maintsy manokana ny momba azy ho an'Andriamanitra (...) Aoka izy ireo hiavaka amin'ny fironan'izao tontolo izao sy ny fanaony eo amin'ny fitiavany, ny fiakanjony, ny fiteniny ary amin'ny lafim-piainany rehetra. Tsy ny fitafiany no mampiavaka azy ireo, fa noho izy vahoaka manokana sy masina, dia tsy azony atao ny mitafy ny fitoviana amin'izao tontolo izao.
Amin'ny maha vahoakan' Andriamanitra antsika, dia tokony hamboatra ny lalan' i Jehovah isika. Ny fahaiza-manao rehetra nomen' Andriamanitra antsika dia tsy maintsy ampiasaina amin'ny fanomanana ny olona hanahaka an' Andriamanitra, araka ny famolavolany (...), mba hahatonga azy hahafahatra amin'izao fiomanana ho amin'ny andro lehiben'i Jehovah izao. (...) Maro no mihevitra fa ho any an-danitra izy kanefa voatampin'izao tontolo izao ny masony. (...) Marobe no tsy manana fanantenana mazava, ka tandindomin-doza lehibe hanao izay nampianarin'i Jesosy indrindra fa tsy tokony hataony, amin ny fihinana sy ny fisotro, amin'ny fitafy; mifamatotra amin'izao tontolo izao amin'ny fomba samihafa izy ireny. Ilainy ny mianatra lesona lehibe izay manan-danja fatratra amin'ny fitomboana ara-panahy; ilainy ny miasa sy mihataka amin'izao tontolo izao.
Mizarazara ny fo, maniry fatratra ny hitovy amin'ny hafa ny fisainana ara-nofo (...) ka mila tsy ho hita intsony ny fiavahana amin'izao tontolo izao. Lanina ny vola, ny vola izay an'Andriamanitra, mba hanarahana ny fomban'izao tontolo izao; voaloton ny fanaon'izao tontolo izao ny fanandramana ara-pivavahana; samy tsy mahita ny fanahafana an'i Kristy (...) na izao tontolo izao na ny lanitra. - Ms 8, 1894.
Izao no fanontaniana tokony hapetraka: "Moa ve isika vonona hisaraka amin'izao tontolo izao, mba hahatonga antsika ho zanak' Andriamanitra?" Tsy asa vita ao anatin'ny fotoana fohy na iray andro izany (...) fa asa mandritra ny fiainana. Tsy maintsy atao fitsipi-piaina ny fitiavana an'Andriamanitra, ka ho hita soritra eo amin'ny asa sy ny teny ataontsika ary ny eritreritsika rehetra. -RH, 23 Oktôbra 1888.