February 2025

 "Fa isika tsy manana mpisoronabe izay tsy mahay miara-mitondra ny fahalementsika, fa izay efa nalaim-panahy tamin'ny zavatra rehetra tahaka antsika, kanefa tsy nanana ota. Koa aoka isika hanatona ny seza fiandrianan'ny fahasoavana amin'ny fahasahiana, mba hahazoantsika famindram-po sy hahitantsika fahasoavana ho famonjena amin'izay andro mahory." — Heb. 4:15,16.

  "Tsy nanan-tsiny hianao tamin'ny nalehanao hatramin‘ny andro namoronana anao ka mandra-pahita heloka tao aminao. Noho ny habetsahan'ny varotra nataonao dia nofenoina loza tao aminao, ka nanota hianao; Ary dia nolotoiko ka nariako niala tamin'ny tendrombohitr'Andriamanitra hianao, Ary nosimbako hianao, ry kerobima manaloka, hiala tao amin'ny vato mirehitra." — Ezek. 28:15,16.

 "Ary rehefa hita fa nanan-tarehy ho olona Izy, dia nanetry tena ka nanaiky hatramin'ny fahafatesana, dia ilay fahafatesana tamin'ny hazo fijaliana." - Fil. 2:8.

"Zaro amin'izay làlana tokony halehany ny zaza, ka na rehefa antitra aza izy, dia tsy hiala amin'izany." - Ohab. 22:6.

Mofon’aina:
Tsy maintsy ampianarina ny ankizy fa manana anjara atao   ao an-tokantrano izy. Omena sakafo izy ireo, ampiakanjoina, tiavina, karakaraina; koa tokony hanao izay hahasambatra ny ankohonana misy azy izy, araka izay azony atao, ho setrin'izany fiahiana azy izany. Toy izany no hahatonga azy ireo ho zanak'Andriamanitra sy misiônera ao an-tokantrano.

"Hianareo zanaka, maneke ny ray aman-dreninareo amin'ny zavatra rehetra; fa ankasitrahana ao amin'ny Tompo izany." - Kôl. 3:20.

  "Fa izay tsy hain'ny lalàna, satria nofo ny nahalemy azy, dia vitan'Andriamanitra tamin'Izy naniraka ny Zanany, naka ny endriky ny nofo ota sy ny amin'ny ota, ka nanameloka ny ota tao amin'ny nofo." - Rôm. 8:3.

"Tsy fantatrareo va fa raha manolo-tena ho mpanompo hianareo na ho an'iza na ho an'iza, dia mpanompon'izay arahinareo hianareo, na ny ota ho amin'ny fahafatesana, na ny fanarahana ho amin'ny fahamarinana?" Rôm. 6:16.

"Fa fahasoavana no namonjena anareo amin 'ny finoana; ary tsy avy aminareo izany, fa fanomezana avy amin 'Andriamanitra." — Efes. 2:8.

"Fa tahaka ny nanaovana ny maro ho mpanota noho ny tsi-fanarahan 'ny olona iray, no hanaovana ny maro ho marina kosa noho ny fanarahan'ny Anankiray. " - Rôm. 5:19.

Mofon’aina:
Very hasina ny saha Edena noho ny tsy fankatoavan'i Adama; saingy tahaka ny nanaovana ny maro ho mpanota noho ny tsi-fanarahan'ny olona iray, no hanaovana ny maro ho marina kosa noho ny fanarahan'ny Anankiray.

"Dia naka ny bokin'ny fanekena izy ka namaky teny teo anatrehan'ny olona. Ary hoy ny olona: Izay rehetra nolazain’i Jehôvah dia hataonay sy hekenay." - Eks. 24:7.

Mofon’aina:
Nohamafisina izao ny fanekena araka ny toromarika avy amin' Andriamanitra (jereo ny Eks. 24:4-8).