"Nisy lehilahy nirahin'Andriamanitra, Jaona no anarany. Izy tonga ho vavolombelona hanambara ny Mazava, mba hinoan'ny olona rehetra noho ny teniny." -Jao. 1:6,7.
Mofon’aina:
Izao no tenin'Andriamanitra amin-tsika: "Koa amin'izany aoka ho tanteraka hianareo toy ny fahatanterahan'ny Rainareo Izay any an-danitra." – Mat. 5:48. Miantso ny olona rehetra mba hanombo ny izaho Izy. Hitombo hery ao Aminy ireo izay hamaly ny antsony. Mianatra isan'andro amin'i Kristy izy ireo, ary arakaraka ny ianarany no mahalehibe ny faniriany hanorina ny fanj akan' Andriamanitra, amin'ny alalan'ny fanampiana ny mpiara-belona aminy. (...) Arakaraka ny haben'ny tombontsoa sy ny fahafaha-manao ary ny fitaovana ananan' izy ireo ho an'ny asa kristianina no ahatsapany ny adidy lehibe kokoa tokony hiasany ho an'ny hafa.
Miezaka mandrakariva ny haneho ny tenany ny olombelona. Tsy maintsy foanana ao anatin'ny olona izay natao tanteraka ao amin'i Kristy ny avonavona sy ny fiheverana ho mahavita tena. Rehefa izay dia hisy fahanginana ao anatin'ny fanahy, ho re ny feon'Andriamanitra, ary tsy ho voasakantsakana ny fidiran'ny Fanahy Masina. Avelao hiasa ao anatinao sy amin'ny alalanao Andriamanitra. Amin'izay dia afaka hilaza miaraka amin'i Paoly ianao manao hoe: "tsy izaho intsony no velona, fa Kristy no velona ato anatiko." – Gal. 2:20. (...)
Hoy i Kristy: "Izaho • avy mba hananany fiainana, sady hananany be dia be." – Jao. 10:10. Io fiainana io no tsy maintsy ananantsika mba hahafahantsika miasa ho an'i Kristy, ary tsy maintsy ananantsika "be dia be". Hanome fiainana ho an'ny fanahy tsirairay izay maty ny amin'ny tena Andriamanitra. Fandavan-tena tanteraka no ilaina, raha tsy izany dia hoentintsika miaraka amintsika ny zavatra izay hanimba ny fahasambarantsika sy ny asantsika. (...)
Raisin' Andriamanitra ireo izay manombo ny izaho, ka ataony fanaka homem-boninahitra. Toy ny tanimanga eo an-tanan'ny mpanefy izy ireo rehefa eo an-tanan'Andriamanitra, ary manatanteraka ny sitrapony amin'ny alalan' izy ireo Izy. (...) Tsapan'izy ireo fa tsy maintsy mivelona amin'ny fiainana izay nive loman ' i Jesosy izy ireo eto amin'izao tontolo izao fiainana afaka amin'ny fitiavan-tena rehetra; ary manampy azy ireo Izy mba hijoro ho vavolombelona ho Azy, hitaona fanahy ho eo amin'ny hazo fijalian'i Kalvary. — ST, 9 Avrily 1902.