"Efa nifidy anao ho amin'ny famonjena Andriamanitra tamin'ny alalan'ny fanamasinan'ny Fanahy sy ny finoana ny fahamarinana. Koa miorena tsara. (...) Raha manompo an'Andriamanitra amim-pahatokiana ianao, dia ho tojo fitsaratsarana sy fanoherana; kanefa aza dia tezitra raha mijaly tsy ara-drariny ianao. Aza mamaly faty. Hazony tsara ny fahamendrehanao ao amin'i Jesôsy Kristy. Afantohy any an-danitra ny fijerinao. Avelao ny hafa hiteny izay tiany holazaina, sy hanao izay tiany hatao; fa ianao kosa, aoka halemy fanahy sy hanetry tena tahaka an’i Kristy hatrany. Manana tanjona mafy orina, fo madio, ka tanteraho amin'ny herinao sy ny tanjakao rehetra ny asanao, sady mamikitra amin'ny sandrin'Andriamanitra. Mety tsy ho fantatrao mihitsy ny tena fahamboniana marin’ny asanao. Tsy hainao refesina ny tombambidinao raha tsy amin'ny alalan'ilay aina nafoy hamonjena anao. (...)
" Ho an'ny fanahy rehetra izay mitombo ao amin'i Kristy, dia hisy ny ady sy ny filofosana mafy; vonona hanohitra ny lalan'ny fandrosoana mantsy ny herin'ny maizina. Saingy rehefa mitodika any amin'ny hazo fijalian'i Kristy isika mba hahazo fahasoavana, dia tsy ho resy. Izao no teny fikasana nomen'ny Mpanavotra: 'Izaho tsy handao anao mihitsy na hahafoy anao akory.’ Indro, Izaho momba anareo mandrakariva ambara-pahatongan'ny fahataperan'izao tontolo izao."' — The Youth's Instructor, 9 Novambra 1899.
FANONTANIANA hifonakolozan-kevitra
1. Naiditra an-tranomaizina imbetsaka i Paoly, ary tsy ara-drariny avokoa izany. Manao ahoana ny fihetsikao rehefa tsy ara-drariny ny fitondrana anao? Inona avy ireo teny fikasana ao amin'ny Baiboly azonao raisina amin'ny fotoana toy izany?
2. Hoy i Tertullian, mpitondra fivavahana tamin'ny andro fahiny, momba ny fanenjehana ny Kristianina: "Arakaraka ny anorotoroanareo anay no hitomboan’ny isanay; voa afafy ny ran'ny Kristiana." — Alexander Roberts and James Donaldson, eds., Ante-Nicene Fathers (Peabody, MA: Hendrickson Publishers, Inc., 1999), b. 3, t. 55. Kanefa koa, tany amin'ny toerana sy fotoana sasany, ny fanenjehana dia nanakantsakana tokoa ny asan’ny fiangonana. lnona no azontsika atao ho fanohanana ireo izay iharan'ny fanenjehana noho ny finoany?
3. Saintsaino ny tsianjery ho an'ity herinandro ity sy ny fifandraisany amin'ny fahoriana natrehin'i Paoly. "Mifalia mandrakariva"? lnona no hevitr'izany? Amin'ny fomba ahoana no tokony hahavitantsika izany? Marary, ohatra, ny olon-tianao na maty. Na very asa ianao, na manaintaina aoka izany ny vatanao. Angamba izao no fanontaniana tsara apetraka mba hahazoana mahatakatra izany: "Mifalia mandrakariva amin'ny inona?" izany hoe, na inona na inona toe-javatra misy antsika, inona no azontsika ifaliana mandrakariva?