« Ary hoy Izy taminy: Ny Sabata no natao ho an'ny olona, fa tsy ny olona ho an'ny Sabata.» - Mar. 2:27.
Mofon’aina:
Rehefa nampangaina ho nandika ny Sabata i Jesôsy tao Betesda, dia niaro tena Izy tamin'ny fanambarana fa mifandrindra amin'izay ataon'ny Ray ny asany. Ny mpianatra indray izao no ampangaina. Maka ohatra avy ao amin'ny Testamenta Taloha ho an'ny mpiampanga i Jesosy, dia ohatra mampiseho fihetsika nataon'izay teo amin'ny fanompoana an'Andriamanitra tamin'ny Sabata.
Nireharehan' ireo mpampianatra j iosy ny fahalalany ny Soratra Masina, ary nisy fanomezan-tsiny ny tsy fahalalany ny Soratra Masina ny valin-tenin'ny Mpamonjy. Hoy Izy: "Tsy mbola novakinareo va ny teny izay milaza ilay nataon'i Davida, raha noana izy mbamin'izay nanaraka azy, fa niditra tao an-tranon'Andriamanitra izy ka nandray ny mofo aseho ary nihinana, (…) nefa mahadiso raha misy homana izany, afa-tsy ny mpisorona ihany?" (Mat. 12:3-5) (dia hoy Izy taminy: Ny Sabata no natao ho an'ny olona, fa tsy ny olona ho an'ny Sabata; ka dia Tompon'ny Sabata aza ny Zanak'olona." - Mar. 2:27. "Ary tsy mbola novakinareo ao amin'ny lalàna va fa amin'ny Sabata ny mpisorona ao amin'ny tempoly manota amin'ny Sabata, nefa tsy manan-tsiny? Ary dia lazaiko aminareo fa misy eto lehibe noho ny tempoly (..) Fa Tompon'ny Sabata ny Zanak'olona. " (Mat. 12:5-7,9).
Tsy navelan' i Jesôsy handeha amin'izao tsy nanomezany tsiny ny fahavalony my toe-javatra iny. Nambarany fa noho ny fahajambany dia diso fihevitra izy momba ny zava-kendren'ny Sabata. Hoy Izy: "Fa raha fantatrareo izay hevifry ny teny hoe: Tamindrampo no sitrako, fa tsy fanatitra alatsa-dra, dia tsy mba nanameloka ny tsy manan-tsiny hianareo " (Hos. 6:6). Ny fanompoam-pivavahana marobe tsy ataony amin'ny fo dia tsy afaka hameno ny fahabangan'ny fahamarinan-toetra mahatoky sy ny fitiavana mamy izay hampiavaka mandrakizay ny tena mpivavaka marina amin'Andriamanitra. (…)
Ny fanompoan'ny fitiavana no misy tombam-bidiny amin'Andriamanitra. Rehefa banga izany, dia fanafintohinana ho Azy ny fanompoam-pivavahana marobe mifandimby fotsiny. Toy izany koa ny amin'ny Sabata. Natao hitondra ny olona hifandray amin'Andriamanitra izany; nefa raha variana amin'ny fombam-pivavahana mandreraka ny saina, dia voasakana ny zava-kendren'ny Sabata. Fanarabiana ny fitandremana azy ivelambelany fotsiny. — IFM, tt. 222,223.