"Tsara ny hidera an Jehovah sy ny hankalaza ny anaranao, ry Avo Indrindra o, ary hanambara ny famindramponao nony maraina sy ny fahamarinanao nony alina. "- Sal. 92:1,2.
Mofon’aina:
Ny fivavahana kristianina iainana dia midika ho fiaraha-miasa amin' Andriamanitra isan'andro, fiasana ho an'i Kristy, tsy indraindray fa tsy ankiato. Ny fanaovana tsirambina ny fanehoana fahamarinana iainana eo amin'ny fiainantsika dia fandavana ny finoantsika sy ny herin'Andriamanitra. Mitady. olona nohamas in ina Andriamanitra, olona voatokana ho amin'ny fanompoana Azy, olona izay hihaino sy hanaiky ny fanasana hoe: "Ento ny ziogako, ka mianara amiko".
Tamim-pahamatorana manao ahoana re no nanatanterahan'i Kristy ny asa famonjena antsika e! Fanoloran-tena manao ahoana no nasehon'ny fiainany rehefa niezaka Izy ny hanome tombambidy ny olombelona lavo, tamin'ny fanolorany ho an'ny mpanota mina sy mibebaka ny fahamendrehan'ny fahamarinany tsy misy pentina! Niasa tsy nety sasatra Izy. (...) Teny rehetra teny no nitoriany ny filazantsara sy nanasitranany ny marary. Nomeny avokoa izay Azy rehetra, mba hahafahany manatantetaka ny drafi-panavotana.
Tsy voatery hanao io sorona lehibe io i Kristy. Nianiana tamin'ny nahim-pony anefa Izy fa hizaka ny famaizana tokony ho an'ny mpandika ny lalany.
Ny fitiavany irery ihany no nanery Azy, ary tsy nimonomonona Izy raha niaritra ny hirifiry tsirairay sy nandray ny fanalam-baraka tsirairay izay ampahany amin'ny drafi-pamonjena. (...)
Manoloana ny fiainan'i Kristy feno fisasarana sy fanompoana, moa ye ireo mitonona ho Kristianina hisalasala (...) ny hitondra ny hazo fijaliana ka hanaraka Azy? Nanetry tena tany amin'ny lalina ambany indrindra Izy, mba hasandratra any amin'ny fara tampon'ny fahadiovana sy ny fahamasinana ary ny fahatanterahana isika. Tonga mahantra lzy, mba hahafahany mandrotsaka ao amin'ny fanahintsika trotraky ny fahantrana ny fahafenoan'ny hareny. Niaritra ny hazo fijalian'ny fahafaham-baraka Izy mba hahafahany manolotra fiadanana sy fitsaharana ary fifaliana ho antsika (...)
Tsy tokony hankasitraka ny tom bontsoa amin'ny fiasana ho Azy ye isika, ka ho dodona haneho fandavan-tena sy fanoforan-tena ho Azy? Tsy tokony haverintsika amin'Andriamanitra ye izay rehetra navotany, ny fitiavana izay nodioviny, ary ny tena izay novidiny, mba ho voahazona ao amin'ny fanamasinana sy ny fahamasinana? — RH, 4 Avrily 1912.