Vakio ny Sal. 122:1-5. Inona no fihetsehampon'ireo mpivavaka rehefa tonga any Jerosalema? Inona no antenainy ho hita any?
Maneho ny firavoravoan'ny mpivahiny sy ny fifalian'izy ireo amin‘ny fahatongavany any Jerosalema ny Sal. 122. Fotoam-pifaliana ny fivahiniana tany Jerosalema, rehefa nankany intelo isan-taona ny vahoakan’Andriamanitra mba hahatsiaro ny fahatsarana nasehon’Andriamanitra tamin‘izy ireo tamin’ny lasa sy ny ankehitriny (Deo. 16:16). | Jerosalema no ivon’ny fiainan'ny firenena satria tao no nisy ny “Lalana amin'ny Isiraely’ (Sal. 122:4) sy ny “seza fitsarana mipetraka” (Sal. 12:5). Ny “Laléna amin’ny Isiraely’ dia manondro ny fitoerana masina, izay nantsoina tamin’izany fotoana izany hoe “taberakelin'ny Vavolombelona” (Nom. 1:50) ary koa nisy ny “fiaran'ny Vavolombelona” (Eks. 25:22). Maneho ny rafi-pitsarana tany Jerosalema ny seza fiandrianan'ny fitsarana (2 Sam. 8:15). Ny fivahiniana tany Jerosalema, araka izany, no fotoana nitadiavan'ny olona ny rariny sy nahazoany izany. Tsy nosarahina mihitsy ny fahatokiana amin’Andriamanitra sy ny fanomezana rariny ny olona.
Vakio ny Sal. 122:6-9. Inona no tena antom-bavaky ny vahoakan’ Andriamanitra?
Ny fangatahana fiadanana ho an'i Jerosalema dia fangatahana ny fitahian’Andriamanitra ho amin’ny tanana sy ny mponina ao aminy; mampiray ireo mpivavaka izany ka mahatonga ny fiadanana hipariaka eo amin‘izy ireo (Sal. 122:8). Tsy ho tananan’ny fiadanana i Jerosalema raha tsy mihavana amin’Andriamanitra ny olony, ary mihavana koa ireo samy zanak’Andriamanitra. Araka izany, ny fangatahana fiadanana ho ani Jerosalema dia mampita antso ho amin'ny vahoakan’Andriamanitra mba hihavana amin’Andriamanitra sy amin'izy samy izy. Rehefa miadana i Jerosalema dia hiadana ny olona (Sal. 147:12-14),
Ampianarin'ny Salamo antsika fa ny fangatahana ny fiadanan'ny fiarahamonin'ny finoana no tokony ho ivon'ny antom-bavaky ny zanak’Andriamanitra satria ny vahoakan’Andriamanitra miray hina sy matanjaka inany no afaka hitory ny vaovao mahafalin’ny fiadanan’Andriamanitra sy ny famonjena amin'izao tontolo izao (Jao. 13:34, 35).
Tombontsoa sy andraikitra ho an'ny mpino ny fangatahana ny fiadanan’i Jerosalema satria mihazona ny fanantenana ny fiavian'ny fanjakam- piadanan’Andriamanitra amin'ny andro farany izany, izay hahakasika an'izao tontolo rehetra izao fa tsy ny tananan’i Jerosalema ihany (Isa. 52:7; Isa. 66:12, 13; Apdk. 21-22).
Inona avy ireo fomba azo ampiharina ho fampanjakana ny firindrana eo. amintsika ankehitriny, amin'ny maha-vahoakan' Andriamanitra antsika?