NY FANADIΝΟΑΝΑ
Vakio ny Jos. 4:20-24 ary ampitahao amin'ireto andalan-tSoratra Masina manaraka ireto: Mpits. 3:7: Mpits. 8:34: Sal. 78:11; Deo. 8:2,18; Sal. 45:17. Nahoana no manan-danja tokoa ny fahatsiarovana ireo zava-dehibe nataon'i Jehôvah ?
Mariho ny fiovana eo amin'ny mpisolo tena ampiasaina ao amin'ny Jos. 4:23. Voalaza fa nataon'Andriamanitra maina ny onin'i Jordana teo "anoloanareo", izany hoe teo anoloan'ireo Isiraelita izay vao avy nita an'i Jordana. Etsy ankilany indray, dia voalaza ao fa nataon'Andriamanitra maina teo "anoloantsika ny Ranomasina Mena. Ny "isika" eto dia ireo izay teo hatramiin'ny taranaka voalohany indrindra sy nandalo tamin'ny fanandraman'ny fanafahana. Mitovy ny lanjan'ny toe-javatra roa niainan'ireo taranaka roa samy hafa ireo, izay nanome fahafahana ho an'ilay taranaka faharoa hahatakatra koa ny dikan'ny fiampitana ny onin'i Jordana, vokatry ny fijoroan'ny ray aman-dreniny ho vavolombelona.
Heverintsika ho zavatra mpahazo ny olombelona rehetra, ankapobeny, ny fanadinoana. Kanefa, ny fanadinoana eo amin'ny lafiny ara-panahy dia mety hiteraka vokany ratsy sy mampidi-doza kokoa.
Na dia ankehitriny aza, raha tiantsika ny hitahiry ny maha-isika antsika, vahoaka izay manana fiantsoana sy iraka manokana, dia tokony hamorona fomba samihafa hamelombelomana ny fitadidiantsika ara-panahy isika (na ny fiangonana na ny tsirairay) mba hihazonantsika ao an-tsaina izay niandohantsika sy ny maha-isika antsika ary ny antony maha-eto antsika.
Vakio ny 1 Kôr. 11:24,25 sy ny Jao. 14:26. Nahoana isika no tokony hahatsiaro mandrakariva ny zavatra nataon'i Kristy ho antsika? Manan-danja ve ny zavatra iray raha toa tsy tsaroantsika?
Takatr'i Ellen G. White tsara fa raha tsy misaintsaina mandrakariva ny asan'Andriamanitra tamin'ny lasa sy ny fanambaran'ny Teniny izay mitsilo ny lalantsika isika, dia azo antoka fa ho verintsika amin'ny hoavy ny fahazotoana hanatanteraka ny iraka nampanaovina antsika: "Tsy misy na inona na inona atahorantsika ny amin'ny hoavy, afa-tsy ny hanadinoantsika ny fomba nitarihan'ny Tompo antsika, sy ny fampianarany teo amin'ny tantarantsika hatrizay lasa izay." -LS, t. 196.
Na dia zava-dehibe aza ny hahatsiarovana ny lasa sy ny fomba nidiran'Andriamanitra an-tsehatra teo amin'ny flainanao, nahoana no Ilainao ny hanana fanandramana isan'andro momba ny fitiavany sy ny fanatrehany ankehitriny?