"Amin 'ny fanahiko no aniriako Anao nony alina; eny, ny saiko ato anatiko no itadiavako Anao fatratra; fa mamely ny tany ny fitsaranao, dia mianatra fahamarinana ny mponina amin 'izao tontolo izao." – Isa. 26:9.
"Fa tahaka ny zaza vao teraka dia maniria ny rononom-panahy tsy misy fitaka, mba hitomboanareo amin 'izany ho amin'ny famonjena, raha tahiny nanandrana hianareo fa tsara ny Tompo. "'- I Pet. 2:2,3.
"Farany, miraisa saina hianareo rehetra, ka miaraha ory, mifankatiava tahaka ny mpirahalahy, mifamindra fo, manetre tena, tsy mamaly ratsy ny ratsy, na fanaratsiana ny fanaratsiana; fa aoka hisaotra kosa, satria ho amin'izany no niantsoana anareo mba handova fitahiana."- 1 Pet. 3:8,9.
"Koa raha hianareo, na dia ratsy aza, mahalala hanome zava-tsoa ho an 'ny zanakareo, tsy mainka va ny Rainareo Izay any an-danitra no hanome zava-tsoa ho an 'izay mangataka aminy?" – Mat. 7:11.
"Tsara ny hidera an Jehovah sy ny hankalaza ny anaranao, ry Avo Indrindra o, ary hanambara ny famindramponao nony maraina sy ny fahamarinanao nony alina. "- Sal. 92:1,2.
"Ny alitarany horavanao, ary ny tsangam-baton-tsampiny hovakivakinao; ny Aserahany hokapainao, ary ny sarin-javatra voasokitra hodoranao amin'ny afo. Fa firenena masina ho an 'i Jehovah Andriamanitrao hianao. " – Deo. 7:5,6.
"Ny famindrampon'i Jehôvah no tsy nahalany ritra antsika, fa tsy mitsahatra ny fiantrany. Vaovao isa-maraina izany; lehibe ny fahamarinanao. "– Fit. 3:22, 23.
