" Tiava an’i Jehôvah Andriamanitrao amin’ny fonao rehetra sy ny fanahinao rehetra sy ny herinao rehetra ary ny sainao rehetra; ary tiava ny namanao tahaka ny tenanao. " Lio. 10:2.
Mofon’aina:
Mizaha toetra sy mitsapa anao ny Tompo. Efa nanoro hevitra sy nananatra ary niangavy Izy. (...) Arakaraka ny hanitsian’ny Tompo na hanoroany lalana matetika, ka tsy hiraharahanao ny feony, no vao mainka hahatonga anao ho eo amin’ny toerana izay handavanao izany hatrany, mandra-pilazan’Andriamanitra aminao hoe: “Satria efa niantso Aho, fa nandà hianareo; efa naninjitra ny tànako Aho, fa tsy nisy nitandrina; fa nolavinareo ny saina rehetra natolotro, sady tsy nety nanaiky ny anatro hianareo (...) dia vao hiantso Ahy izy, fa tsy hamaly Aho; dia vao hitady Ahy fatratra izy, fa tsy ho hitany Aho. Satria nankahala ny fahalalana izy ary tsy nifidy ny fahatahorana an’i Jehôvah . Tsy nekeny ny saina natolotro, notsiratsirainy avokoa ny anatro rehetra, dia hihinana ny vokatry ny alehany izy ka ho voky ny fihendreny.” – Ohab. 1:24,25,28-31.
(...) Tandremo, fandrao hisy aminareo hanana fo ratsy tsy mino ka hiala amin’Andriamanitra velona. Tsy fantatrao ny andro hamangiana anao. (...) Raha mandinika ny toetr’ireo olona milaza fa mpanara-dia Azy i Jesôsy amin’izao fotoana izao, dia tsy fahaiza-mankasitraka, fiseho ivelany poaka aty, fihatsarambelatsihy, avonavona toy ny an’ny Fariseo ary fihemorana no ho hitany.
Ny ranomaso nalatsak’i Kristy teo an-tendrombohitra Oliva dia noho ny tsy fibebahana sy ny tsy fahaiza- misaotra asehon’ny olona tsirairay amin’ny andro farany. (...) Navadika ho toerana fanaovana varotra tsy masina ny kianjan’ny tempolin’ny fo. Fitiavan-tena, mamôna, toetra tsy mifaditrovana, fialonana, avonavona, ary firehetam-po no kolokoloina ao anatin’ny fon’ny olombelona. (...) Avonavona no asetry ireo iraka alefany ary toy ny angano ihany no andraisana ny teniny. (...)
Miangavy anao izay mitonona ho nitana ny finoana hatry ny ela aho, nefa manaja an’i Kristy amin’ny fiseho ivelany sisa: Aza mamitaka ny fanahinao fa ny fo manontolo no ankasitrahan’i Jesôsy. Ny fahatokian’ny fanahy irery ihany no sarobidy eo imason’Andriamanitra. (...) – TFC, b. 5, tt. 72,73.