June 2026

"Ny miaramila manafika dia tsy mba misy maningo-tena amin'ny raharahan'izao fiainana izao, mba hahafaly izay efa nifidy azy ho miaratnila." - 2 Tim. 2:4

Mofon’aina:
Ny Tompo Jesosy dia maniry ny hihatahan'ireo izay novidiny amin'izay rehetra mety hampiditra azy amin'ny fakam-panahy. An'ny Tompo isika amin'ny alalan'ny famoronana, ary Azy koa amin'ny alalan'ny fanavotana. Tsy maintsy mailo sy maranitra ny fahatsapantsika rehetra mba hananantsika fifandraisana marina amin'Andriamanitra.

"Ary aza miray amin'ny asan'ny maizina tsy mahavoka-tsoa, fa aleo mananatra izany." - Efes. 5:11

Mofon’aina:
Maro amin'ireo mitonona ho Kristianina no tahaka ny voaloboka (...) manakambana ny rantsany amin'ny fakany sy ny loto izay sendra azy eny an-dalana. Ho azy ireny izao hafatra izao: "Koa mivoaha eo aminy hianareo, ka misaraha aminy hoy Jehovah. Ary aza manendry izay zavatra tsy madio; ary Izaho dia handray anareo. Ary ho Rainareo Aho, ary hianareo ho zanako-lahy sy ho zanako-vavy, hoy Jehovah Tsitoha.' - 2 Kôr. 6:17,18.

"Tsy fantatrareo va fa fandrafiana an 'Andriatnanitra ny fisakaizana amin'izao tontolo izao? Koa na iza na iza te-ho sakaizan 'izao tontolo izao, dia fahavalon 'Andriamanitra izy."  - Jak. 4:4

"Aza tia izao tontolo izao, na izay zavatra eo amin'izao tontolo izao. Raha misy olona tia izao tontolo izao dia tsy ao anatiny ny fitiavana ny Ray." - 1 Jao. 2:15

"Aoka ho ao aminareo izao saina izao, izay tao amin Kristy Jesosy koa." - Fil. 2:5

"Manatòna an 'Andriamanitra, dia hanatona anareo Izy. Diovy ny tànanareo, ry mpanota; ary ataovy madio ny fonareo, ry mpiroa saina." - Jak. 4:8

Mofon’aina:
Loza mahonena ny fisalasalana. "Olona mima saina izy, miovaova amin'ny alehany rehetra." - Jak. 1:8. (...) Andeha hampiasaintsika amin'ny antony ny saina nomen'Andriamanitra antsika. Ny fitiavan-kaja, ny fieremana, ny fironana hanaraka ny lamaody sy ny fomban'izao tontolo izao, mba tsy hiheverana anao ho miavaka, dia hamafa tsy ho ela ny tsipika mampisaraka ny lalan'ny Kristianina sy ny fanaon'izao tontolo izao.

 "Fa mandrava ny fisainana sy ny zavatra avo rehetra izay atsangana hanohitra ny fahalalana an'Andriamanitra izahay ka mamabo ny hevitra rehetra hanaiky an 'i Kristy." - 2 Kôr. 10:5

"Diniho aho, Andriamanitra ô, ary fantaro ny foko; Izahao toetra aho, ary fantaro ny eritreritro; ary izahao na misy lalana rnampahory ato anatiko, dia tariho amin 'ny lalana mandrakizay aho." - Sal. 139:23,24.

 "Tandremo ny fonao mihoatra noho izay rehetra tokony hotandremana; fa avy ao aminy no ihavian 'ny aina." - Ohab. 4:23

"Fa Jehovah, dia mpandinika ny fo rehetra, ary ny fieritreretana rehetra dia fantany avokoa. Raha mitady Azy ianao, dia hahita Azy; fa raha mahafoy Azy kosa ianao, dia hariany andrakizay." - I Tant. 28:9

Mofon’aina:
Tsy maintsy hampamoahina eo anatrehan' Andriamanitra ianao   ny amin'ny eritreritrao, ny teninao, ny fotoanao ary ny asanao. (...)