"Aoka ny fiteninareo ho amin'ny fahasoavana mandrakariva, ho mamy sira, mba ho fantatrareo izay tokony havalinareo ny olona rehetra." Kol. 4:6
Mofon’aina:
Annankiray amin'ireo fanomezana avy amin'ny Fanahy Masina y hatsaram-panahy sy ny fahalalam-pomba. Toctran'ny lanitra izany. Tsy mba mihazakazaka ho amin'ny firehetam-po ny anjely, na mialona na koa tia tena. Tsy misy teny feno fahasiahana na haratsiam-panahy mivoaka ny vavan'izy ireo. Raha tiantsika ny hiaraka amin'ny anjely, dia tsy maintsy mandray toetra tsara sy feno fanajana isika.
Ny fahamarinan' Andriamanita dia natao hanandratra izay mandray azy, hanadio ny fitiavany ary hanamasina ny fomba fijeriny. Tsy misy olona ho tonga Kristianina raha tsy manana ny toe-tsain'i Kristy izay hiseho amin'ny toetra tsara sy ny fahalalam-pomba. Ho masina ny toetrany, ho mendrika ny fihetsiny ary tsy hisy fitaka ny teniny. Hitahiry fitiavana tsy mora tezitra, mahari-po sy malemy fanahy, izay manantena ny zavatra rehetra ary maharitra ny zavatra rehetra izy. (...)
Izay mitonona ho mpanara-dia an'i Kristy nefa tsy mahalala fomba ary ratsy fanahy sy tsy manaja dia tsy nianatra tamin'i Jesosy. (...) Mety tsy mampisalasala ny fahitsiany sy ny fahamarinany, kanefa izany dia tsy ny tsy fisian'ny halemem-panahy sy ny fanajana ny hafa. (...)
Ny tena fahalalam-pomba marina, rehefa miharo amin'ny fahamarinana sy ny rariny, dia mahatonga ny fiainana tsy ho mahasoa fotsiny fa ho tsara tarehy sy feno hanitra koa. Ny teny feno halemem-panahy, ny fijery sanaka, ny endrika falifaly, dia mahatonga ny Kristianina hanintona ka tsy ho hay tohaina ny hery miasa mangina avy aminy. Rehefa hadinony ny "izaho" (...) dia mahita fifaliana tena izy izy.
Andeha isika tsy hihevitra ny tenantsika, fa hitady izay hampifaly ny hafa mandrakariva sy hanamaivana ny enta-mavesany amin'ny alalan'ny asa feno fahalemem-panahy sy fitiavana izay tsy mihevitra ny tena. Aza manonona teny mandratra; soloy firaisam-po feno fitiavana ny tsy firaharahana ny fahasambaran'ny hafa. Ireo fiheverana feno fahalemem-panahy ireo, izay miantomboka ao an-tokantrano ka mitatra any ivelany, dia miantoka amin'ny ampahany betsaka ny fahasambarana eo amin'ny fiainana, ary ny fanaovana tsinontsinona izany no mahatonga ny fiainana ho ory sy manjombona. - ST, 16 Jolay 1902.