Zavatra iray anisan'ny nampatanjaka an'i Babilona ny nikorianan'ny onin'i Eofrata tao ambanin'ireo mandany, izay namatsy rano tsy tapaka an'ilay tanana. Izany koa anefa no teboka iray nampalemy azy ireo. I Nitocris, mpanjakavavin'i Babilona fahiny, dia nanamboatra lalana mankao amin'ny tanana teo amin'io ony io; tamin'izany no namiliany ny ony ho honahona mba hanamora ny fahafahan'ireo mpiasa miasa. Takatr'i Kyrosy fa azony atao koa ny toy izany; noritiny ny onin'i Eofrata mba hahafahan'izy sy ny tafiny mandeha ao ambanin'ny manda. Vantany vao tafiditra tao anatin'ny mandan'ny tanána izy, dia hitany fa tsy voambina ireo manda nanamorona ny ony izay namakivaky ny tanana, ka tao anatin'ny indray alina monja no nahalavo ilay tanána. Izao no nambaran'i Hérodote mpahay tantara Grika: "Tsy fantatr'ireo mponina tao afovoan'i Babilona mihitsy fa efa rava ireo tanȧna manodidina azy, satria fotoan'ny lanonana tamin'izay ka nandihy sy nanao izay nahafinaritra azy ny rehetra." - Herodotus, The Histories, Tom Holland, trans. (New York: Penguin, 2015), t. 94. Mety hisy ve ny fisalasalana fa io lanonana io ihany no voaresaka ao amin'ny Dan. 5?
Vakio ny Dan. 5:18-31 sy ny Apôk. 16:12-19. Inona no fitoviana hitanao eo amin'ireo loza ambaran'ny Apôkalipsy sy ny tantaran'ny faharavan'i Babilona?
Izao no nampitandreman'i Jesôsy ireo mpianany raha nanazava ny fomba hahalalana irco faimantarana ny fotoan'andro Izy: "Koa amin'izany miambena hianareo; ta tsy fantatrareo izay andro hihavian'ny Tomponareo. Nefa aoka ho fantatrareo izao: Raha faritatry ny tompon-trano ny fiambenana amin'ny alina izay hihavian'ny mpangalatra, dia ho niambina izy ka tsy namela ny tranony hotamina." Mat. 24:42,43. Tahaka ny tamin'ny andron'ny faharavan'i Babilona no hanampohan'ny fisehoan'i Kristy an'i Babilona mõderina. Tsy voatery izany anefa no hitranga satria efa marobe ny porofon'ny fiavian'i Jesôsy tsy ho ela nomena antsika tao anatin'ireo famiraniana maro izay nomena an-tsipiriany.
Tsy ny tsy fahalalan'izao tontolo izao ny zavatra nambaran'Andriamanitra mialoha no hanampoka azy fa ny nisafidianany tsy hino ny zavatra nambaran'Andriamanitra fa hitranga.
Vakio ny Apôk . 16:15. Na dia ao anatin'izao fotoan'ny fampitandremana izao aza, inona no hafatry ny filazantsara hita eto? Inona no hevitry ny hoe "hita ny fahamenarana?"